FRANK: Dis bor mhojea dhonddea khatir ghora bhair astam. Disantlean thoddim horam ami sangatak astat. Tujea moreantlo kiteak dukoltai?
FELCY: Hanv mhonnonk soddina bed-ar nidhum naka. Ponn tuka bore toren mhoji oddchon sanglea mhojea jivak borem disona ani TV-cho motto avaz mhojean aikunk zaina.
FRANK:Borem tor volume unno khortam. Mhojo avddicho TV program mhollear car races ani noveo-noveo mottor ghaddio bhazarant ietat teo pollevncheo.
FELCY: Fokt TV-ir pollevncheo? Vikti ghetlo kedna? Vorsam zalim gaddi gheta, gaddi gheta oxem sangun mhaka niraxi korta tum. Ektich dhuv asa amkam. Subeij bhurgim nant. Tuje sangati aple-aple bail-bhurgeank ghevn gaddieani bhonvttat.
FRANK: Viktti ghevnk horkot na. Mottor gaddieo vikpi agent asat te gaddiechi warranty ditat ponn Goenche rosteanchi guarantee mat dinant. Atth lakanchi gaddi viktti ghevnchi ani konddkulam poddill'lea rosteancher chollouchi?
FELCY: Koslim na tor koslim nibam (excuses) tujea lagim astat. Kednai Ponnje, Moddganv vechem poddtta. Bosint ieta-veta mhollear ordho dis khobar zata mhojo. Bosint ghorddi asta ti anik sangum naka.
FRANK: Bosint poinn (travel) korta tem odik borem. Goenchea rosteancher motor-cycle, scooter-i, mottor gaddio khup khupuch vhaddlea ponn roste mat hoxir te hoxiruch. Moddganv, Ponnje, Vasco oslea xarani gaddi parking korunk svat asona. 700 metr pois gaddi dorun tuvem chollun bazarant vechem poddtta. Bosint gelem zalear tum sarkem bazarachea darant pavtta.
FELCY: Hem tujem soddanchem gharanem aikot aileam hanv. Sogllem sukh dilam tuvem mhaka. Ekuch mhoji axea asli tuvem gaddi ghevnchi ani tujea bharim pois-pois bhovnddi marun ievnchem.
FRANK: Tujo mog kelolo tedna don roddanchi saikol choloitalom hanv ani nhoi scooter vo mottor gaddi. Choddav, dhevnni mhuni nastana korchet-korchet tuka mellunk ietalom. Tuka saikolicher bosoun hanga thoim cinemank, beat show-ak, tiatr, dans, kazarank vortalom...
FELCY: Pavsachea survatekuch eka disa saikolicher bossun tujea ixttachea kazarak vetana, ek rostin ailelea mottorachim roddam khonddkulan vochun tantlem mellem udok uslun amche borele khopdde bizoilele. Tedna tuka khub rag ailolo ani ragan tuvem mhottlem "Duddu zatokoch eka disa hech toren gaddi ghetlom ani lokak bhizoitolom"
FRANK: Oh my, my good God..Atam meren tuka iad asa?
FELCY: Khoxi visrum?
FRANK: My promise. Faleam Verna, Goa Motors Komponint vetam ani 'Hyundai Accent' mottor gaddi getam. Khuxi mu?
FELCY: Oh thank you, thank you
FRANK: Rav, rav fokt polleacher beij di. Gans marxi. Borem tor, TV ani light off kortam. Atam tum sust nidhe. Good night love.
FELCY: Good night honey..
Thoddea velan.................
FELCY: Arre, arre tum kitem kortai? Tujo hat kitem sonspota?
FRANK: Taplele gaddiek night parking korunk garagint svat asa kai mhonn polletalom.
FELCY: Basbe.........
Lino B. Dourado
http://www.goa-world.net/poems
http://www.goa-world.net/poems/lino
A brief about Lino B. Dourado
http://groups.yahoo.com/group/gulf-goans/message/4184
(c) www.goa-world.com |
||
++++++++++++++++++++++++++++++++++++++++++++++++++++++++
Bhangarachem Zoit Zhoddunk Masam Kha.
http://groups.yahoo.com/group/gulf-goans/message/4454
++++++++++++++++++++++++++++++++++++++++++++++++++++++++
- Forwarded by www.goa-world.com
Do you Yahoo!?
Win 1 of 4,000 free domain names from Yahoo! Enter now.
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [EMAIL PROTECTED]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
| Yahoo! Groups Sponsor | |
|
|
Yahoo! Groups Links
- To visit your group on the web, go to:
http://groups.yahoo.com/group/gulf-goans/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
