|
ZATHI ANI KATHI GOEMKARAM MODEM
Nomoskar Somestank, Aiz kitlech dis zale ami sogot hie gozali vhoir
vachtaum Internet-acher, tech porim Herald hea potracher, zacho topic zaun assa �GOANS AND CASTE� (ZATHI ANI KATHI).
Hea vixaiea vhoir zaiteanim ap-aple vichar ani hietu boroile zoxe porim Bab Gilbert Lawrence, Bab Santosh Helekar, Bab Basilio Monteiro, Bab George Pinto, Bab Cornel DaCosta � London, Bab Melvyn Misquita, Fr. Ambrose Pinto � New Delhi, Bab Dom Marin tech porim anik zaiteanim boroilem fokot Goemkar ani zathi.
Hie zathi kathincho bedh bau amchea goemch nhuim pun akhe Indiek
ximpodlolo assa, amchea serkaran passun hi gozal bherea kanar ghetlea. Indiek, Uttar Pradesh, Rajasthan, Bihar, Andra Pradesh, Kerala hea gaum-ani kitle hatiachar godtat zanchi khobor potrancher passun konuch boroinam, pun assat thode zomhe je hea vixaieam vhoir vavurtat te nopoit korun tia lokak ek sukhi jivit favo zaunk.
Amchea
GOEM zathi kathincho bedh bau zaitoch assa pun amchi gozal ji Internet-acher cholta tantun kainch chod mohatvachem upoup zaina, Kiteak hie bedh bau amche modem? Vho koxe porim amchean odruxtt nopoit korunk vaurom eta? Osli gozal konuch korunk sodinam, Bab Cornel DaCosta (London) hachem boroup maka bhess borem laglem, pun tia von Bab Dom Martin hachem chod avodlem, karan tanem tori ek mukhi point aplea boroupan hadlo amchea Goem-cho anik tho mutlear �Lower caste boy marrying a Bhatkar�s daughter�
(Lhan zathi-cho chedo bhatkar-ache dhuve laguim kazar zalo)�
Bhatkar Bamon ani chaddi amchea GOEM chod vhod sozmotale Purtugez kalar, Purtugez-xhaie asli tedna Bhatkar-xhaien bhorpur apli hokum choloili aplea mundkaram (tenants) sovem, tankam aplea paiam talla mostun dovorle, koxech vhoir soronk diunknam, mundkar-anchea bhurgeank xinkop passun nakarlem, hi khobor bou thodeank asteli, anik zanam aslolo thond bondh korun bosla anik
niropradeank tallam marunk urla� Hie atanche
pidgek (generation) hi
kainch khobor-nam, pun zaka khobor assa tanim tankam hea vixaiea vhoir mahiti (knowledge) divop chod ghorjechem, karan zaum eta amche modle kitlech astele je eka kalar tea korkoss bhatkar-anche mundkar asle, tanchea main pain tia bhatkar-ancho zulum sonsla astolo, naka zalele okman sonslea astele, pun hem tanim sonslem fokot aplea bhurgeank ek boro fudar diunk, tancho fudar porzolaunk, tankam favo tem xinkop dhiun hea somazan ek boro dorzo
diunk�Aiz teach mundkar-anche bhurge vhod zageancher boslele distat, pun tankam irlo tori ugdass assa zait aplea main pain kosle atta vitte kadleat te apleak hea somazan vho zagho favo zaunk? Maka disonam.
Amchea GOEM Bhatkar anik Bamon hanim chod zathi kathincho bedh bau kelo Purtugez kalar, anik aizui tho veglozar fudem cholot assa pun tachim pavlam hea kalar matxe dill (loose) podleant, karan hea kalar sogleank chod zaum thodem tori xinkop assa�. Adim bhatkar ani bamnanim �Gavdho� hea lokak khub pilun
(squeeze) khallo anik tanche sovem zaitoch zulum kelo, tanchim xetam/bhattam passun aplea nauvar kelim fotkire ducument korun, karan tankam xinkop naslelean vachunk kolo-naslem. Tech porim heach bhatkar ani bamnanim aplea mundkar-anchea dhuvank (daughters) aplea gharan kiryadam koxim kamank
dourun tanche sovem bolotkar passun kele, pun konnench tia bhatkar-ank ek zap passun kadunk-nam, kiteak tea bhatkar-ancho vasta (influence) Quartelar (Polis Chouker) chod kodok aslo, bhatkar korta tem zalem. Hi onnith nhuim?
Tia bhatkar-anchim bhurguim jim tia kiryadanim zolman hadlim tankam �Mistis� muntale. Ixtano heach zathi kathincho bedh bau tumi Internet-acher sangonk sodhi?
Indiechea soglea gaum-ani �Dalit� muntat thi zath sogleam vhon volki
munon mandtat, tech porim amchea GOEM Madho (Marr) hi zath sogleam poros volki munon pachartat, konuim tho zaum, khuimchai dhormacho, vho khuimchei zathi-cho, akrek tho zaun assa amchech porim hadd mass-acho munis vho Devachim
rochnam�. Padre Ambrose Pinto vho ek Jesuit Padri zho kaim kall Banglore aslo anik atam New Delhi asta, Mr. Yoginder Sikand hannem tacho ek interview ghetlo heach vixai-ea vhoir, tacho vinchar �Christaum-am modem vho
zathi bedh bau kiteak?� Tednam Padre Ambrose-an aplea zabab-an oxem sanglem, Amchea Povitre Pustoka pormonem Rochnar-an munxeak apleach rupan rochlo, pun kosloch bedh bau rochunk-nam sounsari munxeam modem, tanem fudem saglem kim Jesu passun osleach adnixtt-acher virodh aslo, karan tachean polounk zai naslem ghorib-acher zulum kelolo, tanem fudem sanglem kim Jesuk kalkut nastanam khursar jivo marlo tho heach karan-ank lagon, karan tho zulum kortelean-cho virodhi aslo, Padre Ambrose Pinto amkam sogleank suchoita kim
amchean Jesu-chea pavlanim kednach cholonk zaunchem-nam zho meren ami oslea opradh-acher virodh korinam, anik vho bedh bau sompoi-nam, hem oxench cholot raulem zalear amcheam xanti-kaien kednach jionk zuanchem-nam�.Hi tachi suchounim amchea Padri
bhauam-kui, kiteak tevui hich chall choltat hea kalar, anik zulum dekonuim dekonk-nam munon St. Pedru porim negar vetat, amche Padri bhau hea kalar vaitt rosto chollele distat, tanim apli
vagnuk (behavior) sudraum-chi.
Amchea GOEM zathi bedh bau aizui cholta pun uneam promanan, Hindu loka modem tor choduch. Eka kalar madho vho eok holko mhunis sozmotale, tanchem ghor passun vadea-chea (village) eka konxeak astalem, konuim tachea gharantlem udok (water) passun pie-naslo, pun aiz teach madheacho puth 5 Star Hotelan Chef (chief cook) assa anik tachea hathan randlelem jevon vhodh zati-che apsuvarthi mhunis gostan jeutat, tor tankam khobor assa tea hotel-acho chef
madho mhunon, nam�karan tachea koplar (forehead) borunk-nam tho kosle zathi-cho poi tem. Tech porim tumcho sezari chammar (Cobler) tacho puth tumche Delegasi-cho (Health Center) mukhel dotor, tum tanem dilelem vokodh (medicine) khauncho-nam? Tumcho sezari ek ghavdo, tacho puth tumcho Serpanch tujea vaitt boreak
thoch tuka gorjecho�. Tor khuim assat teo zathi kathi?
Devan munxeak rochlo pun zathi kathi munxean rochleo, oxem tuka
disonam?
Chod pois vhochonakai, fokot tuje dolle math ugodh,.. tum lhan
zathi-cho, chamar, madho, sudir mhunon pachartele bhatkar ani bamon aiz amchea bazaar-ani bikh maglele distat. Tanim opradh kelelea mundkar-anchea bhurgea-nim koxtt korun tanchim bhattam vinktim ghetlim anim khud bhatkar zale, ek mhunni assa �Deva-chea gharan uzvadd assa kalokh nhuim�, tech porim �Korit toxem bogith� him amchea adlean-chim utram fott nhuim, vaitt kelear vaitt meuta anik borem kelear borem meuta, zoxem muntat �Vadlelem (jevon)
soronam anik tolpar roilelem pikonam� toslich goth zalea hea
Fidalganchi, tancho ekui ghorabo sukhi-nam, thodean-chim bhurguim pixim zaun gharan pinzrea-nim (cage) dovorlelim assat, todean-chim bhurguim lollim (retarded) zaun bolkaum-an (varanda) boson kona-kui hath haloun hanstat, �Adao-an kelem pap anik sonsoth dita
zap�.
Amchea GOEM-antuch nhuim pun hea pordhesan passun goemkaram modem zathi kathin-cho bedh bau aslolo dista, tor oxem kiteak godta? Hachem karan mutlear ami suvarthi, amkam fokot amchem-ch podlam, pelea-chem borem chintunk amchea menduvak (Brain) boll-nam, hea pordhes-an ami dusrea khustar chau pivonk toiar assaum pun tho taneta tednam taka udkacho tembo diunk ami rajhi asonam� GOEM astanam Pedrun kaim karan-ank lagon Ladruk okman
kelo, uprant dogui Kuwait aile, atam Ladru Pedru-cho ragh kadta, tor oxem kiteak godta amche sovem? Jesu-n amchea passot kitlem sonslem, amchea patkan-chem farikponn dhiunk apun khud tea khursar chodlo anik aplo pran dilo, tor amchean amchea dusman-ank bogsunk zainam? Vho zathi kathi-cho bedh bau korun tuka dista ami sorga rajean pautele koxe? Tum batkar, tum bamon, tum chaddi, tum sudir, tum chammar, tum madho oslo veglozar fokot hea chear disa-anchea sounsaran, melea uprant ami sogleani amchea kortub-ancho ixiob
(account) diunk zai, amchea kornea pormonem amkam amchi sojea favo
zateli..
Tech porim amkam sogleak ekech semiterin, tech matien nidonk zai, tum bhatkar zaum, bamon zaum vho madho zaum, sogleank ekuch mathi.
Amchea Povitre Pustokan oxem sanglelem assa �Matientlean tum etolo anik tech matien vetolo�. Tor ixta-dho hea fudem ami sogot zoran vaurom-ia amche modle hie bedh bau nopoit korunk, anik ekach goteant-lim (cow shed) gorvam (domestic animals) koxim jionk, karan eka gotean dha (10) gorvam astoch xing-ak xing (horn) adoutach. Tech porim munxea-chea jivitan vaitt borem astach, pun tem ami sozmon voronk zai, oxem tuka disonam?
Ixtta chodui gorbidai-en (pride) udonakai, devak vell naka tuzo ek
pakto modun tuka khala aptunk, jibh (tongue) assa mhunon kai-chea kai uloum-chem nhuim, chod zaum thodem xinkop assa tuka, tujea dusman sezarea thaim respedan vagonk xink, tanem dukor (pig) marla mhunon tum vagh (tiger) marunk chintinaka, anik zorui tor hem tuje
laguim godonam zalear tum xinkon bruth (ignorant).
Sogleam thaim mhojem ekuch prathon, apun tosso dusro mhunon somoz, tuka kanto (thorn) laglear dukhta tosoch dusrea-kui dukta mhunon chint, anik sodanch tuji jib sambalun uloi, peleak okman korinakai, hea porim ami eka meka thaim vagoth tor hea zathi kathincho bedh bau kiteak, amcheam Mars Planet-acher cholon vochom eta, karan hi zaun assa amchea ekvotachi khunna.
Sanny Vaz.
VIVA GOA ANI VIVA KONKANI. |
