Tiatr Machievele
�Anton� ani �Pedru�
( Adlean chalu)
8ver, 1920 vorsa Felicio Santana ani Filomena hankam zolmolo. 21ver Marsache 1964 vorsa, sanjechim 6.50 vaztam, Mumboi hospitolant tacher moronn ailem. Dusrea disa, to ravtalo thoim - Juhu, hozaramnim lokan tacher nimanni nodor ghalun, pret-iatrent vantto ghetlo. Tache ghorkarnik (tiche kodden zaito kall porian tiatrancheo tiketti vikrek dovortale) ani bhurgeank - Felix -Xavier-Derreyk-Theresa - polletoch ani tankam buzvonn ditana, amchea dolleantlean ghosghoxeamnim dukham vhanvtalim. Tachea vavra vixim ami dukhest git ghoddun gailelem. Pai Tiatristacho xezari aslo mhonntoch, Anthony Joao Agostinachea bolkanvant ason tachem tiatrancheo ensaio polletalo. Xikpan boroch huxar, bhurgo Anthony ek boro khellgoddi aslo ani vaddeantlea bhurgeank ektthaun lhan-lhan konsert ghoddun haddtalo - he toren ek dis apunn unchlea panvddeavelo tiatrist zatolo mhonn to hea khunnam
udexim dakholl kortalo. Tachea bapaichem, dorjeachem dukon, Mumboint aslem mhonntoch Mendes Mumboi pavlo ani St. Theresa eka Inglez dramant tannem Page Boy -achi bhumika keli. Juanv Agostinache nodrek poddtoch, tachea KHAMPRI CHAKOR taitrant nachpak, Mendes-ak sondhi gavli. Ho tiatr Antonio D�Souza, Dadar aslole xallent 1935 vorsa zalo ani Mendesak tantunt thoddixi bhumika asli. Punn tea uprant, to aplea ganv- bhavachea choddxea tiatramnim nachla. Tea kallar, choddan chodd tiatr Goenkaranchem Hollywood vo Broadway mhonn pachartale. Bhangwaddi rongbhuimecher zatale. He machier pavlolo vo pas zalolo kolakar sompeponnim flop vochum nozo. He manache ani akant machier amcho Mendesbab Joao Agostinachea VAVRADDI tiatrant dislolo.Tiatramnim 28 vorsam tori Anthony nhesla, ani hea vorsam bhitor, tannem hozaramnim tiatr soboileat ani boreantlo boro fokanner mhonn vhodd nanv melloilam. Pavl fuddem ghaltana, taitr pollenarank machier distanach, lokanchea
hanxeancho kholl- kholl zatalo. Spring Man of the Stage ho bil�lo taka favo zavpak karann tacho kolsanvancho dentt lambdig astalo, ani tea-tea prosonga vellar aplem kolsanv voir kaddun to sarko horddeacher haddtalo ani oso tiatr pollovpeank pott futtomsor hansoun-hansoun thokoitalo, punn apunn mat thokonaslo ani hansonslo. Tacheo gramafon rikorddi puskoll ani tacho tallo rosall ani godd aslo, mhonntoch tea modur avazan gitam aikpi pixe zatale. Fokannerachea svongam vangddach, to jin�sam torancheo bhumika kori - odik korun ostoreanchi vo cheddvanchi bhumika kortana bor doddtalo vo moddtalo ani boroch porzolltalo. Eka kallar to Inglez Konknni gitam gaitalo ani tachea adlea gitam modem KHAPARIKA BANJA & WONDERFUL CHILD hem tachem nazuk ani fanki git aspavta. Fokannachim toxinch mannsugechim gitam tannem gailelim asat. Xallentuch astana, Mendesan tiatr borovpak survat keli ani tacho soglleam von poilo tiatr mhollear PANDU BARBER, zo Goeant zalea uprant, Mumboint
Bhangwaddi 1940 vorsa dakhoilo. Tannem borovn digdorxit kelele dusre kaim tiatr : ARTIMIZ, GOENKAR, BORBOJI VO KUZNER, PENSANV VO TENSANV, KUNNBI IRMANV, DUSREPONNIM KAZAR, FAMILICHI SOVOSTKAI, BARDEZ ANI SALCETE, JOAO PADDEKAR, BOMBOICHO DADA, TIK SUN, VONIECHO JURAMENT, EDITORACHEM NOXIB, GIRANNACHO PUT, BEKAR ZANVOIM ANI ROAD TO MAPUSA. Mendes xiklolo monis aslo dekhun, rit - rovis, man-mannsugi mhollear kitem hem to zanno aslo ani soglleank borem utor divn choltalo. Boreantlo boro motor mekanik asun, to Brilliant Battery Service hantunt nokri kortalo ani khub pavtti Pox�chim Relvechea Grant Road thannear mhaka bhett�talo.
(cholta)
John Gomes
Gulf-Goans e-Newsletter is moderated by AlmeidaG(ji) since 1994, and presented by Ulysses Menezes, owner of http://www.goa-world.com website. Any and all postings from Goans are welcomed - be it a Goan business enterprise, a Goan event/programme of cultural heritage, or of a personal nature. This first of its kind Gulf-Goans e-newsletter is dedicated to Goans around the Globe. http://www.goa-world.com/ Team and founders are always the first to get you in the limelight - in the field of sports, politics, social, cultural, educational, other actitivity(ies) or to the benefit of Goans and Goa via its news services from professional journalists and supporters based in Gulf countries and as far as the Americas. Thanks for the support to Goa and Goans.
MAY BALL 2005 (Kuwait) in pictures
http://groups.yahoo.com/group/gulf-goans/message/5843
EXPRESSIONS - The Flower Shop (Goa)
Greet your Loved ones in Goa on all Occasions.
http://www.goa-world.com/goa/expressions/
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
Yahoo! Groups Links
http://groups.yahoo.com/group/gulf-goans/
[EMAIL PROTECTED]
