|
Mojea bhurgeaponaile kaim ugdass maka koshech sodinant. Tantlo ek ugdass tumkam hanv sangunk sodtam. Amchea gavant ek Joaquim navancho munis ravtalo. To khoro gavan shasticho. Jaki munon oshem taka ami olkatale, pun zante taka Jaklo munon ulo martale. Jaki aple ghorkarni ani bhurgeam sangata amche xezarnichea bhatant eke dhaktule khomptent aplem birad kortalo. Jaki kosleach kamant ushar aslo. Xetant khondunk o udok kadunk, zolov katrunk o chire tassunk, durig bandunk o baim marunk, bath upunk o luvunk to jiv marun tem kam korun aple familicheam potak ghaltalo. Taka nustem dhorpachi ekdom vod asli. Nusteamchi ani Jakichi muntlear ekdom ghot amizat asli. Jakik zorgotichea udkak ravpachi bilkul goroz nasli, karan nustem taka bhov sompeponim vodon ietalem. Jesun ek faut aplea apostolam sovem keleli milagr, amchea Jaki sovem dispotti ghodtali. Tache montin marlem muntoch to apli konni fatik marun nustem dhorunk vetalo. Taka nusteachi kednach komi nasli. Nustem to kednanch aplea ghara hadinaslo. Vater to lokak tem vikun dudu zodtalo. Kednam kednaim taka vodlem chonkul meltalem. Oslem prem favo aslem nustem to bestench konaggerui viki naslo. To bhov borem zano aslo kon dudvankar ani kon noi poloi te. To dudvankaranguer tem chonkul voron viktalo ani bhorpur dudu zodtalo. Pun, Jakik amchea ek vait vist asli. Ti vist munge soro piupachi. Soro pilea uprant to amcho Jaki sarko Jaklo zatalo. Tache dole eka tamushea nustea bhaxen tambde rogot zatale ani tachea matheache kens batericho pavor mevlelea porim ube zatale. Taka soro pilo muntoch to kitem korit tem konacheanuch sangunk zai naslem. Soreachea dukanacher boro soro piun sangechea 9 vorar sumar to boroch tight zaun rosto mejit vhodlean kantaram korit to ghara ietalo. Soro pilea uprant Jakik tore torechim kanntaram ghodun ietalim. Cop marlem muntoch to khuicheai tiatristank ani kantaristank fatim ghalpacho. Lokot lokot kantaram korit to vater soglea gharant aslelea lokak kolit kortalo apun aiz soro pilam mun. Modekat kantar kednaim tache bond zatalem ani kantarache boldek galincho xivor tachea tondantlean bhair sortalo. To ghara laguim pavlo muntoch amkam rokdench koltalem karan to ghara lagchean pasar zatanam to soreachea netan ek pelvon koso sogli dhortori haloitalo. To amchea ghara laguim pavlea uprant ami gharantle sogle dive paloun oginch ravtaleanv. "Avaz kelear to ani amguer bhitor iet", mun amkam bhirant distali. To aplea ghara pavlea uprant maguir aple ghorkarni laguim zogdonk suru kortalo. Portun galincho xivor. To aple bailek gali sangta titleo tachi bail portun taka galini zabab ditali. Oshem zaito vel tim eka meka laguim suni ani mazram zalelea porim zogotalim. Jakichem pacience ani gali somplea uprant to aple bailecher hat ukoltalo ani tika bhorpur martalo. Tache bailecheo bobo ani ueli amkam aikonk ietaleo. Tiche amkam churchure distale. Pun amchea gharant bebdeamcheam zuzant menter zaupachem noi munon kaido aslo. Dusrem muntlear ami bhurge asle dekun teo gali amkam aikonk mona aslem. Jakiche bailecheo bobo vadot vetaleo. Hem soglem deva kednam bond zatelem ani kednam amkam xantikaen nidonk meltelem oshem ami chintaleanv. Todea uprant Jaki ani tache ghorkarnicho avaz bond zatalo. "Kitem zalem ghai? Jakicho soro denvlo ghai? O tanem aple bailek marun ticho jiv kadlo ghai?". Uprant vhodlean amkam avaz aikunk ietalo. "Avo ghe. Avo ghe mhoje. Maka marta ghe. Avo ghe, kon tori pav ghe". Atam Jaki apun bobo martalo. Zaum, kon tori tachea ghorkarnichea adarak pavlo munon amkam suseg meltalo. Jakik dek xikoupi atam vhodlea talean guneavkari Jaki sovem vinchar korit korit taka boroch pet ghaltalo. "Tuk zai anink. Tuk zai re." Uprant todeo gali. Todo anink mar ani portun vinchar. "Tuk dakonv kit tem? Tuk soro zai? Oi re? Tuk zai soro?". Jakicho anink avaz nam. To mar khaun sarko thond zallo. Jakichi bhail atam puro baba munon aplea ghorkarche churchure kor mun aplea malgodea puta laguim vinoti kortali. Putan aplo rag nivlea uprant aplem aluninamchem rot vontir umkavpachem ani soglea xezarak portun sovostkai ani xanti meltpachi. Oxe porim amchea xezarchea Jakicho Tiatr itlean kabar zatalo ani ami sovoskaicho sans gheun nidonk vetaleanv. Jakichem prem favo aslelem nustem oshe porim tacher ghat kortalem. Jaime (Jimmy) DeMello |
(Read more such archived articles in the Magazine Section at http://www.goa-world.com/ )
COUNTDOWN BEGINS FOR "CHUKLELIM PANVLAM"
- NEW KONKANI DRAMA IN KUWAIT BY MARIO DE MAJORDA
This first of its kind Gulf-Goans e-newsletter is dedicated to Goans around the Globe. http://www.goa-world.com/ Team and founders are always the first to get you in the limelight - in the field of sports, politics, social, cultural, educational, other actitivity(ies) or to the benefit of Goans and Goa via its news services from professional journalists and supporters based in Gulf countries and worldwide. It is moderated by AlmeidaGaspar since 1994, and presented by Ulysses Menezes, owner of http://www.goa-world.com website. Any and all postings from Goans are welcomed - be it a Goan business enterprise, a Goan event/programme of cultural heritage, or of a personal nature. Thanks for the support to Goa and Goans. View this short film:
http://www.JourneyOfAttraction.com
Thought for the Day: Good communication is as stimulating as black coffee, and just as hard to sleep after.
Konkani Audio CD/Casssette Release-June 2005: "RAAG" by Rosary Ferns.
Discover Yahoo!
Stay in touch with email, IM, photo sharing & more. Check it out!
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
Yahoo! Groups Links
- To visit your group on the web, go to:
http://groups.yahoo.com/group/gulf-goans/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
