[Gulf Goans] GOENCHIM GANVTTI VOKHDAM - KONKNNI SONSKRUTAIECHO EK MHOTVACHO BHAG

[goa world]

GOENCHIM GANVTTI VOKHDAM -
KONKNNI SONSKRUTAIECHO EK MHOTVACHO BHAG

Aiz amkam kosli-i pidda zali zalear, ami vell ibaddinastana voizanger dhanvtat ani te amkam topasun-boroun ditat tim readymade vokhdam ami formasintlean haddun ghetat. Amche bore bholaike khatir him vokhdam ghetoch, tim amkam sogleank nhoi zalear choddank tori gunnak poddttat. Ponn vangddach tache amkam side effects-ui zatat. Eka kallar him readymade vokhdam melloch naslolim ten’na, amche purvoz aple pidde khatir ganvtti vokhdam vapuddttale. Kosle-kosle pidde khatir koslem ganvtti vokhod te vapuddttale hachi mahiti aiz amkam zai zalear, nond korun dovorleli khuinch mellona. Ponn he mahitechi zann aslole kaim lok aiz amchea Goeant asat. Goenchea vegllea-vegllea ganvamni ravtolea oslea kaim lokank porxim bhetton, fattlea vorsa Pilarche Fr. Agnel Kolejint B.A. Konknni (devnogori) xiklolea Priya D’silva, Jerita Gomes, Rose Gomes, Leena Dias, James Fernandes ani madr Jenifer Cardozo hannim “GOENCHIM GANVTTIM VOKHDAM - KONKNNI SONSKRUTAIECHO EK MHOTVACHO BHAG” hea nanvan ek prokolp toiar kelo. Hea sovui xikpeanche upkar atthoun, amchea vachpeanchea adava khatir ho prokolp hea ankak lavn, ami bhagam pormonnem uzvaddaitoleanv. xivai, tumcheai modlea konnakui khuincheai ani koslea-i ganvtti vokhdachi khobor aslear tumchea fottva ani pot’tea soit amkam patthounchi. -Sompadpi

AYURVEDACHO ITIHAS
17vea ani 20vea xekddeantlo krantikari vidneanik sodh (scientific research) lai meren voizki vidia (medical knowledge) ganvtti vokhdam toxench dhormik ani sonkrutik totvam merenuch asli. Zoxe adhunik vidneanan tanchea prantant pavl dovrlem toxem mon’xachi kudd ani pidda, hanchi vidneanik mollar eka novea sombondak survat zali. Piddanchem nivaronn korop, upchar korop toxench samballop hantunt nove, adhunik voizki xastri avodd gheunk lagle.

Voizki Vidia, Xostrkria, Vokhdam ani Lokved

Pilarche Fr. Agnel Kolejint B.A. Konknni (devnogori) xiklolim Priya D’silva, Jerita Gomes, Rose Gomes, Leena Dias, James Fernandes ani madr Jenifer Cardozo ganvtti vokhdanchi mahiti divpi eke ostore vangdda distat.

Boroinaslolea itihasacho orth lavop hem sompem kam’ nhoi. Torui astana adim mon’xan chitrailolim chitram,haddanche bhag ani xostrkriechim avtam (operating instruments) hantuntlean khub kitem xikum ieta. Pidda ani moronn hanche vixim tanchea mansik avosthechi punor-nirmonni korop kotthin, oxem somzotale asum-ie. Zoso monis ievzunk laglo, toso kiteant vikh asa ani khuinchea zhaddant vokhdanche gunn asat hem sodhun kaddlem. Lok jim ganvttim vokhdam mhunn vapurtale tim choddxim bhaji-paleachim aslim, toxench vokhdi vonospotichoi vapor korunk survat zali ani aizui ti toxich asa.
Mon’xan survatek pidda ani moronn him sobhavik prokria (process) mandli. Sadhem dukhnnem, zoxi thonddi vo pott-dukhnnem heo gozaleo jivitachoch ek bhag oxem lok mandun choltale ani tache khatir zhaddpaleachi vokhdam kortale. Gombhir ani panglleponn haddpi rog dusre vatten ghaltale, ani her rog devachea ragan ghoddttat oxem mandun choltale vo dusmanache vaitt nodren vo rakesalea duxtt xoktik lagun ghoddla oxem mandtale. Taka lagun vaitt xoktik bhutam-khetleak kuddintlean bhair dhanvddaun khorelea atmeak kuddint bhitor haddpa khatir veglle-veglle proiog korop zatale.
Ek proiog oso-i zatalo, zantunt rog poisavpa khatir 2.5 tem 5 centimittor itlo khol piddevontache kovttent kortale. Oxe torecheo kovtteo bhou purvilea (pre-historic) kallar thavn Ingland, Frans, Europ and Peru hangachea kaim bhagamnim mell’leat.
Hantuntlean kovtteancho obheas kortokoch te borem zal’le purave melltat.
Jadu ani dhorm’ hanchoi, vokhdam mhunnon, pre-historic ani adlo monis vapudd kortalo. Zhaddpaleanchea vokhdam vangdda, nachop, veglle-veglle jaduche khell hanchoi vapudd zatalo. Taka lagun sogleam poilim voiz he ghaddi, montrik (montraupi vo montr marpi) he asle. Taka lagun nodor kaddop, jadu korop hem amkam aiz zorui dislem, torui tachim mullam purvil’lea kallant melltat.
Bharotio voizki xastrak lamb itihas asa. Veda sarkea povitr pustokant, chodd korun Orthvedant amkam kaim gozaleo polleunk melltat. He don millennium Krista Adleache fattle asunk zai. Ayurvedik hi jivit jieupachi tora, dhon’vontori haka Brahma koddlean mell’lli oxem mandtat. Dhon’vontorik Bharotio xastrant voizki xastracho dev mandla.
Krista Adim tem Krista Uprant 1000, ho kall Bharoti voizki xastracho bhangracho kall mandla.
Panch hozar vorsam poilim, sobit Himaloiant Bharotantlo ek vhodd Ruxichi, Vean-devan poile favtt ved boroile ani hantuntlea eka fantteak Ayurved mhonnttale hacho orth “Jivitacho Vidnean” ved tonddi poromporen mukhar sorle ani tantunt her vidvanamni kalla kallant bhor ghatli.
Ayurveda pormonnem monis ho don prakrutin ghoddlolo asta. Ek mukhel asta ani dusro choddan chodd mon’xam modim ek prakrutik gunnuch mukhel asta. Khub unnea lokank donui prakrutik gunnacho mell asta. Sonvsarantleo sogleo vostu hea gunnamni vanttleleo asat.

GOEANTLI GANVTTI VOKHDANCHI POROMPORA
Goem hem ostomt Bharotachea vattarantlem ek lhanxem raj.1961 meren Purtugez razvottichea khala aslolea hea rajeant, adhunik hospi-tolacher adharleli voizki seva purtuge-zanich 1511 vorsa haddli.
Tache poilim, Goeant apli oxi ganvtti vokhdanchi porompora asli. Hi porompora unchle kulliechea ani ganvtti, kunnbi olokam modem choltali. Pidda ani ganvtti vokhdam hancho dogaincho-i Goenchea dhormik, somajik ani sonskruitik gozali kodden lagincho sombond aslo. Mon’xachea angak “kudd”, mhollear ghor mhonn-ttale, zantunt borea ani vaittachi porompora Goeant dista. Ani he kudd-ichi kallji ghevop hem gorjechem tharatalem Bhitorlea toxench bhailea zhogddeank (monachea vo kuddichea) lagun,somazant ghoddpi vaitt kornn-eanchea karannavelean, udok-jevonn-achem produxon, dixtt lagop, bhutam-khetleak lagun zaloli (vareachi) pidda, purai kuddichi sovostkai ibaddttat oxem mandtale. Somaz ani veakti ekame-kacher adharun astalim. Haka lagun kuddichi pidda akhea somazachea huskeacho vixoi zatalo. Dekik: Halinch bhurgeank zolm’ diloli ostori (ballont) hea vellar tika kitem-i vaitt zalem zalear, purai somazak tachem panvoll bhog-chem poddttalem, oxe mandtale. Ti melear alvantinn zatali oxem mand-tale.Heach pasot somaz ticher kitlexech nem’ ani otti thaptalo ani tika bhoxtt lekhtalo. Hea kallant dhormik puza-i kornk maneotai dinasle. Aichea adhunik kallant, bholaiki ani pidda kodden pollevpachi hi nodor bhouch veglli dista.

ITIHASIK FATTBHUIM
Purtugez Goeant ievche poilim ganvtti vokhdancho fular Goeant aslo. Uprant inkijisanvak lagon Goenchea ganvtti vokhdam divpacherui add ailoleache purave mellttat.
Aiz zorui adhunik voizki seva purai Goembhor uplobd (available) asa, torui gauddi, kunnbi ani kitleaxea zatim modem, adlea ganvtti vokhdanchi purv-porompora azunui adhunik vokhdam vangdda choltana dixtti poddtta ani teo adhunik voizki xastrachea virodhant asat. Zalear, kaim gozaleo Goen-karanchea jivitantlean puraiponnan na zaloleo distat. Dekik: “Voijinn” hi Goenkaranchea jivitantlem ek mhot-vachem ang aslem. Hem ang aiz am-kam amchea somazant khuinch disona, torui kaim chali-riti azun chalu asat.
Heo sogleo riti-chali ani amche bhonvtonnchi vonospot mellun Goenchim ganvtti vokhdam toiar zatat.

Zorache piddek ganvtti vokhod
Oddoxeachim panam udkant ghalun udkak khotkhoto ieumsor ani udok tambsar zaumsor xizoun-chem. Jevonn jevche poilim hem udok nhavchem ani pieunchem. Oxem kelear jevonn jevpak bori ruch ieta.

Zor ailear anik kitem korpachem ?
Losunn, khavchim panam, alem hea sogleancho ros kaddcho. Uprant tatunt hing ghalcho ani ho ros akhea angak kaddcho. Porinam’: Rokdd-och zor unno zata.

6 vo 1 vorsachea bhurgeak zor ailear tacher upai kitem ?
Kattkunvor gheunchi. Bazchi ani matxi mou astana kaddun lugttachea eka kuddkeak ghalun ticho ros kaddcho. Eke vattlent ghalchi. Uprant tantunt sakor ghalun xizouncho ani nivtoch zor ailolea bhurgeak pieunk diuncho.

V-Ixtt hanchea upkarant

 

- Forwarded by http://www.goa-world.com

This first of its kind Gulf-Goans e-newsletter is dedicated to Goans around the Globe. http://www.goa-world.com/ Team, moderated by Almeida Gaspar since 1994, and presented by Ulysses Menezes, owner of http://www.goa-world.com website. Support the less fortunate: http://www.goa-world.com/goa/smtmem/

Comedian Philip's mega musical show "Tum Vhoir Aum Sokol"

- In Kuwait on 16th Sept. '05 (3:30 pm) and In Dubai on 22nd Sept. '05 (8:30 pm).

Be in time for the opening sequence and digital presentation!

__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com

http://www.goa-world.com
http://www.live365.com/stations/61664 Live Konkani Music
http://www.mahableshwar.com/


Addresses:
Post message: gulf-goans@yahoogroups.com
Subscribe: [EMAIL PROTECTED] 
Unsubscribe: [EMAIL PROTECTED] 
List owner: [EMAIL PROTECTED]
URL to this page:
http://www.yahoogroups.com/group/gulf-goans

SPONSORED LINKS

Gulf coast real estate	Gulf shore al real estate	Gulf shores condo
Gulf shores real estate	Asian manufacturer	Gulf coast condo

---

YAHOO! GROUPS LINKS

•  Visit your group "gulf-goans" on the web.
   
•  To unsubscribe from this group, send an email to:
   [EMAIL PROTECTED]
   
•  Your use of Yahoo! Groups is subject to the Yahoo! Terms of Service.

---