|
|
Pictures & Images of Goa www.goa-world.com/goa/pictures/
|
AITARACHEO KASKULEO:
Voch Voch Katrina...
1970 vorsantlem, mhojea bhurgeaponnar mhollear zata, Henry DSouza ani Helen DCruz hanchem Ye-ye Katrina bouch famad joddgit Ponnjeche Akaxvanicher ani kazarachea vosrean vazoitanam, tea gitachea talar ami nachtale ani atam meren nachtat. Maiachea mhoinnean amchea eka cyber ixtt-an (JoeGoaUk) khup tokos ghevn Ye-ye Katrina sur mudrailo (composed) ani sovnsarant ximpoddlelea Konknni mogeank, tanchea mobile fonar ring tone koso vapurlunk dilo. Tatuntlo ektto hanv asam.
Punn, poirchea atthvoddean thavn hanvem Ye-ye Katrina ring tone mhojea mobile fonavelo bond kela karan, Americachea New Orleans ani lagsorlea xharancher 'Hurricane
Katrina Tufan zopoi marche adim thoimsorlea nagrikank surokxit zagear vochunk xiddkavnni dileli. Jea loka thaim dhanvterim aslim ani dusri vahatukechi (transport) bondabost korunk zateleanim pollapoll kaddli. Naslelea gorib porjen thoimsoruch ravpachem tharailem ani nixttur sonkhexttak fuddo kelo.
America-che vhodd dusman Al-Qaeda akantvadi khub sonstosle. America-cher Devacho ek xirap mhonn, te sonvsarak sangunk lagle zalear mhojea Maha Bharot gorib dhesan akhantak sampodleleank duddvanim ani magnneanchi mozot keli.
Tufan hem ek soimbik sonkoxtt (natural disaster). Tem konnacheanuch addavpak zainam. Atamchea adhunik tontrvidea (modern technology) velean adim fuddench xiddkavnni divn monxacho jiv vattoupak zata. Tori astanam bollixtt America-chean aplea lokacher favo tea vellar xekai (protection) divnk zalem nam mhonn Amerikeche Raxtripoti Bush dukhin sangta ani soglli zababdhari aplea buzar gheta.
Monxeachea jivacher thorthoro haddtelea tufanank monxeachim nanvam ditat. Humkeach vorsan khoimchea nanvamchea tufanan kitlem porian nuksanak pavoilelem tacho nondh (record) korun dovorpak sopem zata khoim. Dekhik gelea vorsa Hurricane Charley, tea adlea vorsanim Hurricane Andrew, Carla, Betsy, Hazel, Agnes, Camille
Ani nigtench Hurricane Ophelia-n Amerikeche, North California xharacher bharik akromonn kelam. Punn amchea Goeant vattoli vo tufan zaun nuksann zata tedna amcho sorkar tankam nanvam kiteak dovorina kai?
Lhan astana gozal hi. Junhacho mhoino suru zalo mhonntoch poilea pavsachea vaddol-modan hanga thoim zhaddam, mad uptton poddtale. Ghoddghodd, zogllavnnem martalem tedna ami bhieun amchea avoichea kakeant gustale.
Tumi aikonant, mosti kortat, eka-mekha thaim zogottat, lisanv korinant ani ho (mhoje tokler kutti marun mhonntali) lapitponnam subeij khorta mhonnonuch Devak rag ieta ani hea toren Dev mottean avaz korta. Oxem sangun amchea kallzan odik bhirant ubzoitali. Tea vellar amchea toklen asa tilench rozar korun nidhtale.
Adim kitloi pavsacho huvar ailo zalear Goeant bhuddtti aileli mhonn amchea lhanponnim jinnen ami aikunk na. Chodduch thambonastanam pavs zhoddtalo tedna mat Sanklli-Bicholle dhimi bhor udok zatalem khoim.
Pavsachem udok vochunk udkacheo vatto ugtteo astaleo. Atam xharanim vhodd imarotti ubharleat ani udkache vatto ani vall plastikachea kochrean purovleat. IFFI-chea nanvan krottanim duddvancho korch korun Ponnje Rajdhanink vokoll khoxi nettoileli ti, poileach pavsak rand korun soddli. Ponnje, Mala ani lagsorle vattar pavsachea udkant bhuddle. Avoichi iad aili. Mosteaponnam unnim zaunk ghoddghodd marta tedna Dev avaz korta mhonn sangun amkam fottoitali. Bhurgeanchea kallzan Devachi bhirant rigoichi hi ek avoieanchi chall asli. Punn Parrikaran kitem sanglem? Poileach pavsak osleo bhuddtteo ietat, ani hem sonvsarantlea soglea svatancher ghoddtta. Hoi?
New Orleans zallea tufanank nanv dilem Hurricane Katrina mhunn. Junhachea mhoineant bhirankull vattolint (cyclone) Ponnje xhar bhuddoilem ani Moddganv Dovorle vattarant dongracho vhoddlo kholos kosllun zompoddpottin ravpi dha zann Uttar Pradhexi mattie poddak purovle.. Zalear ami hea tufanank record koxo samballun dovorpak Hurricane Parrikar nanv dilear borem aslem nhoi?
Chalu vorsa, Novembr 24ver tem Decembr 4ter 2005 IFFI monovpak kendr sorkaran he khepek dha krot rupia Goenchea sorkarak divnche keleat. Mukhel Montri Rane-ank ugddas kortam. Upkar korun Parrikarachim patkam nitoll korat. Mhonnchem, thodde bhov duddu Goeanchea xhar-xharnim udkachea vall porovleat te sap korat. Na tor fuddlea poilea pavsak .Hurricane Rane zait.
Lino B. Dourado 18/09/2005
www.goa-world.com/goa/poems
* FELCY, ANTHONY SAN, LAWRY TRAVASSO, ANICETO DE SANTA CRUZ, COMEDIAN AUGUSTINHO, FRANCIS DE TUEM, COMEDIAN PETER DA COSTA, MARCUS VAZ, LAURENTE PEREIRA, SLYVESTER VAZ, QUEROBINA & COMEDIAN PHILIP.
MUSICIAN: NORMAN CARDOZ. For more details, contact Gabby de Chandor 050-5943504 or Rafael 050-4563731 or drop in at "Ambott-Tik Restaraunt, Dubai" or email: [EMAIL PROTECTED]
|
| |||||
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
YAHOO! GROUPS LINKS
- Visit your group "gulf-goans" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
