მრავალძალი — XI საუკუნის ხუროთმოძღვრების ძეგლი რაჭაში. წმინდა გიორგის სახელობის ეს დარბაზული ეკლესია ონის მუნიციპალიტეტის სოფელ მრავალძალის მიდამოებში მდებარეობს და იშვიათი ბარელიეფებით გამოირჩევა. მასში რამდენიმე ისტორიული მნიშვნელობის საგანი იყო დაცული, მათ შორის ჯალალ-ედ-დინის მუზარადი და შაჰ აბას I-ის ხმალი.
ეკლესიის აგება სავარაუდოდ ბაგრატ III-ის მიერ 1010 წელს რაჭის საერისთაოს დაარსებას უკავშირდება. ამ დროს რაჭა მთლიანად მოიფინა ახლადაგებული ეკლესია-მონასტრებით, ციხე-სიმაგრეებით და სასახლეებით. მათ შორის იყო ნიკორწმინდა, პატარა ონი, ზემო კრიხი და ხიმში. 1894 წელს დარბაზული ეკლესია გუმბათოვან ნაგებობად გადააკეთეს და დასავლეთის მხრიდან სამრეკლო მიუშენეს. 1991 წლის 29 აპრილს რაჭაში მომხდარმა მიწისძვრამ მნიშვნელოვნად დააზიანა, როგორც ეკლესიის ძველი, ასევე ახალი ნაწილები. 2009 წელს დასრულდა კულტურის სამინისტროს დაკვეთით შესრულებული ტაძრის სარესტავრაციო სამუშაობი და ეკლესიამ XIX საუკუნის დროინდელი სახე დაიბრუნა. (სრულად...) -- Regards, Victor
_______________________________________________ ILUGC Mailing List: http://www.ae.iitm.ac.in/mailman/listinfo/ilugc
