BALADA KALAK NGAYAK *
Bagi kuda si tajur lah anak si nguda
Meter perkiamna, la mbewat nahena
La erpenandai ukur-labuh ngayak sura-sura
Kemalun la maba luah ergan asa emas pirak suasa
Nande beru Karo erpedah tangkas sorana
Tendang datas tumba enggo urak pergarana
Muniken isi pusuhna si geneng bas mata
Sontil i kusur-kusur ukur erbelas tapi la ersora
Bapa si la mbue cakap lenga melasken kata
Rikut gebuk isap kabang meganjang ukurna
Idudurkena tumbuk lada rempu pirak suasa
Gendek jine kata tapi buahna kerinana
Enda tinading nini bulang si la kutandai rupa
Terberita merawa bujur la lit nogansa
Berkat ku taneh jawa tutusi nggeluh la erkadiola
Pang masap de sura-sura la terjaka
Musim ngeigas kentang meseng
Lembu kerbo megulang guradang
Manuk ni asuh lesap kena bernung
Tapi ukur si piher la tertebeng
Didong doah ndube isina pasu-pasu
Tan Dibata kepe si negu-negu
La tulpak anakku
La tulpak anakku
‘Tah terjaka sura-sura luah pagi erluncah
La ise pe ngasup nuriken wari si pepagi
La ni arap nande beru Karo cierm bas tunduh
Megah ukurna ngidah manuk sabugan tekuak datas bide
Jatibening, Mei 2007
*) Dikutip dari tabloid Sora Mido Edisi Mei - Juni 2007
---------------------------------
Kunjungi halaman depan Yahoo! Indonesia yang baru!
