Mejuah juah Kila,
Aku pe lanai bo ku angka kila, la nge kita mediate, tah la kin kita beluh nami
nami, maka la seh kel ukurta mesikap si lit e, kune pagi enggo lanai lit em ka
me pagi jadi ido idota ku pudi wari.
Piga piga wari silewat aku ku lingga ka mulihi, ngelegi ketteng ketteng, guna
jadi sumbangen man Persadan Mahasiswa Karo Unpad ( Permakan Bandung ). Seh
rumah ku tatap endekah ketteng ketteng e, piah seh ukurku, cubaken ku ban
Ketteng ketteng enda, labo kepe mesera ateku.
Wari enda endai, berkat kami ku kerangen lau garun ( Sisi kanan masuk kota
kaban jahe ) si labo endauh kel rumah nari. Ngincuah dalan na, medalit perban
lalap udan. E pe semangat labo luntur. Tetap kepada tujuan, endarami buluh man
ketteng ketteng.
Singkat cerita, dat me buluh sinidarami endai, piga piga ngawan jadiken uji
coba erban ketteng ketteng. lalap la jadi, piah wari pe enggo ben, berkat ka me
mulih ku rumah. Mbaba Piga piga ngawan buluh.
Berngi enda, aku endahi acara nganting manuk teman sada kesain, mulih acara
nari ku buka emailku mulihi, enggo ku idah isi emailndu enda. Rukur ka aku
endekah, ciger endai erban ketteng ketteng kami, tapi lalap sada ketteng
ketteng pe la jadi, kune kami generasi muda karo ni suruh erban sada rumah
siwaluh jabu, beluh nge kami ateku ka mulihi.
Bas email enda ku tambahken piga piga Tenah foto, uga ninta generasi muda karo
? beluh nge pagi kita nuriken sa man jelma si enterem uga kita kalak karo enda.
sebab merhaten kalak tandang erlajar kerna budayanta, ngasup nge pagi kita jadi
Penggurun i kuta ta. ?
Semoga bermanfaat
Bujur Ras Mejuah juah
Eddy Surbakti
gintingmu <[EMAIL PROTECTED]> wrote:
Enggo me teroge uga lalana turi-turin ate-mesui
ibas gambar/foto si kirimken Eddy enda.
Enggo ndekah ka turi-turin enda, tapi ngayak
gundari pe tading turi-turin ngenca. Turi-turin
enda pe nandangi masap ka nge kuakap, . . . .
adi enggo runtuh kerina siman foton pe lanai lit,
siman pesikapen pe lanai bo pagi lit.
Bage katepna ka ertaktak ibas ukurku, ise kin
ngenda si patut nolong nyelamatkan hasil ciptaan
budaya-kultur ratusan tahun enda? Bage ka buena
sen i dunia enda, terutama i EU si rusur mbagiken
sen ku daerah-daerah 'menyelamatkan kultur si adi',
ku Nias, ku Bali, ku Mesir, tapi ku Karo . . .
Ja kin enda lepakna? La kin mungkin man banta?
Si cubaken min erbahan sada LSM khusus soal penyelamatan
peninggalan kultur-budayanta enda, je nari simulai atau
ja nari kin simehulina imulai?
Ras-ras kita rukur, rasras
ningku tapi arapenku kam anak-anak muda ena nge,
kam kerina nge nenca arapen modalku.
Bujur Eddy kirimen fotondu
Bujur ras mejuah-juah
MUG
--- In [EMAIL PROTECTED], Radio karo Access Global
<[EMAIL PROTECTED]> wrote:
>
>
>
>
>
>
>
>
>
>
>
>
> ---------------------------------
> Bergabunglah dengan orang-orang yang berwawasan, di bidang Anda di
Yahoo! Answers
>
---------------------------------
Bergabunglah dengan orang-orang yang berwawasan, di bidang Anda di Yahoo!
Answers
