Mejuah-juah, enda kebetulen ku baca sada buku hasil kongres kebudayaan Karo,
janah i je lit sada kutipen "Pedah nini Para" enda sada kutipen si seh kal
ulina, janah enda enggom me si dalanken, aku sendiri pe enda enggo ku gejapken
ibas turang ras senina kerina, aminna gia kita lenga si tandaan, tapi tersasa
kel kekelengen ibas kita kalak karo e, emaka i jenda ku tulisken ka me pedah
nini para sebage kata persinget man banta si enggo ndalankenca.
Sini ikataken pedah nini para em pedah simehulikal. Adi kita kalak karo arus
mbiar man Dibata, tengah rukur pang rawin jemba, pang empo, pang nereh, adi
getuk ateta kalak getuk lebe dagingta, tawa pe ola tawasa. Tangis pe ola
tangissa, adi ridi ibas lau malir, ula jului kalak ridi. adi tapin pancur,
ermboah lebe. Ngerana ula metuda, ula metik-tik. Ula percian, ula anceng, ula
cikurak. Mehamat man kalimbubu, metenget man senina, metami man anak beru, adi
kita erlajang daramilah Bapa-Nande. Metnget ras terbeluh em asam gedang-gedang
tinali, dua dampukna. Litnge pengadi-ngadin batu megulang. Adi mbiar mbalu
tah baluken kalak ola empo. Kalak sikugapa pe perlu tungkir. Adi tawa kalak
ikutken tawa adi tangis kalak ikutken tangis, nggeluk enda lit nge
pernagkeng-nangkengken lit nge perngincuah-ngincuahen. Padanta ras Dibata
sindube labo terelukken. Adi sidahi sada kerja sitandailah man banta ise kin
kita, anak beru, senina entah kalimbubu. Inganilah ibas jabunta.
Banci merawa tapi ola meringes. Banci rubat ibas jabu, tapi ula nuhsahi
kalak. sidungilah meter persoalen jabunta, sebelah rumah pe la perlu betehen,
meriah ka minter.
jadi enda me lebe
Bujur ras mejuah-juah,
Fr. Herman Ginting OFMConv.
---------------------------------
Luggage? GPS? Comic books?
Check out fitting gifts for grads at Yahoo! Search.
