Hodíe es li anniversarie del nascentie de L. M. Guesnet, nascet in 1886-03-31.
Su nómine es mentionat in Cosmoglotta li prim vez in li section «Cronica» del numeró A 41 (1927-07): ____ Dr. Peipers-Köln ha parlat por Occidental li 13 may in Ido-Societé Paris. In li discussion ha prendet parte sr. L. M. de Guesnet, J. Linzbach e al. ____ Li duesim vez il apari in numeró A 44 (1928-01), quam suscrient del «Manifest del Occidentalistes de Francia»: ____ L. M. de Guesnet, presidente del «Société Idiste Française» Membre del Comité del «Uniono por la Linguo Internaciona» (1912 -- 27), Paris. ____ Vi un litt extracte ex ti manifest: ____ Malgré que evidentmen li munde refusa li dialectes Esperanto e Ido pro lor grand artificialitá, lor partisanes ne vole profitar li nov experimentes fat exter lor campes. Pro que noi es convictet que li via sequet til hodie es fals, noi ne posse restar in ti ínjust conservativ movementes. Noi do adhere oficialmen a Occidental, «li max facil lingue por li majorité de ti homes, qui deve aplicar it». ____ In Cosmoglotta A 129 (1946-03), li articul «Li 60 annus de L.M. de Guesnet», de Ric Berger, dona detallies pri su interlinguistic vive e labor. In Cosmoglotta A 158 (1950-12) Guesnet es listat quam membre del Grand Comité de Redaction creat pro li demission de Ric Berger. L. D. de Guesnet esset president de Interlingue-Union. Plu informes: https://ie.wikipedia.org/wiki/L._M._de_Guesnet -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#149): https://groups.io/g/interlingue/message/149 Mute This Topic: https://groups.io/mt/72687094/21656 Group Owner: [email protected] Unsubscribe: https://groups.io/g/interlingue/leave/5161842/2010256328/xyzzy [[email protected]] -=-=-=-=-=-=-=-=-=-=-=-
