Yo incontrat Erik Berggren quande il esset activ in interlingua de IALA.
Quam mult anteyan occidentalists il pensat que interlingua semblat plu
serios. Ti attitude yo anc ha incontrat che altri IALA-ists. Li rason
esset li narrativ que interlingua es li lingue del scientie. On hat li
impression que it ne esset un gruppe de entusiastes quam in li
occidentali e esperanti movementes. Gode mem in alcun scriptures refusat
li maniere organisar li movements del esperantists o occidentalists. Un
tre fascinant historie.
Den 2020-08-21 kl. 00:50, skrev Marcos Cruz:
In Cosmoglotta B 54 (1944-01) hay un litt articul pri prof. Ludwig
Harald Schütz, qui esset un grand poliglott
(http://anno.onb.ac.at/cgi-content/anno-plus?aid=e0m&datum=1944&page=5&size=45).
In Cosmoglotta B 56 (mar 1944-03) hay un note de rectification, nam li
nómine del professor esset mal, e anc li númere del lingues queles il
parlat (ne 90 ma 290!).
(http://anno.onb.ac.at/cgi-content/anno-plus?aid=e0m&datum=1944&page=35&size=45).
Quande Cosmoglotta informa pri erras anteriori, yo corecte les in li nov
edition digital e mette pednotes pri to, por claritá.
In ti-ci casu yo prim serchat information pri sr. Schütz por confirmar
ca efectivmen il parlat 290 lingues, nam to semblat me un tipperra o un
exageration (anc 90 semblat me tal).
Vu posse leer pri sr. Schütz e su neva Gretelotte Schütz, anc un
centenari poliglott, in ti interessant litt articul in german (yo leet
it per Google Translate) de 2011:
https://www.nwzonline.de/kultur/weser-ems/ein-fast-vergessenes-sprach-genie-nichte-aus-westerstede-erinnert-sich_a_1,0,547741917.html
Dunc li poliglottitá del centenari professor esset confirmat de su neva,
e ancor til 312 lingues e dialectes... Dunc li corection de 290 sembla
just. Qui posse saver cert?
Ínfelicimen on ne di ca il parlat alquel lingue auxiliari, ma
statisticmen it sembla probabil, adplu in su epoca.
Apropó, anc su tombe ne es desfacil a trovar:
https://de.wikipedia.org/wiki/Datei:Frankfurt,_Hauptfriedhof,_Grab_F_371_Ludwig_Harald_Schütz.JPG
-=-=-=-=-=-=-=-=-=-=-=-
Groups.io Links: You receive all messages sent to this group.
View/Reply Online (#243): https://groups.io/g/interlingue/message/243
Mute This Topic: https://groups.io/mt/76318885/21656
Group Owner: [email protected]
Unsubscribe: https://groups.io/g/interlingue/leave/5161842/2010256328/xyzzy
[[email protected]]
-=-=-=-=-=-=-=-=-=-=-=-
