In 2020-11-10 05:51, Kjell Rehnström scrit: > Spontanimen yo vell preferer "cosmetica" quam "matematica", "didactica". > Cosmetico sembla esser un persona! On posse imaginar un latin "cosmeticum" = > un cosmetic cose e li plural de to va esser cosmetica = cosmetic coses! Quo > vu pensa pri to?
Li dictionarium anglesi ne es clar, solmen di que «cosmetico» es un nómine. Yo suposit que li parole «cosmetico» es li producte, ne li persona, fórsan pro influentie del hispan. Ma lu usual in Interlingue es quo vu di. Yo ha serchat omni exemples de «cosmetic-» in Cosmoglotta. Hay solmen quar! In Cosmoglotta numeró A 110 (1936-09), «Vocabularium international del centres de interesse (medicina)», «cosmetic» es usat quam substantive por li producte: ____ balsam, unguente, pomade, cosmetic, vaseline, glycerine, talc, ____ Ex Cosmoglotta B 74 (1945-09), «Analisa del propaganda-metodes» (traduction de partes ex li articul «Propaganda for Goose and Gander» de Clyde R. Miller in «The Rotarian», 1938): ____ Cosmetic productes, cereales, e cigarettes, ____ Ex Cosmoglotta B 78 (1946-01), «Li trinitari caractere de nor movementes»: ____ Expertes conosse factes pri cosmetic e medial preparates, ____ In Cosmoglotta B 85 (1946-11) «Nor plantes medicinal» hay un usa tre curiosi, «cosmeticalies». It ne es un erra de trascrition, nam li original es identic (http://anno.onb.ac.at/cgi-content/anno-plus?aid=e0m&datum=1946&page=86&size=45). It sembla me un erra del autor, vice «cosmeticallias» o «cosmeticeríes» o «cosmeticaleríes»: ____ li citeanes, queles generalmen es plu expert in parfumeríes, cosmeticalies, manu- e pedicuras, ____ Yo pensa que li usation max natural e international es: - cosmetic = adjective - cosmetic(e) = substantive, producte - cosmetico = persona - cosmetica = science Yo sin successe ha serchat in Cosmoglotta alcun substantive con finale "ic", i.e. un parol tal precedet de «un», «li», «ti», etc. Anc li sufixe «-age» sembla valid por li producte: «cosmeticage». -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#315): https://groups.io/g/interlingue/message/315 Mute This Topic: https://groups.io/mt/78150582/21656 Group Owner: [email protected] Unsubscribe: https://groups.io/g/interlingue/leave/5161842/2010256328/xyzzy [[email protected]] -=-=-=-=-=-=-=-=-=-=-=-
