Serchante pri colores, yo ha trovat li sequent usationes in Cosmoglotta: - blu-pallid - gris-pallid - orange-obscur (plu bon it vell dever esser orangi-obscur, yo pensa)
Ti composites surprise me, nam li parol principal, li color self, ne es in li ultim loc. Ili sembla me ínlogic. Fórsan pro influentie de Esperanto, yo comprende tal composites quam seque: - blu pallid X = X es pallid, e anc blu - blu-PALLID X = X es blumen pallid, i.e. de un PALLIDE blu - pallid-BLU X = X es pallidmen blu, i.e. de un BLUE pallid Ante trovar exemples quam "blu-pallid" in Cosmoglotta, yo nequande vell dubitar crear tal composites secun li regul general, con li max important parol al fine: - Un pallid-blu mur. - Un obscur-orangi mur. Esque "blue-pallid" e similes es acceptat pro alcun convention o internationalitá? O fórsan to que ambi paroles es adjectives fa li órdine ínimportant, i.e. ili ne modifica unaltru secun su position in li composite? -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#317): https://groups.io/g/interlingue/message/317 Mute This Topic: https://groups.io/mt/78248980/21656 Group Owner: [email protected] Unsubscribe: https://groups.io/g/interlingue/leave/5161842/2010256328/xyzzy [[email protected]] -=-=-=-=-=-=-=-=-=-=-=-
