In 2020-11-18 01:22, MacLeod Dave scrit: > Fórsan con plu e plu parlantes de hispan in Occ on va devenir plu > strict con li scrition de accentus.
Ah, yo ne vell esperar tal cose! Parlantes de hispan es tre pigri pri li accentus, e li majoritá mem apen save li regules. Támen fórsan homes interessat pri un lingue auxiliari es different. > In un libre de aprension it vell esser preferibil scrir rescrí, refá > etc. ma ne in li hodial usation quande on es sempre clar pri quel tip > verbe it es. Li scrition "rescri" (pronunciat "rescrí"), "refa" (pronunciat "refá") e simil es perfect secun li regules, nam ili es composites quel conserva li accentuation secun su parte final. Ma anc to ne have relation a mi dúbite. Mi dúbite es: quel es li justification, que li presente verbal de un verb creat ex un substantive conserva li accentuation ínregurali del substantive? - Pro quo on di "yo dómina" ma ne "yo domina"? - Pro quo on di "yo dúbita" ma ne "yo dubita"? - Pro quo on di "yo mersía" ma ne "yo mersia"? Yo ne parla pri li regules general de accentuation e li regules del omisión optional del accentu scrit. Ti regules es tot clar. Yo parla solmen pri li pronunciation (con o sin li ínobligatori accentu scrit) del presente verbal de tales verbes. Fórsan hay un rason etimologic. Yo nequande leet pri to in Cosmoglotta o li grammaticas. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#326): https://groups.io/g/interlingue/message/326 Mute This Topic: https://groups.io/mt/78298828/21656 Group Owner: [email protected] Unsubscribe: https://groups.io/g/interlingue/leave/5161842/2010256328/xyzzy [[email protected]] -=-=-=-=-=-=-=-=-=-=-=-
