Waldemar via groups.io scrit in 2024-09-17T11:46:30-0700: > Queles lingues creat vu ama?
Intelingue/Occidental estas ti quel max plese me, pro su prodigiosi, ínsuperabil combination de naturalitá e regularitá. > Esperanto nam es li max usat lingue e on posse far mult con it. Yes, anc por me. Adplu it ancor es li lingue auxiliar quel yo max bon domina. Ex li lingues queles vu mentiona, yo trovat, studiat e practicat tis-ci ante c. 6 annus: > Elefen. It es plesent, satmen facil, pidginesc, ma finalmen yo trovat it ínprecis, e íncapabil conservar li reconossibilitá del radicas international: ni lor ortografie ni lor pronunciation. > Glosa It es tre interessant, pro su grammatica, e teoricmen tre facil, ma tre ínpractic: su vocabularium es caotic; adplu su grammatica ne es tre bon pensat, it have defectes queles crea mult ambiguitás e ínprecisiones. Yo pensa que li rason de li problemas de Glosa es li maniere in quel it esset creat, publicat, modificat e controlat de su autores durante lor tot vive. > Sistemfrater. Yo conosset it per li archive del gruppe retpostal de Glosa. Tande existet un websitu pri it, nu desaparit; ma felicimen un copie es conservat in archive.org: <http://web.archive.org/web/20220401021126/https://sites.google.com/site/sistemfrater/>. Li lingue semblat me un Esperanto simplificat ma ne sat polit. Tande yo trovat plu interessant un version amelliorat de Paul O. Bartlett (qui esset un participante in li gruppe de Glosa), benque it es ínterminat: <https://www.panix.com/~bartlett/frater2.html>. > Pandunia Sammen, yo conosset it per li archive del gruppe retpostal de Glosa. It semblat me tre interessant, e con un grammatica tre minimal e tre bon pensat. Yo practicat it durante quelc mensus, ma it ancor ne esset matur. De tande li lingue ha vivet mult changes e pluri íncompatibil versiones, quo ancor es un desmotivation por aprender it. Ma yo seque su evolution con interesse. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#696): https://groups.io/g/interlingue/message/696 Mute This Topic: https://groups.io/mt/108507120/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
