Car Thomas, tu es líber criticar me e altres pro activitás queles nullmen relate li revúe discusset ci. Támen, pro que pluri persones in ti-ci gruppe ne usa Discord e dunc ne posse verificar tui assertiones, yo senti me obligat brevimen rectificar les:
Yo ha nequande postulat li abolition del regul de Wahl, ma formulat - pos analise long e detalliat - un regul tre simil e compatibil con ti de sr. de Wahl quel producte li sam resultates por li verbes existent, permissente adplu li preservation de divers temas presentic e dunc li formation de ancor plu mult derivates regulari e natural. Interessates posse leer pri ti regul alternativ - ne pri li abolition del regul de Wahl - in Cosmoglotta 335 (p. 2). Li projecte Sabir Occidental esset lansat in 2024 de un person con intentiones max bon e seriosi. Si yo memora corectmen, il hat parlat Interlingua e docet it a su filia ante plu quam 20 annus, pensante anc pri possibil changeamentes in ti lingue. Plu recentmen, retornante al tema de IAL pos long absentie, il decovrit IE/Occ e trovat que in it ja es realisat plures del ameliorationes queles il hat considerat! Pro to il volet usar it quam base por developar e contribuer su propri idés por optimisar internationalitá, eufonie e altri aspectes. Ancor ne essente expert pri nor lingue, il petit mi consilie pri quelc punctus, quel yo dat le voluntarimen. Regretabilmen, il devet haltar li projecte ja al comense de 2025 pro rasones personal, ma it es possibil que il va posser continuar e finir li labor plu tard. Yo espera que ti du contextualisationes sufice por que anc li reste del acusationes e generalisationes pri li comunité de Discord es tractat con un poc de caution. Es anc un diferentie important ínter "discusser, ma ne concordar con un opinion" e "ignorar o ne comprender critica". Noi ya discusse li critica con plesura, ma si on recurre a un stil de ataccas alquant exagerat quam in tui ultim missage, li sucie de Marcos pri li dissipation de ressurses ne es ínjustificat. -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#730): https://groups.io/g/interlingue/message/730 Mute This Topic: https://groups.io/mt/116049599/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
