Ellenor Bjornsdottir via groups.io scrit in 2026-01-03T21:45:30+0000: > Yo invia (o que it es invía?)
to es un casu interessant. secun li regules de accentuation, li vocale fort in "via" es "i" (sammen pri "die"). pro ti sam regules, li vocale fort in "invia" vell dever esser li prim "i" (ti ante li ultim consonante)… ma paroles queles have prefixes ne changea li position de su accentu, por exemple "hodie" (ho-die) es pronunciat "hodíe", ne "hódie", sin necessitá scrir li accentu (benque on posse scrir it por claritá o instruction). un prim question es ca "invia" es, alminu etimologicmen, li parol-combination "in-via", i.e. metter in li via. yo ne es cert pri to. li orígine latin es "inviāre". semblantmen "invia" ne es un parol-combination in interlingue. li duesim question es ca li pronunciation es "invía" (ínregulari, dunc con mandatori accentu scrit), o "ínvia" (regulari, dunc sin accentu scrit). yo pensa que li pronunciation es "invía" e que on simplimen omisse li accentu scrit, samquam on sovente omisse tis de "fórsan", "támen", "ínter" e altris. in facte li accentu scrit, quel marca li exceptiones del regules, es mandatori solmen sur vocales final, por exemple in "libertá". apropó, in cosmoglotta (annus 1927/1950) hay 74 "invia" e 1 "invía". -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#735): https://groups.io/g/interlingue/message/735 Mute This Topic: https://groups.io/mt/117064575/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
