Mr. Pandey ji, Atleast I have got someone who has seen my native block. But sir, aapne to mere vicharon / Funde ko dil pe le liya.
I don't know who are you and what were you doing at Lumbai village. However it is very easy for me to know about you from the villagers of Lumbai. Kyunki mai lumbai gaon mei raha nahin hun, par main wahan ke logon ko aapse jyada janta hun, aur us gaon ke log mujhko aapse jyada jante hain. Ek Lumbai hi kya, wahan ke padosi gaon - bhandra, jagda, karudih, meromgutu, murumbura, bandgaon, iti, katowa, burima, sandigaon, bari, tirla, matloyong, tokad, timda etc. mei mere jan-pahchan ke log hain. Aapke sawal (jo aapne pointwise likhe hain, khud jawab bhi hain. Lekin itna to yakeen hai ki is topic par mere pichle donon "postings / view / funda" aapne samjha hi nahin hai. So better read again (if you have time) and try to understand, otherwise don't worry. Mr Pandeyji, I should make you clear that I don't write anything which I can not justify later. Thing is, whatever I have written earlier on this topic, I can justify (but don't have time sir). Your point No. 1 tells me that you might also be a person "jisko mauka mila hai aur loot raha hai." Maaf kijiyega sir, Bahut saare aise bhi log hote hain jinko mauka milne par bhi LOOTTE nahin hain. LOOT ka MAAL sabko mitha nahin lagta, luch logon se pachta bhi nahin hai na. Kuchh logon ko to gareeb logon ka haq khane ki himmat nahin hoti. Sir mujhe ye to samajh mei nahin aata ki ek "MUNDA" Gaon lumbai (jismei MUNDRI title ke log rahte hain) mei ek Mr. Pandey 1 saal taq kya kar raha tha. Bandgaon block ka koi Staff yaa Administrative Officer normally wahan rahta nahin hai. Jyadatar log up-down karte hain. No. 2: Yahan bhi kya karen sir, jab bhi log chahte hain ki vikas ke karyon mei kisi ko uski jati se na jane, par ho nahin pata. Usi block ki baat karen to aksar udhar ke log kahte hain, ki koi Adivasi Sahab (BDO, CO) aate hain to riswatkhori etc. kam ho jata hai, kaam thoda theek thak chalta hai, aur jab wahin koi dusra sahab (high caste wala) aata hai to "KHANE" ka kaam jyada ho jata hai. Aur Sir, ye aap bhi achchi tarha jante hain ki ye CASTE SYSTEM aapke high caste walon ne hi banaya hai. Galat hun to bataiye! Point No. 3: Sir, main apni kami bhi nahin chhupa raha aur naa hi kisi pe dosharopan nahin kar raha, ek haquikat bata raha hun. Infact I am not pointing towards an individual, but I am talking about the SYSTEM. Point No. 4: I shall not tell you about my village. Yadi aap guarantee dei ki aapke jane se mere gaon area ki halat sudhar jayega to baat kijiye. for your kind information, your guess is totally wrong. But my area is also like BINDA area. Haan thode jhangal-pahadi jyada hain humare taraf. Point No. 5: Yes I know, shiksha ka vikas ho raha hai. But you also know that type of education will not help the adivasis. They don't need to learn ka kha ga gha only, they need QUALITY EDUCATION sir. I personally know Shrimati Jhoba Manjhi. I have heard about shri Bandhu Tirkey, but have not met till date. In this regard (about development of that area, education, road etc.) I am also involved indirectly. Point No. 6: Shikshak ko kyun nahin sudhara ja sakta sir? Kayde se to unko khud hi social responsibility / liability lena chahiye. Par unko bhi dande lagao to wo bhi sudhar jayenge. Unki "KAAMCHORI" ultimately bachchon ki bhawishya hi bigadegi na sir. Aapko to jyada maloom hoga, jharkhand mei TEACHERS ki KAMI hai. (more teachers are required). Aur naye teachers ka appointment kyun nahin ho raha hai, ye bhi aapko maloom hai. Mai batane jahunga to shayad aapki samjh mei aayega nahin. Arey Sir aapki samjhmei Bandgaon Block ka bhawishya samjh mei nahin aata to jyada DEEP baat kahan samjhenge. Point No. 7: Aapka sawal hi jawab hai. Point No. 8: Bandgaon area mei kaam karnewale 1-2 NGOs ke bare mei suna hai. Pahle sochta tha, chalo ye NGO kuchh to kar rahe hain, par aapki baton ne mera vichar badal diya. LOOTNE KA MAUKA MILA HAI LOOTE. Sir ji, inke "VISION" dekhiye to lagta hai ki us Area mei development ka kaam NGO hi kar rahe hai. Bade DHANSU (sundar / impressive) words / language mei description hai unka. Par wo aisa nahin karenge to kisi trusty ka rupya / dollar kaisa aayega? Point No. 9: Sir ji mai kisi Area ka CHITRAKARI nahin kar raha. Haqueekat hai. Sirf Bandgaon block ki baat nahin hai, almost har adivasi area ka yahi haal hai. Aur phir log mujhe galat kyun samjhenge. Main iske pahle ka lamba FUNDA 4 lines mei bhi likh sakta tha, par samjhane ke liye example to dena padta na. Mai jharkhand se bahar 1500 kms dur rahta hun, par mai apne area ki khabar rakhta hun. Aisa bhi nahin hai Pandey ji maine sirf apna block hi dekha. Mai India mei har jagah ghuma hun except eastern states. Jharkhand mei bhi Santhal Pargana ke siwa baki districts ke bahut sare gaon, sahar dekha hun. Abhi kal ki hi baat hai, usi area ka ek ladka phone kiya. Usne block mei "Parwarik Suchi" ke liye apply kiya tha. Kal uski wife uske liye block office gayi thi. Usko staff ne bataya ki sahab 500/- maang rahe hain sign karne ke liye. Ab batahiye pandey ji, wo sahab kya us certificate pe sign karke mere dost pe ahsan kar raha hai kya, jo 500/- maang raha hai. Sir, ye uski duty hai, usi ke liye uska appointment kiya gaya hai. Phir us sign ke liye 500/- kyun. Mere friend bechara bahar rahta hai, sidha banda hai. Usne puchha yaar kya karein, de dun kya 500/-. Mai bola yaar kyun de? Teek hai mai aur aap to job karte hain, 500 kya hai, lekin yadi hum shuru karen to ek SYSTEM ban jayega. Phir koi gareeb adivasi koi certificate banwane jaye to wo 500/- kahan se layega? Then I enquired about the new sahab, pata chala ki suna hai naye sahab RUPYA KAMANE mei jyada intrest lete hai. May be you are very powerful person (aapki baton se prateet hota hai), but aapne to bandgaon mei bazar mei sirf HADIA GHADA hi dekha. Sir, is tarha se PURVAGRAH se grashit hokar VIKAS ki baat mat kiya kijiye. Otherwise you won't bhi successful implementing your idea. Poora system sudharne ki taquat rakhte hain to baat kijiye. Aur yadi aap bhi gareeb, neglected, uneducated, backward adivasion ke DEVELOPMENT ke naam par apna CHULHA jala rahe hain to please kam se kam BANDGAON area mei mat kijiye. Sincerely Yours MMunda From: Rajeev Pandey <[EMAIL PROTECTED]> Subject: Re: Brewing and Drinking in tribal (Adivasi) culture To: Jharkhand@yahoogroups.co.in Date: Monday, October 27, 2008, 8:51 PM Dear Maheshwar jee Badhai ho aap ek aadmi nikle jinhone aadiwasiyo ki samsaya ke tah tak jane ki koshish jaroor ki hai Kaphi lambi chodi bat aapne kar dali hai. moti bato pe dhyan dijiye 1. Koi aadmi aaj ke jamane me tab tak imandar hai jab tak use lootne ka moka nahi mila hai. 2. Jab bhi wikash ki bat kare to aadmi ko uske jati se nahi uske nam se pukare, bandgaon ka bhwishya apne ko nahi samjhe to acha hai. 3. Block ke 1 km pas me ek gaon hai Lumbai mai waha 1 sal raha hu jis kshetra ki bat aap kah rahe the waha mai shayed 10 bar se jada gaya hoga, kripya apni kami ko chupane me dusre pe dosharopan ki aadat chod de? 4. Kripya apne gaon ka nam likhe to ek bar punah jane ki iksha hogi rasta to samajh gaya hu shayad Binda se right cut lena hoga hai na. 5. Siksha ka wikash ho raha hai, aapki bate bhi sahi hai......... ...kaya aap is wishay me chandresh oraon, joba manjhi, bandhu tirki tak uprokt bate pahucha ke iski prati hume de sakte hai. 6. Sikshak ko sudhara nahi jata unhe kartavya ke prati jagrook kijiye, baki humare pe chod dijiye. 7. Kaya aap ye mante hai ki anpadh aadmi ke pas budhi hoti hai tab hum aage wikash ki sonche pahle waywastha se puch lijiye ki anpadh logo ko kam ke badle paisa /aanaj kyon, budhi ki kimat kyon nahi. Yadi aapko bhi kam ke badle anaj diya jaye to kaisa lagega aapko. 8. Thoda is bat pe dhayan dijiye ki bandgaon me kitne ngo kam kar rahe hai or kitna office hai unka, mamla saf hai lootne ka mauka mila hai loote. 9. Kisi pichde kshetr ki yasi chitrkari mat kariye ki log aapko hi doshi samajh jaye. subhkamnao sahit rajeev +++++ MODERATOR ADDED - Dear readers, if you are a non-hindi (or cant understand Hindi) and interested in this topic then, make request to writer to post it in english. Thank you++++
