-----BEGIN PGP SIGNED MESSAGE----- Hash: SHA1 Sælir KDE þýðendur,
Ég hef ekki áður sent á þennan póstlista en langaði að láta ykkur vita af þýðingarveislu sem verður næstu helgi. Næstkomandi helgi, 16.-17. febrúar, verður hafist handa við að klára þýðingu á Ubuntu Hardy Heron í allsherjar þýðingarveislu. Þýðingin felur í sér bæði KDE, Gnome og Xfce þýðingar (þið getið náttúrulega haldið tryggð við ykkar skjáborðsumhverfi ef þið viljið) en endilega vera mæta og vera með. Boðið verður upp á flatbökur (sko, íslenskt orð!) og fullt af fólki mætir til þess að hjálpa til við að þýða Ubuntu á okkar ástkæra ylhýra tungumál. Því fleiri sem mæta, því minna þarf hver og einn að vinna. Þýðingarveislan verður haldin í VR-II í Háskóla Íslands, stofu 261 á annarri hæð og stofan verður opinn frá 10 til 18. Þýðendur þurfa að koma með sínar eigin ferðatölvur en Reiknistofnun Háskóla Íslands lánar öllum utan háskólans nettengingu. Ástæðan er sú að þýðingin fer fram í gegnum heimasíðu og það þýðir líka að fólk með Microsoft Windows getur líka hjálpað til og þurfa ekki að skammast sín fyrir það að hjálpa góðu málefni (það verða samt aðilar á staðnum til að sýna hvernig Ubuntu virkar og til að svara spurningum). Við erum ekki bara að leita að þýðendum, við erum líka að leita að fólki til að hjálpa til við prófarkarlestur, nýyrðasmíði og hjálp við að halda utan um þýðendurna. Til þess að geta haldið utan um lista af þýðendum (svo að nafn þeirra og framlag gleymist ekki) verða allir að skrá sig með því að senda nafnið sitt til [EMAIL PROTECTED] og þeir sem vilja fá nettengingu láti vita af því í sama pósti. Það er nauðsynlegt að skrá sig fyrir hádegi á föstudaginn til þess að ég geti útvegað nettengingarnar. Fjölmennum í þýðingarveisluna. Mættu og taktu vini þína með þér. Þetta verður æðislegt. Fyrir þá sem geta ekki mætt í þýðingarveisluna verðum hún nettengd í gegnum IRCið við fjarþýðendur á rásinni #rglug. Ef þú sérð þér ekki fært um að mæta þá kíktu endilega á rásina svo að við getum samhæft þýðingarkraftana. /Tryggvi -----BEGIN PGP SIGNATURE----- Version: GnuPG v1.4.2.2 (GNU/Linux) iD8DBQFHstxhTfUwC3N5Fj0RAqLFAKCU+S1eFc0Z56oNd22bB7hgAh6quACfYHTx vTiL1cmWBCz1BcXJQQMIiYg= =Khuj -----END PGP SIGNATURE----- - 8< - - - Heimasíða þessa póstlista er: http://www.molar.is/listar/kde-isl/ Þar eru leiðbeiningar um áskrift að listanum og hugsanlega bréfasafn. Á http://www.molar.is/ er ókeypis íslensk póstlistaþjónusta. - - - >8 -
