--- In [email protected], "Oman Abdurahman" <[EMAIL PROTECTED]> wrote:
Baraya, Kajadian-kajadian sarupa masjid anu salamet tina bancangpakewuh jsb, sakumaha kajadian di Aceh sakapeung sok disebut "mukjizat". Tangtu bae digunakeunana kecap "mukjizat" dina kajadian sarupa kitu atawa alam ayeuna anu geus teu aya deui para Nabi sacara lahiriah eta lain harti saujratna sakumaha maksud kecap mukjizat ceuk agama (Islam). Ceuk sawatara ahli, cenah manusa biasa bisa oge nyangking kamampuhan- kamampuhan sarupa kitu. Anu disebut karomah, barokah atawa naon bae istilahna. Aya anu oge anu nyebut salaku kakuatan (hal) tina hiji posisi atawa hambalan rohani (makom). Dina Islam, ceuk eta ahli, hiji jalmi, waktu atawa tempat bisa nyangking hiji barokah atawa karomah kulantaran amal shaleh manusa. Tegesna amal ka papada manusa. Kitu oge ceuk Al-Qur'an, amal shaleh anu naekkeun (nepikeun) pamenta manusa tug tepi ka "langit". Dina salah sahiji do'a disebutkeun nya amal shaleh anu tiasa ngahulag jelama keuna ku hiji bancang pakewuh. Upamana, do'a Kumail tea (http://www.duas.org/kumayl.htm) Dina sababaraha "kasus" mah, ieu amal shaleh teh bisa oge nyalametkeun hiji musibah (di dunya) sok sanajan anu ngalakukeunana teh kasebut jelema "kafir" atawa loba dosa. Upamana, Samiri-dina carita jaman Nabi Musa as, anu sakitu gede dosana kulantaran nyieun sesembahan patung sapi tea. Samiri nalika katewak ku Nabi Musa as teh heunteu kungsi dihukum pati. Diantara alesan kunaon Samiri salamet tina hukuman di dunya, ceuk cenah, kulantaran manehna teh sanajan mengpar tina papagon agama N. Musa as, tapi dina kahirupan sapopoena mah kacida berehanana. Samiri ukur diusir ku Nabi Musa as. (dina lebah dieu, tangtu Nabi Musa as. nampi heula pituduh ti Pangeran sateuacan nangtukeun eta kaputusan ka Samiri). Kajadian sejenna anu sawanda, nalika salah sahiji gegedug kafir Quraisy katewak dina perang Badr, oge manehna heunteu kungsi dihukum pati ku Rosululloh saw. Eta oge alesanana sarupa, kulantaran eta gegedug kafir Quraisy teh sarua sok sanajan teu ngaku kana bebeneran agama Islam, tapi manehna kaasup jelema "dermawan". Kukituna, kaharti upama masjid atawa kompleks makam anu kasebut wali atawa ulama salamet tina karuksakan nalika kajadian bencana. Meureun mana kitu oge eta masjid jeung "tokoh" anu aya di eta makam teh kalebet tempat jeung jalmi anu mindeng (digunakeun) amal-amalan anu kacatet salaku amal saleh. Hiji tempat atawa jalmi nyangking hiji kakuatan kulantaran amal-amalna. Dina lebah dieu, ras inget kasus Marsinah. Ceuk cenah, waktu kuburan Marsinah dibongkar, kurang leuwih 2 bulan sanggeus ditelasanana, mayit Marsinah teh masih beleger (heunteu rusak). Malah salian ti tetep beleger teh, eta mayit oge nyambuangkeun seungit. Si kuring boga sangkaan, kana kitu oge mayit Munir upama kuburna dibongkar, Insya Alloh (namung pamugi kuburan Munir mah ulah dugi ka dibongkar). Cenah eta dina kajadian Aceh meureun loba jalmi teu tuah teu dosa anu binasa? Aeh, atuda kawijakan Pangeran mah sakitu jembarna. "Modus" jalmi shaleh anu kenging piwelas, piheman sareng kamulyaan Pangeran lain ukur sarupa. Heunteu sakedik jalmi shaleh anu perlaya ditelasan ku papada manusa. Diantarana, nya martir atawa syuhada tea kasebatna...anu engkena...baris ngajadikeun hiji tempat atawa waktu jadi pinuh barokah. Cag heula bisi kamalinaan kaditu kadieu. Baktos, manAR --- In [email protected], Jalak Pakuan <[EMAIL PROTECTED]> wrote: > Nuhun kiriman potona. Hikmahna ceuk logika meureun kieu: > "Mun imah/padumukan urang dipake keur ibadah/amal kasaean, imah eta Insya Allah teu teurak ku "bencana" alam" > > Jalak Pakuan > > > joko tingkir <[EMAIL PROTECTED]> wrote: > > Kaajaiban ti kakuasaan Allah SWT, mangga nyanggakeun > kintunan nu katampi ti rerencangan, bilih aya nu teu > acan uninga, sesa tsunami > > > > __________________________________ > Do you Yahoo!? > The all-new My Yahoo! - What will yours do? > http://my.yahoo.com > > Komunitas Urang Sunda --> http://www.Urang-Sunda.or.id > > > > > --------------------------------- > Yahoo! Groups Links > > To visit your group on the web, go to: > http://groups.yahoo.com/group/urangsunda/ > > To unsubscribe from this group, send an email to: > [EMAIL PROTECTED] > > Your use of Yahoo! Groups is subject to the Yahoo! Terms of Service. > > > > > ATTACHMENT part 2 message/rfc822 > From: "Putrama Setyawan" > > > --------------------------------- > Do you Yahoo!? > Yahoo! Mail - Easier than ever with enhanced search. Learn more. --- End forwarded message --- PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
