--- In [email protected], "Oman Abdurahman"
<[EMAIL PROTECTED]> wrote:
Baraya,
Moal lila deui, itungan mah kira-kira tanggal 30 Januari 2005 anu
baris datang, mangsa 100 poe pamarentahan SBY-MJK baris lekasan.
Loba anu naranyakeun, naon cenah hasilna gebrakan 100 poe
ngamimitian marentah teh? asa tacan aya karasana. Jeung deui, asa
katurug kaparincuk, keur mah teu tembong "gebrakan" anu nyata
ngeunaan "nyageurkeun" deui bangsa Indonesia anu keur gering,
katutuh mindeng pisan kajadian bancangpakewuh dina sajero 100 poe
mimiti pasangan SBY-MJK marentah teh. Aya karunya lebah dieu na mah,
tapi kuang kumaha, da kitu kaayaanana.
Loba anu nyebutkeun yen salah sahiji "gebrakan" program 100 poe
pamarentahan pasangan SBY-MJK teh cenah eta, merangan korupsi ku
jalan newakan koruptor badag jeung ngarengsekeun kasus-kasus korupsi
gede di pangadilan. Tapi aya salah saurang sepuh anu nyebutkeun,
satemenna merangan korupsi mah lain program, balikta pantesna teh
disebutkeun kawajiban. Enya kawajiban anu katunda atawa anu
kawariskeun ti pamarentahan samemehna, apan teu daek bae rengse
merangan korupsi teh, boh di jaman Habibie, Gus Dur atawa Megawati.
Jeung deui, sacara ekonomi mah heunteu pati karasa manfaatna keur
kahirupan sapopope "gebrakan" newakan koruptor ayeuna teh, sabab
harta anu dikorupsi mah asana heunteu pati loba anu mulang deui ka
kas nagara, sok komo tepi ka rahayat balarea mah. Nya tangtu aya
manfaatna keur kahareup mah upama dilaksanakeun sacara daria. Ngan
tetep anu disebut program keur malikkeun kaayaan ekonomi bangsa mah
asa can katembong tina mangsa gawe 100 poe SBY-MJK teh. Kumaha atuh
nya?
Tinimbang usaha-usaha nyata pikeun nyehatkeun kondisi ekomi rakyat
rea, malah aya tanda-tanda anu ngaharib kana pibalangsakeun ekonomi
rakyat. BBM arek naek, atuh subsidi gemuk keur patani arek dicabut,
bari subsidi gemuk anu aya oge masih tetep pikeun produsen lain keur
patani. Rakyat mah kalahka beuki balangsak bae. Sugan aya, upamana,
panyombo keur rakyat rea dina mangsa subsidi BBM engke dicabut,
asana lapur. Subsidi BBM sorangan masih kapangaruhan ku politik
nagara sejen anu ngumbar harga BBM nerekel (keur nambahan devisana).
Teu dipikirkeun yen dina hiji waktu bisa bae harga BBM internasional
teh eureun naekna atawa turun deui.
Cara nalangan akibat bancangpakewuh di Aceh anu heunteu "gerak
cepat", subsidi BBM jeung subsidi gemuk anu dicabut, bisa bae jadi
hiji "titik balik" Pamarentahan SBY-MJK. Ngan teuing balik
ka "hareup" alias transformasi kana kaayaan anu leuwih hade,
atawa "balik ka tukang". Anu paur mah upama balik ka tukang siga
kajadian Mei 1998 tea. Muga-muga ulah aya deui kajadian saperti anu
akhir disebut.
Panambih:
Mangga bilih aya anu gaduh usulan program pikeun ngaropea eknomi
rakyat, anu bisa dilaksanakeun upamana, entong jauh-jauh sa-
Indonesia,-eun heulana anan, pikeun Tatar Sunda (pamarentahan
Jabar) bae heula. Teu nanaon sumber programna mah, naha diturunkeun
tina elmu kasundaan, tina agama, atawa tina elmu bangsa naon bae
anu penting nyata hasilna mawa manfaat keur balarea.
Baktos,
manAR
--- End forwarded message ---
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
