Ceuk cenah, ngaran atawa lalandian teh do'a atawa pangharepan. Kusabab kitu,
dina tradisi Islam, kawentar hadist anu netelakeun yen salah sahiji kawajiban
kolot ka barudakna (atawa hak barudak ti kolotna/indung bapana) teh nyaeta mere
ngaran/meunangkeun ngaran anu alus. Pakait jeung ngaran salaku do'a atawa
pangharepan, di masyarakat Sunda aya anu make ngaran "endut" atawa "entik" keur
leutikna anu kababawa tepi ka gedena.
Anu sok dilandi ku ngaran "endut" teh cenah budak anu keur leutikna begang.
Dingaranan "endut" (singketan tina "gendut") supaya eta budak teh jadi gendut.
Sawanda jeung "endut" nya "entik" tea anu ngarupakeun do'a pikeun budak anu
keur leutikna kagendutan teuing. Sangkan rada leutik (disingket "entik")
saeutik meureun budak anu diaranan "entik" teh. Upama pola ieu anu dipake, atuh
"asep" teh do'a atawa pangharepan keur budak anu ......kasep, sangkan tambah
kasep .(hehehe, hapunten Kang Asep, teu wasa, rumaos Kang Asep mah tos kasep
bawana ngajadi).
Tapi, satuju pisan upama lalandian teh sakuduna anu hade. Sabab, cenah, eta teh
pakait jeung teori "pelaziman" atawa "conditioning" dina psikologi komunikasi
mah. Singketna ceuk ieu teori, sagala rupa engke baris hadir atawa ngawujud
gumantung kayakinan ayeuna anu dilarapkeun tug tepi ka dina
ucap/ngaran/lalandian anu dibiasakeun (diwiridkeun). Ceuk cenah, malah lain
ngaran bae anu mangaruhan teh, dalah naon rupa anu jadi kapiangen (citra, "yang
digandrungi", ceuk basa Indo mah), eta baris mangaruhan boh fisik urang atawa
psikis urang. Upama anu kapiraray siang wengi ku urang teh model jabrig ngerock
('n roll), nya kana baris kitu wajah urang engkena. Teori ieu lamun diteruskeun
matak muringkak bulu punduk, sabab cenah, wajah urang engke di alam anu kadua,
gumantung naon rupa anu (mindengna) kapicangcam ku urang nalika urang hirup di
dunya. Peun ah, teu kedah diteraskeun heulaanan nu eta mah.
Kumargi kitu, kungsi kabaca dina hiji tulisan ngeunaan psikologi, hiji
katerangan anu ngajelaskeun yen sapasang salaki-pamajikan anu runtut raut dugi
ka pakotrek iteuk atawa tengah tuwuh, rarayna teh sok sarimbag hiji jeung nu
sejenna (ka anu tos lami bumen-bumen, mangga geura ngareunteung sareng
papasanganana sewang-sewangan, upama dua raray anu katawis dina eunteung teh
teh teu acan akur, nya kedah dironjatkeun atuh silih pikasonona....hehehe ieu
mah heureuy bae jeung deui, utamana mah pangeling-ngeling ka sorangan bae).
Ku dipahingna pisan lalandian anu awon, tug ceuk cenah, nalika keur nyarekan
budak oge urang teh keukeuh kudu maksakeun make kecap anu sae, sabab kecap
urang teh (komo upama urang teh ibu ramana eta budak) eta do'a. Jadi, tinimbang
aya kereteg arek nyebut "maneh mah belet" ka budak anu teu daek bae ngarti
nalika diajar, saena gancang ganti eta niat pangucap teh ku kecap, upamana,
"maneh mah pinter pisan" (sok sanaja anu dituju teh rada belet). Pon kitu deui,
meureun, upama papasangan urang karasa rada cerewet, tur urang aya kahayang
nyarekan ku kalimah "cerewet pisan, anjeun mah", enggal robah ku kecap "lunnguh
pisan, anjeun teh" (masing sabar bae upama buktina memang cerewet, minimal
urang tos kenging pahala ngado'akeun papasangan ku do'a nu sae).
"Ari ngaran sim kuring kumaha, eta lebah nu payunna", ceuk kuring ka ahli
psikologi anu tadi ngadadarkeun perkara "pelaziman" tea, dumeh ngaran sorangan
anu hareupna ("nick name") asa teu kapanggih wanda do'ana (ari anu kadua mah
tos paham, mindeng kapanggih dina pedaran bab ngaran di pangajian).
"Oh, eta mah sigana meunang nyutat tina Al-Qur'an tarjamahan, prak geura ilikan
ku hidep, lebah ayat ngeunaan 'Ya, ayyuha al-insan', apan tarjamahan dina basa
Inggrisna teh 'o, man'", saur anjeunna (ahli psikologi tea), sanggeus
sababaraha jonjonan ngahuleng siga milarian katerangan anu heunteu matak
nguciwakeun si kuring.
Balik ka imah, gura-giru muka Al-Qur'an tarjamahan basa Inggris, enya geuningan
lebah ayat anu aya kalimah 'Ya, ayyuha al-insan' , tarjamahanna teh sarua jeung
ngaran hareup sorangan. Sanajan nulisna rada beda, alias dipisahkeun, paduli
teuing cekeng teh.. Oge teu pati kapapapanjangan mikiran, naha kolot teh
baheula geus anjog kana tarjamahan Al-Qur'an basa Inggris sagala atawa tacan,
anu penting, katerangan anu hade karasana ti juragan psikolog.
Kadieunakeun, nalika kungsi maca ngeunaan teori "medang makna" ti salah saurang
ahli basa jeung tafsir Al-Qur'an urang jepang tea (punten hilap namina) karek
kapanggih, geuningan "Al-Insan" mah enya soteh hartina manusa tapi keur manusa
dina tangtungan psikisna atawa jiwana. Minangka catetan, ceuk ahli "medan
makna" tadi, basa Al-Qur'an teh salawasna migunakeun "medan makna" anu pas.
Upamana bae, keur ngagambarkeun manusa dina harti atawa tangtungan biologisna
(ayat-ayat Al-Qur'an ngeunaan manusa dina dedeg waruga kasarna), salamina
migunakeun kecap "basyar". Pon kitu deui, dina Al-Qur'an, upama hiji ayat medar
manusa kalawan anu dimaksud teh manusa dina harti masyarakat manusa, kecap anu
digunakeun teh kecap "an-naas". Dina tarjamahan basa Indonesia mah sarua bae,
boh "basyar", "insan" atawa "an-naas", salawasna ditarjamahkeun kana kecap
"jelema" atawa "manusa".
"Kumaha tah, "nick name" anjeun teh ukur keur jiwa anjeun, ari waruga na naha
teu kasebut-sebut?", ceuk hate galecok sanggeus maca pedaran medan makna. "Bae
ah, da keur "pelaziman" atawa "conditioning" tea, sugan bae karana dihartikeun
kitu, jadi resep maluruh soal "jeroan" manusa", ceuk hate sabeulah deui,
ngabeberah. "Ongkoh deui, apan geus diijazahan ku juragan psikolog, piraku teu
manjur do'ana, Amin", ceuk hate sagemblengna mungkas pagunemanana. Kulantaran
beubeulahan hate teh geus sapuk buleud sakabehna, nya nalika jaman keur di
bangku kuliah loba anu ngece, utamana ti seler wetan, kana ngaran sorangan anu
ceuk maranehanana migunakeun rumus "yz xyz" khas Sunda oge, tara bet dipalire
ieuh. Kusabab kitu, nepi ka iraha bae, moal diganti ngaran sorangan teh, lebar
da sasatna amanah ti kolot jeung ongkoh geus didu'akeun hartina ku jurugan
psikolog anu kabeneran anjeunna teh da'i kondang oge.
Baktos,
manAR
Asep Dedi Suhendra <[EMAIL PROTECTED]> wrote:
--Haturan Mang Jamal...,
Beu.. gening kengeng ngimpor nya nami Asep teh..., tapi Kang...,
tebih teuing nyelewengna tah tina nami "YUSUF" mah..., mung bade oge
tina nami "Yosef", tah ti dieumah caket pisan pasenggol letahnateh,
tapi dugi ka ayeuna anu nami Asep teh teu acan mendakan di US anu
ngagem kristen, da mung kristen wungkul anu sok nyebat Yosef mah
sanes..., tah Asep seuseurna ngagem islam.
tah kumargi kitu sim kuring mah satuju pisan upami kanu dihandap ieu
mah:
>
> sasakala ngaran Asep
>> ." enya Asep asalna ti Kasep oge..,"
da sim kuring oge, waktos dilahirkeun teh,dipasihan jenengan teh
sanes Asep,...tah kumargi nuju dilahirkeunmah teu acan katinggal
kasepna , saatosna ray-rayan katinggal kasepna nembe digentos janten
Asep, tah numatak upami aya nami Asep anu teu kasep
etamah,.......disebatna.. mahiwal he...he..he, hampura deui
baraya....
>
Baktos
Asep-Oeking-FL
> >
>
>
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
---------------------------------
Yahoo! Groups Links
To visit your group on the web, go to:
http://groups.yahoo.com/group/kisunda/
To unsubscribe from this group, send an email to:
[EMAIL PROTECTED]
Your use of Yahoo! Groups is subject to the Yahoo! Terms of Service.
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
[Non-text portions of this message have been removed]
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
