Haturan,
Sok kabita ari nguping elmu jeung pangalaman narekahan runtah teh !. Rumaos, 
sim kuring ditakdirkeun nyirereb teh di sisi citrarum anu, tangtos kang ade mah 
apal pisan kumaha umumna sikep atawa tabiat miceun runtah sawatara ( lolobana 
meureun) baraya-baraya sim kuring di padumukan sisi citarum : lung weh ka 
wahangan, atawa numpukeun di sabudeureunana ( biasana bantraran atawa sempadan 
nu jadi tempat favorit pamiceunan teh...). Samalah, keur sawatara jalma, lamun 
cai citarum naek teh, atoh: bisa miceun langsung ka wahangan, " keun we da 
bakal palid ieuh..." pajar teh.
Aya parobahan komposisi runtah rumha tangga anu ku sim kuring sareretan di 
observasi: dua atawa tilu taun katukang, bisa jadi runtah organis teh tepi ka 
60 persenan, kiwari geus tibalik, nu 60 persen teh runtah non organis, 
seuseueurna palastik, boh bungkus sampo, sabun atawa keresek anu teu hargaan !. 
Langkung ti dua taun sim kuring nyontoan diajar milah jeung uar-uar umajak 
sangkan tatangga sim kuring oge nurutan, pokona mah ulah miceun runtah dimana 
lungna !. Sabada dua tahun, tatangga sa RT sim kuring ( 100 KK), meureun nu tos 
mraktekeun pemilahan mah kurang leuwing 80 %, kitu oge kedah teras di elingan. 
Dua kali saminggu, aya warga nu nganggur narik runtah ti warga nu tos dipilah, 
dicandak ka tempat pemrosesan nu basajan ( meunang swadaya): nya di pilah 
ulang: nu organis ( nu bisa di kompos) lumpat kana bak komposting, nu non 
organis oge dipilah deui, mana nu laku di jual, nu bisa dijieun produk kayaning 
kertas jsb, aya oge nu yeu kapuluk nanaon, nya diduruk!. Di tempat TPS
 (Tempat Pengelolaan Sampah) meunang rereongan tea, salian aya bak komposting, 
aya oge tungku pembakaran nu basajan. (satuju, yen eta lampah teh masih 
ngotoran udara, tapi sim kuring ngahibur maneh, sabage hiji proses, keun we 
atuh heula samemeh aya alat nu leuwih aman mah, nu penting teu miceun ka TPA. 
Lain nanaon awis temen geuning kang ade mun kedah diangkut ku truk pamarentah 
mah). Tah kinten kinten kitu pangalaman nu dipilampah ku sim kuring di 
padumukan sisi Citarum !. Di lembur, ayeuna mah tos teu aya nu miceun runtah 
dimana lung na, komo ka wahangan mah. mun aya oge nu pirajeunan (pendatang 
biasana mah) pasti bakal aya nu ngagorowok !. Ieu teh sistim nu dicoba 
heuheureuyan ku sim kuring saparakanca: disebutna sistim kawasan bersih warga 
mandiri. Ieu sistim estu direncanakeun babarengan jeung warga, dikelola estu ku 
warga, taya intervensi ti pamarentah!. Da tadina ge, lian ti alatan tabiat 
warga, oge di lembur teh teu aya layanan ti pamarentah. Jadi nu pang heulana di
 sosialisasikeun teh harita : yen masalah runtah mah lain ngan ukur masalahna 
pamarentah, tapi mun lain ku urang keneh rek kusaha deui (ngarobah perilaku 
jeung 'mindset' tea...). Kiwari ieu sistim pengelolaan komunal teh di ekspansi 
ke lembur tatangga ( 300 KK), oge direplikasi di lembur rada jauh, oge sisi 
citarum ( 300 KK). Barudak ngora di Rancamanyar mah geus ngawitan diajar 
tatanen tanaman hias, nganggo kompos hasil sorangan. Samalah sim kuring nyobian 
nganggo kompos hasil ti pengelolaan runtah tadi tea keur ngubaran lahan kritis 
di banjaran wetan (aya demplot lahan kritis 6 hektaran boga masyarakat), di 
campur ku soil konditioner kayaning zeolit; alhamdulillah hasilna sae!. patani 
geus nyongsrong harayang ngangge kompos !. ( tah, program rehabilitasi teh 
sakedahna lain ngan saukur neangan bibit jeung melak, apan mana disebut kritris 
oge diantarana kulantaran hara taneuhna nu geus teu subur jeung gering...).
Atuh tina runtah nu non organis, tos aya barudak ngora nu dialajar ngadamel 
kerajinan kertas daur ulang, jsb. Nu bangga mah nyaeta kantong keresek tea kang 
ade !.
Hanjakal tarekah heuheureuyan sim kuring teh, geuning teu ditolih kunu 
dibarendo mah, komo ku dinas lingkungan atawa kebersihan kabupaten mah !
tah kito dongeng ngeunaan runtah ti padumukan sim kuring sisi citarum .
 
salam ka kang oman...
 
ki eurih.
kepala bplhd <[EMAIL PROTECTED]> wrote:
Hatur nuhun Pa Oman, ieu mah manawi aya deui anu kagungan elmu panemu salian 
GRAMMOR.
Insya Allah enjing urang patepung tea.

Kang Ade

----- Original Message ----- 
From: "oman abdurrahman" <[EMAIL PROTECTED]>
To: "kepala bplhd" <[EMAIL PROTECTED]>
Cc: <[email protected]>; <[email protected]>
Sent: Tuesday, March 01, 2005 2:43 PM
Subject: [kisunda] Re: RUNTAH


>
> Wa'alaikum salam wr., wb.,
>
> Hatur nuhun Kang Ade kana iber sareng panggerona. Bawiraos, cara 
> ngokolakeun runtah anu pangefektifna, anu tiasa nyerep atawa nyeepkeun 
> runtah unggal dinten teu nyesa dugi ka heunteu meryogikeun tempat nyimpen 
> runtah anu pibahlaeun, teu aya deui model ngolah runtah jadi gemuk tea. 
> Nya diantawisna, tangtosna saparantos diilo atawa diuji proposalna, 
> ngokolakeun runtah janten Grammor tea.
>
> Ku cara runtah didamel kompos, masalah teu acan rengse. Jalaran engke 
> baris ngahunyud deui kompos anu teu kaserep ku patani jalaran cara 
> ngangkutna sareng manfaatna masih kawon, upamana ku gemuk kandang. 
> Kukituna, kompos anu ngahunyud baris nyangkolong tempat oge anu hartosna 
> masalah deuin bae.
>
> Ku cara diduruk runtah teh tangtos teu sae kana lingkungan. Sareng potensi 
> manfaatna kanggo tatanen teu kawujudkeun upami runtah diduruk mah. Pon 
> kitu deui, runtah dijadikeun biomas sakumaha rencana pabrik ngokolakeun 
> runtah anu di Bojong, Bogor, masih nyesakeun masalah, boh kanggo 
> lingkungan atawa manfaat ageung anu teu kapuluk.
>
> Anapon upama runtah diolah teras (kantun neraskeun tina kompos) janten 
> gemuk NPK plus, sagala rupi manfaat teh tiasa kahontal. Dina tehnisna 
> engke, para pemulung sareng lapak ulah dikantunkeun, bilih janten masalah 
> sosial. Atuh lengkah-lengkahna tiasa dirarancang luyu sareng pertanian 
> terpadu tea. Kukituna, falsafah ngamanfaatkeun "waste product" janten 
> saageung-ageungna manfaat atawa "buburuh dahar diupah beas" ceuk karuhun 
> urang tea mah, Insya Alloh tiasa kahontal. Kanggo hal eta, proposal dugi 
> ka teknis sareng analisis cashflow biayana parantos aya (model Grammor).
>
> Ngamanfaatkeun runtah janten gemuk NPK plus sarupi Grammor kalintang 
> ageung manfaatna, boh kanggo patani, lingkungan, atawa keuangan 
> pamarentah. Sok komo ayeuna dina mangsa kahirupan sakieu tambah 
> balangsakna alatan BBM naek bari jeung pamarentah teu acan maparinan 
> kasiapan rakyat (upamana dina wangun subsidi gemuk anu, upama Grammor 
> tiasa diproduksi, masalah gemuk tiasa seueur ngirangan). Mangga diantos 
> bae lajuninglakuna, proposal atanapi proses akomodasi jejer-jejer 
> (gagasan) sarupi kitu kantun digero. Namung, prinsip utamina mah teu aya 
> sanes: runtah (organik) kedah janten pupuk NPK plus (anu lengkep kandungan 
> organik, unsur makro, mikro, zpt, enzym, jrrd luyu sareng kaperyogian 
> tatanen).
>
> baktosna,
> manAR
>
>
>
>
>
>
>
> kepala bplhd <[EMAIL PROTECTED]> wrote:
> Assalamualaikum Wr. Wb.
>
> Wargi sadayana, sampurasun.
>
> Tinangtos ngarasa sedihna mah paraosan urang sadaya. Hatur nuhun kana 
> bantosan boh mangrupa harta tur harti anu parantos dikaluarkeun ku warg 
> wargi sadayan, kanggo ngabantosan dulur urang anu ayeuna keur nanadangan 
> kasusah alatan urugna Tempat Pamiceunan Runtah di Leuwi Gajah.
> Pribados masih keneh meredih kawargi wargi anu tunangtos ngagaduhan elmu 
> pangaweruh pikeun ngokolakeun runtah, anu ayeuna jadi pasoalan anu ageung 
> di Jawa Barat, utamina di Bandung sareng sabudeureunnana.
> Hatur nuhun.
>
> Waalaikumsalam Wr. Wb.
>
> Kang Ade
>
>
>
>
> ---------------------------------
> Do you Yahoo!?
> Yahoo! Mail - 250MB free storage. Do more. Manage less.
>
> [Non-text portions of this message have been removed]
>
>
>
> PENTING..!
>
> attachment akan dihapus & tidak diteruskan kepada seluruh member.
>
> dilarang beriklan. pelanggaran atas peraturan ini akan dikenai sanksi 
> berupa pencabutan membership.
>
> terutama bagi pengguna ms outlook/outlook express, dihimbau untuk selalu 
> mengupdate antivirusnya.
>
> Yahoo! Groups Links
>
>
>
>
> 



PENTING..!

attachment akan dihapus & tidak diteruskan kepada seluruh member.

dilarang beriklan. pelanggaran atas peraturan ini akan dikenai sanksi berupa 
pencabutan membership.

terutama bagi pengguna ms outlook/outlook express, dihimbau untuk selalu 
mengupdate antivirusnya.



Yahoo! Groups SponsorADVERTISEMENT


---------------------------------
Yahoo! Groups Links

   To visit your group on the web, go to:
http://groups.yahoo.com/group/kisunda/
  
   To unsubscribe from this group, send an email to:
[EMAIL PROTECTED]
  
   Your use of Yahoo! Groups is subject to the Yahoo! Terms of Service. 


                
---------------------------------
Celebrate Yahoo!'s 10th Birthday! 
 Yahoo! Netrospective: 100 Moments of the Web 

[Non-text portions of this message have been removed]



PENTING..!

attachment akan dihapus & tidak diteruskan kepada seluruh member.

dilarang beriklan. pelanggaran atas peraturan ini akan dikenai sanksi berupa 
pencabutan membership.

terutama bagi pengguna ms outlook/outlook express, dihimbau untuk selalu 
mengupdate antivirusnya.
 
Yahoo! Groups Links

<*> To visit your group on the web, go to:
    http://groups.yahoo.com/group/kisunda/

<*> To unsubscribe from this group, send an email to:
    [EMAIL PROTECTED]

<*> Your use of Yahoo! Groups is subject to:
    http://docs.yahoo.com/info/terms/
 



Kirim email ke