Baraya, Ti saprak kajadian musibah di TPA Leuwigajah, runtah patulayah dimana-mana, da teu kawadahan tea. Kamari poe minggu, kaparengkeun ngaliwatan sababaraha buku jalan, boh jalan leutik atawa jalan utama, di Kota Bandung. Beueueu....hebat kacida akibat tina hiji bae TPA anu heunteu bisa operasi. Runtah numpuk meh di unggal juru kota, geus lir ari di hareupeun pasar jeung di depot (tempat panampungan runtah samentara samemeh diangkut ka TPA), geus ngahunyud pisan. Sareukseuk katingalna jeung teu kuat ku bauna bae ti unggukan runtah anu loba tur geus lila mah. Estuning teu matak betah. Runtah tinangtu baris terus nambah, da masyarakat moal eureun tina kagiatan anu ngahasilkeun runtah salila aya keneh dikieuna mah, alias tacan kiamah tea. Atuh komo da nu nyicingan Bandung tinimbang ngurangan, kalahka nambahan. Sawatara kitu, TPA anyar tacan aya da puguh heunteu gampang tea neangan jeung nyieun tempat keur TPA teh. Kukituna, samemeh runtah minuhan kota Bandung, hayu urang padungdung, urang tandang pikeun ngokolakeun runtah di Bandung, khususna, umumna di kota-kota gede, sa-TS bae heula, da engke oge batur teh tangtuna oge narurutan ari kana program hade mah. Mangga diantos, pangemut sareng icikibung ti sadayana pikeun ngokolakeun runtah. Sigana, anu diperyogikeun ayeuna, sanes ukur wacana, namung parantos kana lebah praktekna. Sababaraha anggota di ieu milist, upamana bae Kang Yogie, tangtosna oge parantos prak mulasara lingkungan tina runtah. Mangga diantos pangalaman sareng ide-idena kanggo ngokolakeun runtah kota anu beuki dieu katingal wuwuh ngahunyud. Baktos, manAR
__________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com [Non-text portions of this message have been removed] PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
