Haturan Kang Oman, Kang Maman oge baraya disaampar jagat..., Sateu acan sim kuring mambihan deui guaran perkawis anu 7 (tujuh) sareng anu 9 (salapan) minangka terasna ti na anu 1(hiji), 3(tilu) sareng 5(lima) mung anu ieu atos lebet kana Alam Ageung (AA+) sanes Alal Alit (AA-) sapertos posting tipayun, bade ngawalonan heula pangero ti Kang Oman dina sababaraha perkawis.
Perkawis akal atanapi akal anu universal, sapagotos pisan sim kuring sareng eta statement yen akal mah sifatna universal henteu ngabentenkeun bangsa atanapi etnis bade yahudi, eropah, arab, aprika, jepang jrrd sami wae sareng "akalna urang sunda" tapi gumantung asahanana bae. Kukitu urang sunda ulah kasima ku batur, anu benten mung luarna, syareatna, atributna atanapi sering disebat sensasina wungkul, penomena anu katangkep ku indra urang. Perkawis "PAPAK" sareng "Pangeran Papak" Kecap "papak" anu dipimaksad ku sim kuring dina guaran anu kamari nyaeta kanggo mastikeun pilihan urang saatosna ngasah potensi diri anu 5 (lima) anu tos nyampak dina diri urang. Upami potensi parantos kaasah sareng tos siap digunakeun tong hilap digunaken kanggo kamaslahatan (positi/+) sanes kanggo kamadorotan (ngatitif/-). Maslahat sareng madorot dua sifat papasangan anu lengket napel dina diri urang upami kedah diemut-emut dina unggal rengkak pari polah sadidinten. Kumargi aya sifat papasangan ayeuna urang gaduh postensi teh janten 5(lima) pasang anu tiasa mahaya-mahayu, hasilna mah kumaha latihan urang, idealna mah lima-limana kedah milih anu mangfaat kanggo diri urang sareng sabudeureun urang, diluar ageung-alitna mangfaat sareng ageung-alitna ruang-lingkup sabudeureun urang da eta mah gumantung kana "cahaya" anu dipancarkeun ku urang. Pilih, lima-limana anu mangfaat, lima-limana kedah sami mangfaat ulah aya anu negatif sok sanaos mung hiji tina lima tea, pilihan urang lima-limana kedah sami, kedah papak, kedah papak, kedah papak....! Ku sering-seringan ngawurukan jalmi kedah papak, kedah papak, nya katelah wae "Pangeran Papak" duka atauh saha nami aslina mah. Janten emut ka teh ii raina Kang Purwacaraka tea salaku "Mrs Picth Control" he... he... Perkawis buku "kasepuhan" mah sim kuring mung ngaos anu diposting ka milist urang sunda wungkul, leres aya anu sarimbag sareng anu kapendak ku sim kuring mug aya istilah buhun anu teu kartos tiasa bae eta kecap teh tos teu dianggo tos lami atanapi tos teu populer ayeuna mah, da nyakitu geuning basa ge teu abadi malih keuna ku owah gingsir. Mangga diposting bae 'digitalisasina' supados teu ngagurayot teuing filena, sareng teu lami teuing nga-download. Tah anu dihandap ieu ieu mah guaran terasna anu kamari kenging kotrat-kontret tadi wengi, ayeuna mah tos nincak kana Alam Ageung (AA+). Mangga nyanggakeun..........! Salian aya anu 1 (Hiji), 3 (Tilu) sareng 5 (Lima) anu tos nyampak diurang sadaya nyatana potensi diri anu kalebet kana Alam Alit ayeuna aya deui anu 7 (tujuh) sareng anu 9 (salapan), anu ieu manawi kalebet kana Alam Ageung. Anu 1 (hiji) nyaeta NYAWA atanapi ROH, anu 3 (tilu) nyaeta RAGA, UTEUK, HATE, anu (5)lima nyaeta RAGA, FIKIRAN-1 (statis), FIKIRAN-2 (dinamis), RASA-1 (deet), RASA-2 (jero). Benten sareng anu tos diguar kamari anu 7 (tujuh) ieu mangrupi hambalan-hambalan urang dina raraga "pemaknaan" hirup sareng huripna dialam marcapada. Hambalan anu 7(tujuh) the nyaeta: 1. Hambalan nalika urang dipiara ku sepuh (balita), sim kuring ngalarapkeun hal ieu henteu mung saukur tataran fisik/lahir tapi oge dina tataran "pemaknaan diri" hartosna tataran ieu nalika hirup urang teu acan tiasa mandiri tapi masih diampu ku sepuh atanapi kunu sanes. 2. Hambalan nalika urang "milarian elmu" boh anu lahir atanapi batin (anak/murangkalih sareng rumaja), ilustrasina mah dina mangsa ieu urang getol-getol milarian udagan hate. Aaah ieu teu kedah dijelaskeun deui da tos garalaman, geuning teu siang teu wengi urang surfing diinternet, udar ador, utrak-atrok kaaditu ka dieu, aya anu ziarah kamana-mana, aya anu ngadeheus ka sepuh, kiyai, profesor jrrd. 3. Hambalan nalika urang "kumawula kana kawasa" (dewasa), fase ieu mah urang tos ngawitan "ngalemah/membumi" ngagunakeun panemu kanggo kumawula ka saha wae gumantung kana udagan urang, tiasa damel diwidang formal atanapi informa dina raraga 'pemaknaan' hirup. 4. Hambalan nalika urang "kedah nyepeng rasa kamanusaan" tah palebah dieu sim kuring rada ragu naon anu dipimaksad. Sim kuring ngalarapkeun dina hambalan ieu urang kedah sadar yen urang the manusa biasa sanes dewa, sanes nabi komo deui pangeran mah, margi dina hambalan ieu aya tos gejala scizoprenia haa., ha.., ha.., rada sedeng bin selon eung. 5. Hambalan "Pinandita" katingalna mah tataran ieu mah masih ngurus kadunyaan tapi tos katingal sifat-sifat panditana. 6. Hambalan "Wali" anu ieu teu kedah dibahas da ieu mah sesebatan ti nu sanes, kumargi jalami dina tataran ieu mah tos teu aya hartosna pujian tipapada jalmi kukituna moal ngangken "aing geus nepi kana hambalan wali" 7. Hambalan "Rosul" anu ieu mah ulah dibahas heula teu acan waktosna. Keun wae teu kedah emutan da takdir mah teu tiasa dipungkir, kodar teu tiasa disinglar estuning papasten ti Gusti Yang Widi. Anu 9(salapan) mah mangrupi angka panutup da teu aya angka anu langkung ageung ti angka 9(salapan) aya salapan hal anu kapendak ku sim kuring kirang langkung 3-4 taun anu tos kalangkung, anu kedah diudag, ditata, dikokolakeun di wewengko nagara, nyaeta: 1. Kamulyaan 2. Kasundaan (dina skala nasional mah urang sebat bae kabangsaan, sabab sunda teh pan cikal bakalna bangsa) 3. Islam 4. Nasoro 5. Bumi (dewa bumi) ngokolakeun sumber daya alam 6. Keaman sareng Hukum 7. Ekonomi 8. Demokrasi 9. Kasehatan Anu salapan aspek ieu tos "ketok palu" teu tiasa ditawar deui dina magsa ieu mah, upami aya hal-hal anu peting sanesna tiasa sumurup ka nu salapan (nge-sub). Aya bentena anu salapan jaman kapungkur sareng anu ayeuna, kapungkur mah diwatesan geografi ari ayeuna mah diwatesan ku widangna. Anu salapan ieu mah urag bandungan wae sasarengan naha leres baris tarandang atanapi henteuna mah da ieu teu acan galib. Sakitu anu kapihatur mugia aya mamfaatna, teu hilap neda dihapunten bilih serat sim kuring podok nyogok panjang nyugak, ditambih basa sundana anu kamalayon. Wassalam Dudi_ss ----- Original Message ----- From: oman abdurrahman To: [email protected] Sent: Tuesday, March 22, 2005 3:19 PM Subject: Re: [kisunda] Alam Alit Alam Ageung (A4) =>B U K U Haturan Kang, Heunteu sawios Kang, sawangsulna, sim kuring nya tawakuf nu kasuhun ka salira, teu acan pisan pareng anjangsono ka TS palih wetan...hehehe. Leuh, ieu mah, nya atuh anu ti salira pangeleketek anu kalintang pikauruyeunana, matak lebar upama heunteu dilenyepan. Seja mairan ringkes bae - da rumasa anu panjang mah heunteu kaudag tea - kana tutungkusan ti salira. Anu ringkes teh eta kaeleketek (deui bae) ku eusi guaran hiji buku, ngeunaan kajugalaan internet pikahareupeun dikaitkeun kana 4A.. [Non-text portions of this message have been removed] PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
