Kang Maman, eta mah jero teuing kang, minimal tiasa ngucapkeun Ayat Alloh
kalayan tartil, uninga maknana ti kawit Takbit, Iftitah, Fatihah dugi ka aweh
salam. Salajengna saparantos faham, cobi dipraktekkeun dina laku urang
sadidinten, sapertos kieu geura :
1. Dina du'a Iftitah urang teh apan ureng teh janji wireh satemenna Sholat
urang, Ibadah urang, hirup urang, tug dugi maot urang pisan apan mung kagungan
Alloh, urang mah ukur mancen tugas salaku Kholifah di dunya, bekelna nyaet
Al-qur'an sareng sunnah Rosululloh.
2. Atuh sok komo deui geuning dina Alfatihah mah leubeut pisan, urang teh
kedah gaduh sifat welas asih ka mahkluq-NA, uteuk tongo walang taga omat ulah
diguna sika sapanjang teu ngabahayakeun jiwa urang, komo deui ka papada manusa.
Teras upami sadaya puji kagungan Alloh anu murbeng alam, atuh poma ulah
pupujieun atanapi hoyong kapuji. Salajengna Urang oge kedah yakin kana ayana
mangsa balitungan di akherat engke.
Teras deui upami mung ka Alloh urang nyembah kalayan neda pitulung, omat atuh
ulah gumantung kana dadamelan manten-NA. Upami urang neda dipaparin jalan anu
lempeng, poma atuh ulah nyorang jalan rembet katut pabeulit, bilih teu dugi ka
tujuan.
Jalan kumaha atuh anu diteda ku urang sadaya, nyaeta jalan kani'matan anu
kantos dipasihkeun ka jalmi-jalmi sateuacan urang gumelar, sanes jalan jalmi
anu dibendu ku Alloh atanapi jalanna jalmi-jalmi anu salasar.
Pamendak sim kuring mah, ku ngamalkeun makna Al-Fatihah dina laku sadidinten
oge, Insya Alloh urang bakal moal tega milampah laku radikal. Mudah-mudahan
atuh urang sadaya dipaparin pituduh ku Manten-NA kana jalan anu lempeng tea,
amin.
Punten sim kuring kumawantun, bilih aya basa anu kirang merenah, mugia jembar
pangapunten, anu lepatna eta ti diri sim kuring, Mugia Alloh ngahapunten.
Wassalam
Kang Maman <[EMAIL PROTECTED]> wrote:
Enya siganamah, loba maca arab na wungkul, tapi teu
jeung hartina. Mun basa tarekatmah, syareat tapi teu
jeung hakekatna.
--< diteukteuk >--
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
