Ieu dongeng teh, saenyana mah kajadianana sababaraha bulan ka tukang. Waktu aya kariaana Gong Xi Pa Chai, alias pabaru China. Ngan rek ditulis, kaluli-luli, balas ku pakepuk jeung garapan sejen. Kakara inget deui ayeuna, pedah katimu waktu ngorehan arsip gambar.
Saban poe minggu isuk-isuk, geus jadi kabiasaan, upama taya halangan, sok ngahajakeun ngadon ulin ka dayeuh, bari jalan-jalan ngalempengkeun cangkeng. Ngahaja ngalempengkeun cangkeng teh, make cara nu paling aman, ukur jalan-jalan isuk-isuk. Da ari dilempengkeun di rel kareta api mah, rumasa teu bisa debus. Hehehe. Hiji mangsa, barang anjog ka hiji tempat balanja, katinggali loba jalma nu ruang-riung. Teuing naon nu dilalajoana teh. "Boa-boa aya tukang obat!", ceuk pikir teh. Rarasan teh di alun-alun Bandung. Baheula lamun aya nu ruang-riung di alun-alun Bandung, bisa kajudi, aya tukang obat keur noroweco. Barang dideukeutan, disidik-sidik, geuning lain tukang obat nu pada ngariung teh. Geuning loba babah, keur ngadarapang. Kolot budak, awewe lalaki, keur ngadarepong, dilalajoan ku jalma rea. Sihoreng eta babah teh, keur pasanggiri kaligrafi aksara China, dina raraga mieling Gong Xi Fa Chai. Naon nu matak helok teh, eta nu miluanana, ti mimiti budak umur TK nepi ka umur tengah tuwuh, awewe lalaki, ngilu aub pasanggiri. "Paingan, atuh paingan!", ceuk pikir kuring. Geuning babah mah nepi ka kituna, miara warisan budaya karuhunna teh. Kolot budak, awewe lalaki, milu aub, babarengan. Teu matak heran, upama basa China katut aksarana tetep kapiara nepi ka kiwari. Ras inget ka lembur, lamun aya kariaan imtihan bulan Mulud atawa Rajab, kariaan bulan Agustus, kitu deui pangajian sore, asa can manggihan dimana tiap lapisan baraya di lembur kuring milu aub sakabehna. Imtihan Muludan jeung Rajaban, ukur keur barudak. Pangajian sore ukur didatangan ku kaum wanoja jeung Ibu-Ibu. Bapa-bapa na mah duka kamarana. Boa-boa, kaayaan basa Sunda jiga ayeuna teh, saenyana mah buah kalakuan urang sorangan. Teu jiga babah, nu soson-soson miara basa jeung budayana sorangan. Wallahualam. Salam, MH ===== Situs: http://www.urang-sunda.or.id/ [Pupuh17, Wawacan, Roesdi Misnem, Al-Quran, Koropak] __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
