Dina Majalah Cupumanik, Pebruari 2007, aya artikel Uas Sas (Mamat B.
Sasmita) judulna teh, "Korupsi dina Basa Sunda". Si Ua ngabahas soal kecap
Korupsi nu teu aya dina Basa Sunda. Dina Basa Sunda aya kecap "BASILAT' nu
hartina "Neangan kauntungan nu ngarugikeun batur". Naha kecap "basilat" teh
sami jeung kecap "korupsi"? Ua Sas teu mere kacindekan, ngan ceuk anjeunna
kecap "basilat" geus jarang pisan digunakeun, teu pati dipikawanoh. Media
masa Sunda oge jarang make kecap eta, eleh populer ku kecap korupsi.
Nu kuring jadi nyenghel seuri sorangan mah, eta bagian akhir tulisan si Ua,
kieu cenah:
"Sigana dumeh kecap korupsi mah asalna tina basa deungeun, nu hartina ngan
apal dina biwir, teu nyerep kana hate, jadi NGARASA HENTEU SALAH. Beda deui
lamun disebut maling, maok, sabab maling jeung maok mah kecap nu geus
kaharti kalawan nyerep kana hate.
Ana kitu, ganti we atuh kecap korupsi teh ku kecap maling. Sugan we korupsi
jadi ngurangan"
Artikel Ua Sas ieu, sabenerna nunjukkeun hal nu leuwih jero, yen urang Sunda
(oge urang Indonesia) teu mikawanoh naon disebut kalakuan korupsi teh. Soal
"teu mikawanoh" kana hiji kecap, kuring jadi inget ka hiji film jeung
kajadian nu kungsi kasaksian ku kuring sorangan. Kieu yeuh caritana teh:
Nu kantos nonton film "God mus be crazy", tangtos nyakakak, waktu si Xi,
urang suku primitif di kajeroan Afrika, manah embe nu keur diangon. Si Xi
ditewak ku pulisi, da dianggap maling embe. Tapi di pangadilan "sang
penterjemah" bingungeun narjamahkeun kecap "maling" ka Si Xi, sabab basa
etnik si Xi mah teu aya kecap "maling". Di lembur si Xi saha nu manggihan
tiheula, nya manehna nu ngala ......terus didahar babarengan.
Eta dina film, dina kanyataanna kuring kungsi nempo sorangan. Di daerah
Transmigrasi Pamenang Jambi, para transmigran di kebonna tara melak sampeu
nu bisa didahar, tapi sampeu racun. Naon sababna? Lokasi Transmigrasi
Pamenang tadina tempat urang Kubu (suku Anak Dalam). Tah di urang Kubu, teu
aya istilah "kapimilikan pribadi", nu aya milik sarerea. Jadi waktu ningali
sampeu, nya ...langsung we dirabut, terus didalahar. Ari keur Transmigran
mah kebonna diranjah. Malah kuring kungsi nyaksian, waktu urang kubu nempo
buah nangka asak dihareupeunn imah transmigran, ih ...langsung we tangkal
nangka teh ditaekan, buahna diala, langsung dipurak didinya .....bari
nawaran kanu bogana.
Tah ayeuna balik deui kana kecap "korupsi" nu teu aya dina kosakata
basa-basa etnik di Indonesia (lain dina basa Sunda wae). Boa-boa korupsi
mahabu di urang teh, kulantaran memang urang mah teu terang yen korupsi teh
salah....lir ibarat urang Kubu nu sok ngarabutan sampeu pelak transmigran?
Baktos,
WALUYA
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[EMAIL PROTECTED]
mailto:[EMAIL PROTECTED]
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
