Sim kuring ge kantos ka Samarinda, resep pisan geningan. Utamina upami nuju
ameng ka Pulo Kumala nu janten puseur kaulinan sapertos Dufan. Sim kuring ge
kantos sindang ka Museum (Mulawarman?) sareng pasar seni...
Mung hanjakal pisan, sim kuring teu kantos ameng ka Cukang Tangkal (jambatan
nu mangrupakeun akar tangkal badag nu dibulat-beulit...)
Hoyong deui ameng ka Samarinda, Balikpapan, & Bontang.
----- Original Message -----
From: Endang Tatan
To: [email protected]
Sent: Wednesday, May 09, 2007 8:13 AM
Subject: RE: [kisunda] Samarinda, Kaltim jeung Kutai
Haturan baraya urang sunda, oge kang dudi anu ngajgeugeuh di tatar
Samarinda.
Simkuring dua minggon ka pengker kenging tugas ka Balikpapan sareng
samarinda saminggon lamina..
Muhun pangwangunan ayeuna di samarinda mani pesat , eta we ningali
Islamic center di sisi walungan Mahakam mani ngajenggleng kitu, oge bumi
dinasna Gupernur kaltim mani sae..
Tapi hanjakal nya tina saminggon aya panginten 3 kali mah listrik PLN
pareum, janten teu aneh geuningan masing masing instansi ngagaduhan
Genset nyalira nyalira anu ngamatakkeun polusi suara..padahala mah nya
Pemprop Kaltim ti batan ngawangun gedung gedung di sisi walungan Mahakam
anu nyedot dana teu saalit, mendingan ngawangun PLTA atanapi PLTD da
geuning eta walungan Mahakam teh caina mani ngagulidag kitu , Citarum
Onaman Caina teu sabaraha ageung , tapi tiasa ngajalankeun 3 PLTA
(Saguling, Cirata,Jatiluhur), wah upami Walungan Mahakam tiasa ngadamel
PLTA sigana sadayana wilayah Kaltim moal kakirangan Listrik... teras
PLTD oge tiasa da sumber dayana tiasa nunjang nyaeta Batubara, saur
urang Samarinda mah, ngagali 10 Meter oge tos kapendak tah sakadang
Batubara teh..
Salami di samarinda, kabagean oge jalan jalan ka Pampang, tempat Dayak
asli anu masih aya keneh cepilna di gantungan ku perhiasan, anu
ngakibatkeun cepilna dugi ka pupundakan saking ku beratna perhiasan anu
ngagantung dina cepilna, eta Dayak Buhunna, ari Dayak anu tos moderenna
mah geuningGareulis we, kulitna barodas siga urang Bandung, oge sempet
jalan jalan ka Kutai ningali Jambatan payuneun Kantor Bupati Kutai , wah
sabaraha Milyar tah danana di golontorkeunkeun kangge meresan Jambatan
sareng pulo anu aya di sisi jambatan...lamun ningalina di wengi mah siga
di luar nagreg lah...
cag ah..
tatan
_____
From: [email protected] [mailto:[EMAIL PROTECTED] On Behalf
Of dudi_ss
Sent: Wednesday, May 09, 2007 6:55 AM
To: [email protected]
Subject: [kisunda] Samarinda, Kaltim jeung Kutai
Haturan Baraya,
Wilujeng tepang deui sareng si kuring anu tos lami henteu nepangan
parawargi sadaya, tos dugi kamana lalampahan urang sunda dialam maya
teh? Ti saprak ngumbara ka Samarinda, jigana nembe ayeuna tiasa inten
deui ngalanglangan milis.
Baraya,
Samarinda teh puser kota provinsi Kalimatan Timur (Kaltim), anu Insya
Alloh taun payun janten kota utama dilaksanakeunana Pekan Olahraga
Nasional (PON), sawatara waktos anu tos kalangkung pengurus KONI Jabar
kantos sumping ka dieu, mailih nepangan wargi sunda anu aya disamarinda
anu dipinangsaraya janteun fasilitator kanggo transfortasi/akomodasi
atlet salami dilaksanakankeunana PON di Kaltim.
Dina sajarah Nusantara, aya anu disebat-sebat karajaan anu pang kolotna
di Nusantara nyaeta Karajaan Kutai. Karajaan ieu teh kasebut dina
prasasti ngadeg kirang langkung abad 4-5 masehi, raja anu kasohor yaeta
Raja Mulawarman ayeuna di Samarinda diabadikeun janten nami paguron
luhur "Universitas Mulawarman" disingket UNMUL. Nyabit-nyabit Unmul
kaleresan parawargi inohongna teh seueur urang sunda boh anu masih aktif
atanapi anu tos pangsiun, malih rektorna pisan urang sunda tulen eta
teh. Wangsul deui kana sajarah, Karajaan Kutai teh geuning aya 2 (dua)
nyaeta Kutai Martadipura atanapi Kutai Mulawarman (Kutai buhun tea)
sareng Kutai Kertanegara anu ieu mah nembe ngadeg kiten-kiten abad ka
XIII. Taun 1600-an eta dua karajaan teh digabungkeun ku jalan
peperangan, janten Karajaan Kutai Kertanegara wungkul anu puser dayeuhna
di Tenggarong, dugi ka ayeuna Sultan Kutai Kertanegara linggih didinya.
Ari patilasan puser kota Kutai buhun ayana di Muara Kaman, salah sahiji
kot! a kacamatan diwewengkon Kabupaten Kutai Kertanegara (Kukar), teu
teubih ti Tenggarong puser kota Kabupaten. Samarinda mah teu
kasebat-sebat di sajarah Kutai, tapi tangtosna ge kawengku ku eta
karajaan da mung 40 km ti Tenggarong. Catetan: Kapungkur mung aya hiji
kabupaten anu nganggo nami "kutai" ayeuna dimekarkeun janten tilu,
nyaeta Kab. Kutai Timur, Kutai Barat, anu ditengah nganggo nami karajaan
janten Kab. Kutai Kertanegara.
Kaltim kiwari,
Parawargi aya anu peryogi kauninga kusadayana perkawis potensi alam
didieu, salian wewengkonana anu lega, kandungan alam bumi Kaltim teh
geuning beunghar diantawisna Minyak Bumi, Gas Alam, ayeuna anu nuju
trend Batu Bara sareng Kebon sawit ari HPH kai/kayu mah tos kantun
sesana. Aya oge anu teu eleh penting kanggo sumber energi kapayun, yen
di Kaltim kandungan Uranium-na berlimpah. Saatosna otda (otonomi daerah)
kota-kota di Kaltim mesrat majengna, utamina kota Samarinda, Balikpapan
sareng Bontang. Saurna PAD Kaltim kalebet anu pang-ageungna diantawis
provinsi sanesna, dana pemprov anu ngendap dibank ampir Rp. 10 triliun.
Mung nyakitu harta mah sok mahaya-mahayu ayeuna seueur pangagung anu
unggah balewatangan, diparios kunu berwajib, kalebet Gubernurna anu
notabene urang sunda oge. Ari masyarakatna, masyarakat campuran Suku
Kutai, Dayak minangka penduduk asli Suku Sunda, Jawa, Mandar (Sulawesi),
Bugis (Sulawesi), Banjar (Banjarmasin/Kalsel). Pangseueurna pendatang
suku ! Banjar ti Banjarmasin Kalimatan Selatan, Bugis jeung Jawa
khususna Jawa Timuran. Urang Dayak seuseurna masih hirup tradisional
dikampung, kampungna digirang/hulu/gunung tapi seueur oge anu tos janten
pangagung sok sanaos blasteran sareng non Dayak. Pangwak urang Dayak teu
benten sareng urang sunda, kulitna barodas/koneng jiga urang sunda anu
bodas he.. he.. panona rada sipit, mung teu sipit pisan jiga si amoy.
Aya deui anu kapanggih didieu "kuning langsat" jeung "mabuk kepayang"
horeng simana horeng "langsat" teh sarimbag jeung buah dukuh, aah...
sebut wae dukuhlah (da keukeuh saur urang dieu mah benten, padah eta
kulitana ipis, ari dukuh mah kandel). Ari "kepayang" basa anu lazim di
suku Banjar, jigana teu sadaya urang banjar teurangeun da ieu kengingna
teu dihaja nalika ngobrol sareng hiji sepuh urang Banjar, "kepayang" teh
nyaeta "kelewek ngora" ari kelewek ngora teh sanes "picung" tea, naha
ari tuang picung sok janten mabok atanapi lieur kitu?
Baraya, bilih aya anu kaleresan ngulampreng ka Samarinda tong hilap
sindang ka rorompok.
Wassalam,
dudi_ss
[Non-text portions of this message have been removed]
[Non-text portions of this message have been removed]
[Non-text portions of this message have been removed]
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[EMAIL PROTECTED]
mailto:[EMAIL PROTECTED]
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
