Saurna toponimi teh ulikan ilmiah ngeunaan nami-nami tempat, kawitna, hartosna, kagunana sareng tipologina. Perkawis nami kota Guntur di India sareng nami gunung Guntur di Garut , abdi badé babalédogan, samasakali teu ngulik sacar ilmiah, ngeunaan ngaran ieu tempat. Merhatoskeun ngaran patempatan di Indihé sareng sabudeureunana, katingal yén seueur patempatan nu nganggo kecap pura (hartosna: tempat). Dina perjalanan waktu, sora pura dina ngaran hiji tempat kadang robih janten sora war. Contona Purushapura janten Purushawar anu kadieunakeun janten Peshawar. Jigana patempatan nu ngaranna Guntur di India ogé kawitna tina kecap Guntwar atanapi Guntawar nu kawitna deui tina Guntapura (hartosna: tempat anu dikulilingan ku balong cai) atanapi Gartapura (hartosna sami: tempat anu dikurilingan ku balong cai) sapertos ditulis dina wikipedia basa Inggris. Upami kecap "guntur" dina "Gunung Guntur", dumasar Kamus basa Sunda, gaduh hartos awur (kaawuran), banjur (kabanjuran), banjir (kabanjiran), sareng aliran cai nu ngagulidag, cocog sareng carita Gunung Guntur nua aya dina tumbu http://wikisource.org/wiki/Carita_Gunung_Guntur . Tiasa wae kecap "guntur" nu aya dina kecap "Gunung Guntur" diserep tina kecap "gunta" dina basa Sansakerta atanapi tina nami kota Guntur di India da gening masih aya patalina sareng cai nu ngurilingan eta gunung waktos dibanjur ku Maharaja Inten Dewata. Panginten ieu mah, da babaledogan. Salam, Asep
--- On Thu, 8/21/08, Kumincir Wikidisastra <[EMAIL PROTECTED]> wrote: From: Kumincir Wikidisastra <[EMAIL PROTECTED]> Subject: Re: [kisunda] GUNTUR? To: [email protected] Cc: [EMAIL PROTECTED], [EMAIL PROTECTED] Date: Thursday, August 21, 2008, 8:38 AM mun teu salah, di urang kecap 'guntur' oge dalit jeung kompleks instalasi militer. Misalna bae di Garut, Guntur & Loji teh sakompleks. AM Fatwa kungsi diberok di Guntur, deukeut Manggarai. On Thu, Aug 21, 2008 at 6:52 PM, mh wrote: cing baraya ka nu resep toponomi, naon hubunganana nya antara ngaran "guntur" gunung di garut jeung ngaran kota di india? asana harita uing kungsi maca oge, hiji artikel nu ngadongengkeun yen kecap "sunda" oge di india mangrupakeun ngaran tempat.
