KO tangtos urang kedah kritis kana naon bae nu ditampi. Ngan perelu oge nyesakeun keur usik (space) kamungkinan memang urang can teurak mesekna/ngakritisanana nu malah bisa salah harti. Masalah kriteria jeung phenomena alam dina masalah ieu memang bisa jadi perdebatan. Tapi candak space na diri urang sorangan, boa-boa cara nempo jeung intepretasina nu can kataekan. Roda muter terus terusan, curugan cai......dinamis atanapi statis? Hawa tiis jeung haneut di kutub, sub tropis, tropis tangtos aya ukuran jeung rasa masing-masing. Jadi kumaha oge masing2 kedah tos lebur kana alam tempatna, kedah tos tiasa dialog sareng alamna. Jadi hese? pabaliut? kumargi eta ku abdi dialungkeun ka milis. Mangga atuh dina ngabuburit ulah hilap nyetel film Contact na Jodie Foster....phenomena - interpretasi. salam Jalak Pakwan
----- Original Message ---- From: oman abdurahman <[EMAIL PROTECTED]> To: [email protected] Cc: urangsunda <[EMAIL PROTECTED]>; baraya_sunda <[EMAIL PROTECTED]>; [EMAIL PROTECTED] Sent: Thursday, September 25, 2008 10:19:51 Subject: Re: [kisunda] Lailatur Qadar tos ngalangkung?? Kang Tirta, Kang Agus lan baraya sadaya, Anu kungsi kapanggih ku kuring ngeunaan Lailatul Qadar (LQ) sederhana wae. Sederhana di dieu lain hartina urang gampang meunangkeun LQ, tapi leuwih nyoko kana henteu kudu dikuat-kaitkeunana LQ kana gejala alam saperti isukna isuk-isuk anu tiiseun (B.Ind: hening), jst. Nuturkeun katerangan tina Al Qur'an jeung As Sunna, LQ teh diturunkeun dina bulan ramadhan, sakumaha Al Qur'an oge turun dina bulan ramadhan. Ngan, dumasar Al Qur'an, LQ mah arek terus-terusan diturunkeun dina satiap bulan ramadhan. Pituduh hal eta dina Al Qur'an nya kalimah "tanazzalu al malaaikatu fiihi biidzni robbihim" (surah Al Qodr ayat ka 4) anu mana kecap "tanazzalu" teh sacara gramatika asup kana fi'il mudhore anu nuduhkeun pagawean eukeur atawa arek dilakonan/kalakonan . Anapon turunna Al Qur'an eta mah ngan sakali jeung geus kaliwat. Pituduhna dina Al Qur'an nyaeta ayat "Inna anzalnahu fii lailatul qodri" (surah Al Qodr ayat ka 1 anu mana kecap "anzalnahu" teh wangunna wangun fi'il madhi anu nuduhkeun pagawean anu geus kajadian (dina kasus-kasus tinangtu bisa oge nuduhkeun pagawean anu pasti baris kajadian; ngan dina ayat anu bieu mah nuduhkeun enggeus kajadian). Saterusna, ditegeskeun oge yen eta LQ teh leuwih hade tinimbang 1000 bulan, tur, dina LQ teh lalungsur (ka dunya) para malaikat jeung Ar Ruh kalayan idzin pangeran aranjeunna pikeun nangtukeun urusan (Amr), kalayan pinuh kasalametan nepi ka medalna fajar. Ngan sakitu anu kaunggel dina Al Qur'an ngeunaan LQ. Paralun, lain si kuring teu percaya kana al Hadist, tapi apan urang teh geuningan diajarkeun supaya kritis oge dina nampi hadist. Dina istilah elmu hadistna tea mah naon anu disebut kudu kritis kana matan atawa kandungan hiji hadist. Ilikan geura, lamun LQ dikait-kaitkeun jeung gejala alam, atuh beda-beda LQ teh, jeung, bisa jadi di hiji tempat, meh unggal poe (dina bulan ramadhan) turun LQ (kusabab gejala alamna nyumponan kriteria). Bisa jadi di tempat nu sejen moal aya LQ saendeng-endeng da gejala alamna teu nyukupan kriteria geus turunna LQ. Maksud kuring, lamun kriteria turunna LQ teh, upamana, isuk-isuk anu tiiseun, langit bengras tapi teu panas, kumaha lamun keur urang pakotaan anu salawasna isuk-isukna tara tiiseun? kumaha oge keur urang kutub atawa anu dumuk di daerah iklim tiis kusabab tiis salilana jeung kamugkinan tiiseunana leuwih gede? Naha turun LQ unggal peuting? Kuring masih inget katerangan salah saurang ustadz 20 taunan ka tukang, yen ngait-ngaitkeun LQ jeung fenomena alam isukna eta kurang relevan. Sabab fenomena alam mah bisa wae bagilir kaayaanna, jeung bisa jadi hiji fenomena alam henteu rata kaalaman dina hiji waktu ku sakabeh manusa anu dumuk di dunya ieu. Upama hiji poe isuk-isuk di bulan ramadhan tanggal lilikuran anu ganjil di hiji tempat kaayaan tiiseun, panon poe teu panas, jst sakumaha - ceuk cenah - ciri-ciri geus turunna LQ, sedeng di tempat sejenna upamana hujan ngecrek atawa rame pisan boh ku sora sasatoan atawa sora manusa - singgetna mah - kaayan alam anu teu nuduhkeun geus turunna LQ peutingna, atuh teu adil Pangeran teh? Mahasuci Alloh tina kaayan teu adil sabab Alloh mah eta anu Maha Adil. Pikeun ngamaknaan LQ, kuring leuwih condong kana katerangan hiji ustdaz, yen LQ leuwih merenah lamun ditafsirkeun salaku hiji hontalan manusa kusabab amal-amalna dina hiji waktu di bulan ramadhan anu eta amalna teh leuwi hade atawa leuwih luhur kualitasna dibanding ibadah (ritual) salila 1000 bulan. Tafsir ieu memang rada sufistik, sabab "peuting" dina lebah dieu diibaratkeun salaku poekna anu teu nyaho atawa poekna anu teu acan mendakan pencerahan, laju aya anu turun (para malaikat) mawa urusan jeung katangtuan anu pinuh kasalametan pikeun eta jelema, tangtu kusabab hiji atawa sababaraha amalna anu geus dilakukeun ku eta jelema anu ajenna leuwih ti ibadah ritual salila 100 bulan. Kukituna, LQ teh achievement ti hiji jelama, lain given pikeun hiji jelema. Leuwih teges deui, LQ kahontal ku hiji jelema kusabab amal sholehna anu kacida luhur ajenna mungguh Alloh, jeung lain pamaparin kitu wae sacara haratis ti Pangeran ka hiji jelema. Patarosanana, amal anu kumaha anu bisa nganteurkeun urang meunangkeun LQ? Dina lebah dieu, nyanggakeun ka sadayana, kantun milarian. Tetengger mah geus jelas, yen dina Islam, dimensi sosial leuwih gede (hartina leuwih penting) tinimbang dimensi ritual jeung dimensi-dimensi sejenna. Geuningan, apan miceun cucuk ti tengah jalan wae geus kaasup hiji kahadean anu gede ajenna. Oge Pangeran dina salah sahiji hadist Qudsi ngadawuh:"Pek panggihan Kami di satengahing jelema-jelema anu pinuh kasusah (Bhs Ind.-na: "yang hancur hatinya")". Kukituna, moal boa, hiji ibu-ibu anu ngaridokeun beasna - anu ngan kari sakalieun masak - diparokeun pikeun fakir miskin anu kalaparan dina hiji poe, anjeunna geus ngahontal LQ dirina dina taun eta; tinimbang, upamana, anu sapeuting jeput acong-acongan ibadah kalayan teu malire kana kaayaan masyarakat sabudeureunana. Tangtu wae, anu panghadena mah masagi, boh ibadah sosialna atawa ibadah ritualna kaohontal atawa nyumponan kualitas anu meunangkeun LQ. wallohu 'alamu bi as showab (jeung Gusti Alloh anu uninga kana naon anu bener). manAR neda widi, ieu seratan dikintun oge ka milist sanesna. Hatur nuhun. On Thu, Sep 25, 2008 at 10:44 PM, Agus Pakusarakan <prabu_siliwangi@ yahoo.com> wrote: > Lailatur Qadar tiasa katinggal dina wanci isuk pas waktu carangcang tihang > diman suasana hening, panan poe isuk2 cerah, tapi teu panas > langit cerah bersih... > jeung sajabana... > > > --- On Thu, 9/25/08, Tirta widjaja <[EMAIL PROTECTED] com> wrote: > > From: Tirta widjaja <[EMAIL PROTECTED] com> > Subject: [kisunda] Lailatur Qadar tos ngalangkung? ? > To: [EMAIL PROTECTED] .com > Date: Thursday, September 25, 2008, 2:15 AM > > Baraya punten aya nu uninga, atanapi ngaraosan naha maleman Lailatul Qadar > tos sumping dinten ka 21 atanapi ka 23 kamari? > Dinten ieu wengi ka 25 tanda-tanda sepi, hening oge aya najan di puseur > Batawi, tapi tadi geuning hujan...gugur kitu?? > Sarangenge rada hese jadi patokan da di Batawi mah tos kotor hawana, ceudeum > belewuk bae. > > salam > > Jalak Pakwan > ____________ _________ _________ __ > Get your new Email address! > Grab the Email name you've always wanted before someone else does! > > Get your preferred Email name! Now you can @ymail.com and @rocketmail.com. http://mail.promotions.yahoo.com/newdomains/aa/
