--- On Fri, 11/7/08, Abbas Amin <[EMAIL PROTECTED]> wrote:
From: Abbas Amin <[EMAIL PROTECTED]>
Subject: Pedang Perak vs Tukang Besi - 23
To: "proletar" <[EMAIL PROTECTED]>
Cc: "radioliner" <[EMAIL PROTECTED]>
Date: Friday, November 7, 2008, 9:34 PM
Ngadenge omongan Phang Jie Kiong, jeung memang nempo kaayaan kota anu sakitu
tiiseunana, Ong Gi Leng ayeuna rada percaya; jeung nyaho yen Si Tilu Dewa pasti
geus bentrok jeung musuh nu beurat; ku sabab panasaran, si Ong Gi leng nanya:”
Saha jelemana nu bisa ngaganggu katengtreman Tilu Dewa? naha serdadu ti
nagara?”
“Hmmm, mangkelukna mah nya eta Si Haramjadah Pedang Perak!”
Omonan Phang Jie Kiong ieu enyaan ngajadikeun Ong Gi Leng jeung Cu Hong kaget,
sanggeus ngaheneng sakeudeung pok Ong Gi Leng nyarita:”Pedang Perak? Ti iraha
eta Jagoan teh turun deui ka dunya Kang Ouw ?”
“Hehehehe, pasti andika duaan kaget, jeung teu percaya nya ? minggu kamari
manehanana mimiti asup ka kota ieu, tah sababaraha poe ka tukang manehna
ngacak2 ka imah kuring, jeung deui manehna teu nyekel ka na jangji ! Pendekar
nanahaon manehna teh ?”
Ong Gi Leng yakin ayeuna mah, da lamun memang Si Pedang Perak nu tarung jeung
Tilu Dewa, kakuatan tiga Dewa ditambah sakabeh kambratna pasti mo bisa nahan
kagagahan Si Pedang Perak, akhirna Ong Gi Leng nanya deui”kumaha tatuna si Dewa
Kahiji, beurat pisan ?”
“Hemm memang nepi ka ayeuna Toako can mati, tapi kaayaanna wales pisan, mun
arandika teu percaya ; pek tempo di kamar, tapi saencanna cik bejaan kami,
arandika datang ka dieu aya kaperluan naon ?"
“Hahahaha, mun kitu mah kaula moal loba omong deui. Bisi aranjeun can apal
Komandan Gilimkun Coa Sim teh sobat Kaula, manehna kacida susaheunana lantaran
Harta Nagara di na perjalanan dirampas ku rampog; manehanan jelas teu bisa
turun sorangan lantaran bakal katangen; tah manehna menta tulung ka kula supaya
mang nyilidikkeun hal ieu nyilidik ieu patempatani, lantaran manehna curiga yen
nu ngabegal beheula teh arandika Tilu Dewa! Kabuktian sanggeusna Tilu bulan
Kula nyilidik; akhirnya jelas memang arandika tiluan nu ngaluluguan ngabegal
Harta Nagara teh ."
