alhamdulillah nu katalungtik ku abdi dasar filosofi ngadegna hiji nagara nu didadasaran ku sifat-sifat fitrah manusia jaman pajajaran anu sakitu luhurna, contona sapertos kieu "
KEMBANG PURWAJAYA Naratas jalan panjang pikeun maju, maju kana kabagjaan, kabagjaan anu diharepkeun ku pangeusi nagara anu pinuh ku wibawa, anu pinuh ku kaseungit, muka kaadilan keur sarerea pangeusi nagara, adilna ku welas asih, ngadegna ku kacinta kabangsa jeung kanagara, karaharjaan henteu saukur datang ku kahayang, moal kacipta ku saukur harepan, tapi ngajadi ku rahayat sadayana, diaping ku pamingpin, dijaga ku sadayana ku lampah anu bener, ku kajujuran, anu dibarengan ku karidoan hate jeung kaikhlasan. Seungit sajati pajajaran anu kacipta ku rasa, anu ngajadi ku kanyaah, jeung ngabukti ku lampah rahayat jeung pamingpin, bumi jeung langit nu jadi saksi lalampahan kabeneran anu dibawa ku rahayat jeung pamingpin, ngangkat harkat darajat bangsa jeung nagara, mugi-mugi ku kahayang anu bener, ku lampah anu bener, ku hate anu bersih, muka pangarti, muka pangabisa anu katutupan ku napsu dunya, mugi nunyipta langit, bumi, sawarga ngaridoan pajajaran jadi nagara anu pinuh ku wibawa jeung karaharjaan, pinuh ku kaadilan jeung kamulyaan pikeun sadaya pangeusi nagara. PAJAJARAN Kembang pamuka pikeun pajajaran loba jalan, loba cara pikeun ngudag kajayaan, tapi nu marengan manusa saenyana ngan saukur bener jeung salah, naha rek make cara anu bener, atawa rek make cara anu salah pikeun ngamimitian ngabuka kajayaan, sagalana bisa kabuka, tapi dina ngamimitianana rek make cara anu bener atawa rek make cara anu salah, sabab lamun arek make cara anu salah pikeun ngudag kajayaan, nepi mah nepi kana pamaksudan, tapi moal lila, sabab hukum alam nangtukeun lamun urang ngarugikeun ka batur hiji mangsa urang pasti bakal dirugikeun deui, kitu deui mun ngudag kajayaan ngudagna ku ngahalalkeun sagala cara, nyaeta dibarengan ku napsu dunya dina ngudag kajayaan eta moal inget mana anu bener jeung mana anu salah, anu penting mah nepi kana kajayaan, tapi lamun urang make cara anu bener dina ngudag kajayaan, nuningali oge bakal uninga, nyaraho mana anu bener jeung mana anu salah, sabab paningalina nu bener dina kahontalna kajayaan, nu neruskeunna oge bakal bener deui, bakal lila eta kajayaan teh, bakal salamina, tapi eta oge balik deui kanu make cara kabeneran jeung kasalahan eta, anu ngagerakeun kabeneran jeung kasalahan nyaeta anu disebut manusa, lamun manusa geus ngarti kanu bener, geus ngajalankeun kanu bener dina ngudag naon wae oge, pasti make cara anu bener, jadi anu mimiti dibenerkeun teh lain nagara pikeun jaya, tapi ngabebener ahlakna manusa anu nyicingan nagara, sabab maranehna anu ngagerakkeun, anu baroga kahayang pikeun nyicingan nagara anu pinuh ku kajayaan, ngabuka jalan pikeun mukakeun hate manusa dina ngajalankeun jeung ningali kabeneran, ngabuka jalan pikeun manusa hirup babarengan dihiji nagara, ngabuka jalan ku gawe rancage pikeun ngudag kajayaan bangsa jeung nagara,nyaeta didadasaran ku kabeneran, jadi pajajaran teh ngandung harti pambuka jalan pikeun manusa dihiji nagara dina ngudag kajayaan, kahormatan, kawibawaaan, karaharjaan tapi sagalana balik deui ka manusa anu nyicinganana, anu ngajalankeunnana, anu ngagerakeunana, naha rek make cara anu salah atawa rek make cara anu bener. ________________________________ From: Dudi Herlianto <[email protected]> To: [email protected] Sent: Thu, July 29, 2010 4:36:57 AM Subject: Re: [kisunda] Re: Neo Pajajaran jigana pajajaran tos dugi ka tingkat 'kapercayaan', janten cepeng aliran nu dipercaya, teu kedah ngageunggeureuhkeun aliran sanes. asana mah mun bade muhit aliran nu akademis ge masih seueur nu neuleuman, masih rea nu leukeun nyuckcruk sesa-sesa karajaan sunda teh. ku ayana internet, sabagean hasil panalungtikan maranehna bisa dibaca ku urang. boh di blog-na, facebook-na, atawa di milis-milis kasundaan. jiga ambu richadiana di arkenas, kang aditia gunawan di perpusnas (http://naskah- sunda.blogspot. com/), kang mumu munawar holil di ui, kang t. bachtiar ti bandung (geologist), kang undang a. darsa di unpad, teh nina herlina di unpad, kang hendra m. astari di bogor (tukang ngaprak kasajarahan sunda bogor :) ) jeung seueur-seueur deui.... 2010/7/28 Purwadin Aris <purwad...@yahoo. com> >ari titinggal pajajaran teh geuning seueur nya ? namung patilasan karaton na >dimana ? nu kapendak ku sim kuring mah ngan saukur caritana, bari jeung seueur >versina ? hoyong terang nu saleresna mudah - mudahan aya nu terang? dimana >ayana >sareng kunaon seueur jalmi ngaku - ngaku turunan ti pajajaran tapi nu di agul >keun saukur jin jeung jurigna > > > > > ________________________________ From: Waluya <waluya2...@yahoo. co.id> >To: kisu...@yahoogroups .com >Sent: Wed, July 28, 2010 10:28:20 AM >Subject: Neo Pajajaran Re: [kisunda] sajarah sumedang > > >> Tirta widjaja <tirt...@...> wrote: >> Jadi karajaan sumedang larang teh karajaan pajajaran muslim nya. >> Aneh tapi nyata kandaga lante diserahkeun ka sumedang larang, sanes >> ka Galuh, aya alesanana kitu Kang Dud? Eta pan rek Cirebon, Banten, >> Sumedang Larang pan sarua turunan raja pajajaran, muslim. Galuh >> harita tos kacekel ku Cirebon??? > >Ambu geura nu terangeun mah (versi Galuh). Di Musieum Geusan Ulun aya makota >Binokasih (mudah2an teu lepat nyeratna). Ieu makota cenah ti Pajajaran. Ceuk >versi Sumedang mah diserahkeun ka Sumedang, tapi versi Galuh (Ciamis) benten >deui ...heuheuheu. Duka mana leres .... > >Baktos, >WALUYA > > > >._,___ -- d-: dudi herlianto :-q kunyuk nuyun kuuk, kuuk nuyun kunyuk
