Dristadjumna barang mireng Bhima aya ditengah lautan prajurit musuh, enggal mengkolkeun karetana nuju ka Medan Perang dimana Bhima nuju dikepung; katingal ti katebihan Wisoka kusir kareta Bhima nuju ngajengjen we gigireun karetana; enggal Dristadjumna nyampeurkeun ka Wisoka; Wisoka nerangkeun yen manehna kudu nungguaan juraganna lantaran Bhima kaluar ti na karetana ngajingjing gada Rujak Polo; atuh teras wae Dristadjumna nujukeun karetana ka na tempat Bhima dikepung; katingal Bhima taratu tapaak jamparing; saluar awak pinuh ku getih; tapi katingal Bhima masih ngamuk; enggalna wae Dritadjumna nyaketan Bhima; enggal wae Satriya Djodipati disangkeh dicandak ka na karetana; maksadna bade kabur ti eta tempat perang. Duryodhana barang mireng Dristadjumna bade nulungan Bhima; enggal wae marentah para senapati lan prajuritna ngepung wakul buaya mangap Dristadjumna.
Drisstadjumna, tetep teger, da mun soak mah panginten tangtuna ge cilaka; emut ka na senjata ghaib kenging ti Guru Drona; enggal wae eta senjata dianggo ku Dristadjumna. Sakedapan mah; para pasukan Kurawa katahan ku ieu senjata Ghaib; da seueur anu ting jarungkel, lantaran maksa maju. Tapi barang Dristadjumna bade mundur; enggal Suyudhana ngaluarkeun oge panah Ghaib kanggo ngalawan Dristadjumna; atuh rada ripuh Dristadjumna teh; keur kitu hoak teh aya nu sosoak bari ngamuk ka balatentara Kurawa; nyata eta teh Putrana Bhimasena; nya eta agul2 Pandawa Sang Gatotkacha; sakedapan mah pasukan Kurawan bubar katawuran; malah Sutyudhana nyalira kapaksa mundur, teu kantos sosoak mere sumanget ka prajuritna; lantaran nyeredna pasukan nu mundur; nya kapaksa Duryodhana oge mundur. Keur ragot2na perang teu kanyahoan panonpoe geus surup; tarompet mundur geus ditiup; tapi tetep Duryodhana maksa neruskeun peperangan; keur kitu jol bala bantuan ti Abimanyu; atuh beuki rame we nu perang teh. Ngan Gatotkacha kaciri beuki tanggina, beuki galak; kitu deui pasukanana; atuh Duryodhana teh, lain meunang hasil tapi malahan rugi gede; ampir satengahna pasukanana ancur diamuk ku Gatotkacha sareng pasukan pringgandhani. Atuh nya kapaksa Duryodhana mundur satutas 2 jam leuwih ti na batas waktu. Barang Duryodhana ngomando mundur; teu kudu ngaduakalian kabeh pasukanana pada malundur, malah aya nu ngacir sabab sieu pangamukna Gatotkacha. Para Pandawa; pahlawan sareng para prajurit kacida barungahna lantaran Bhima salamet; masing seueur pisan tatu tapak panah disakujur badanna; atuh enggal Bhima dipiwarang istirahat. Hanca
