Kacaturkeun perang poe ka-12na; isuk keneh pisan pasukan Kurawa tos maraju ka Medan; teras Susarma sadulur dulur sareng sakumna Pasukan ti Trigarta misah ti nu sejen; jauh ka Palagan pangkidulna; der wae rame tarompet panangtang jeung tambur tanda ngajak tarung disadakeun ; pasukanana pating corowok :" Arjuna ! Lamun anjeun lalaki sok lawan ieu Pasukan Trigarta; Kaula sakumna moal rek mundur ti kalangan jurit samemeh meuncit andika; atawa sakabeh pasukan Trigarta carem. Mun henteu Kula sarerea siap meunang bebendon ti Dewa Agni !
Arjuna nu tos siap di na karetana, enggal wae ngajeleterkeun gondewana nu hartosna narima eta panangtang; saterasna Arjuna miwarang kusirna ( Kresna ) supados nujukeun karetana ka beulah kidul; tempat Susarma jeung pasukanana nagtang ka Arjuna. Barang Arjuna mangkat ti konsentrasi Pasukan Pandawa nuju ka kidul, bari teu mawa pasukan sama sakali; teras wae Drona marentah sakabeh pasukanana ngepung ka Paukan Pandawa; nu dituju empatna Yudhistira. Ku pinter2na Resi Drona; mung sakedet netra Anjeunna tos papayun payun sareng Yudhistira; tapi barang Drona bade nyerang ka Yudhistira; sakedet ditempat eta tos Rajol pahlawan2 Pandawa; nya eta Bhimasena, Satyaki, Dristadjuma, Abimanyu, Gatotkacha, Utamauyas, Yudamanyu sareng seueur deui. Drona diraponan; tapi Drona memang sakti PUNJULINGapapak, manusa utama tandangna Dewa; teu gimir teras ngayakeun perlawanan bari ngangseg ka tempat Yudhistira; malah nu ngepung katingal raripuheun pisan. Katingal ti katebihan ku Karna; enggal Karna nyarios ka Suyudhana supados ngirim pasukan kanggo ngabantu Drona. Ari Arjuna di beulah kidul siga pisan patani nu keur nyacar jukut; dibabadan teu mangga pulia; tapi eta para prajurit Trigarta siga nu taya kasieun maju terus. HANCA
