--- On Sun, 5/15/11, Abbas Amin <[email protected]> wrote:
From: Abbas Amin <[email protected]> Subject: Bharata Yudha ka-34 To: "kisunda" <[email protected]>, "urangsunda" <[email protected]> Cc: "Nurkadi" <[email protected]>, "Ii Sumirat" <[email protected]>, "Sam Soemadipradja" <[email protected]>, "Aldo Desatura ™" <[email protected]> Date: Sunday, May 15, 2011, 4:43 AM Barang Arjuna tos patepang sareng Resi Drona, enggal arjuna nyembah ti katebihan; nu dibales ku Guru Drona ku ngangkat pananganana , nu hartosna masihan restu. Saterasna Arjuna nyarios ka Resi Drona:" Guru, Kula menta idin ka Guru, rek males pati ka Jayadrata, mugia Guru kersa masihan jalan ka Kaula." Resi Drona ngawangsulan:"Arjuna, enya bareto mah sampeyan teh murid kakasih Kaula; tapi di na waktu ieu Kaula jadi Senapati Agung sagemblengna Pasukan Astina; jadi lamun sampean nyisikudi hiji anggota pasukan, kapaksa sampeyan kudu ngaliwatan heula Kaula, teu bisa kitu bae." Arjuna cong nyembah sakali deui:"Punten guru, kapaksa Kaula rek nyerang ka sampeyan, lain Kula culangung, tapi kapaksa." Drona:"Sok we teu naon naon....................... Der wae Arjuna manah ka Drona, nu diba;es ku Resi Drona, duanana sami2 tapis, sami2 jago manah; nu sanes mah teu wantuneub piilueun , sieun kabarerangan; da moal mungkin ngabantuan, malah mah matak cilaka ku polah sorangan. Resi Drona ngaluarkeun panah geni; kaluar seuneu ngabebela ka Arjuna; tapi saharita keneh Arjuna mentangkeun jamparing kaluar cai nu ngabanjuran eta seuneu; akhirna duanana terus silih panah ngagunakeun panah2 sakti; akhirna medan ditempat eta pinuh ku haseup; matak samar nya tetenjoan. Kresna gancang mecut kudana nebihan eta tempat, bari nyarios ka Arjuna moal aya gunana perang jeung Drona moalaya tungtungna. Arjuna teras maju deui bade milari Jayadrata; dipayun katingal aya pasukan; nya eta nu dipimpin kuKritamarma sareng Sudaksiina; eta pasukan teh maju bari salusurakan nyaketan ka Arjuna; teu kanyahoan Dananjaya tos nyerang ti payun; ngaluarkeun ratusan panah ka Pasukan nu pangpayunna; atuh seueur prajurit nu tariwas; ari Kritamarma sareng Sudaksina teu kungsi nakis2 acan, tos baloboran getih taratu kapanahan . Di na sakujur badanna pinuh ku panah Arjuna. Atuh bari reuwas jeung sieun Kritamarma sareng Sudaksina ngalacir ngantunkeun palagan; atuh pasukanana oge pipilueun kalabur teu kedah dikomando deui ngantunkeun Arjuna. Arjuna teras maju kapayun deui langkung nyaketan tempat Jayadrata. HANCA
