Urang catur deui di Kurusetra, wengi eta perang dikawitan, ku pihak Kurawa; Pasukan Kurawa maju ka medan tempur, bari jeung hate pinuh ku rasa hayang males pati; lantaran pihak Pandawa curang. Wengi eta di kemah tempatna Pandawa, Arjuna parantos lami kulem; lantaran kacapean perang sapoe jeput tadi siamngna; kitu dei Pahlawan nu sanesna saperti Bhimasena, Satyaki, Dristadjumna; ampir sadaya Pahlawan Pandawa nuju istirahat, karulem.
Atuh Para Senapati nu harita tugas jaga, kacida reuwas, sareng geumpeurna ningali Balatentara Kurawa ngajorag ka perkemahan Pandawa.Dipimpin langsung ku Maha Senapatina nya eta Resi Drona. Pasukan peloporna ( garis depan ) tos ngambreg ka dinya bari marawa obor. Atuh kapaksa Para Senapati sareng Pasukanana ngayakeun perlawanan sabisa bisa, Atuh apada harita, seueur Senapati lan Prajurit Pandawa tiwas, margi teu siap sama sakali. Serangan dadakan tea. Atuh Pasukan Pandawa nya ribut, nya kacow; aya oge nu sempet niup tarompet SAYAGA. Seueur nu teu sempet naon2 deui; teras lastari bari teu apal naon sababna. Ieu mah serangan dadakan tea; bari Pangumumanana ge teu aya antarana; harita diumumkeun harita tos dilaksanakeun ! Nya atuh Pasukan Pandawa teh kawas didodoho pisan. Kemah2 Para Pasukan Pandawa didarurukan ku Pasukan Kurawa/Astina! Loba Prajurit Pandawa, nu kaget ku didurukna kemah; ngagurubug hudang, bari gasak gisik, bingung; ari keplas teh beuheungna sapat pisan. Teu apal manehna ku naon sabab2na jeung saha nu maehanana ? Maha Senapati Pandawa Dristadjumna, barang gugah, kagugahkeun ku nu ribut, sareng ting jarerit ting cocorowok; enggal bae kaluar; katingal seuneu ngabebela dimamana; enggal bae nyandak jamparing sareng gondewana; lumpat kaluar bari teu gentos anggoan sama sakali; katingal di payun Pasukan Kurawa nuju ngabinasa Pasukan Pandawa. Teu antaparah deui Dristadjumna mentang2keun panah ka Pasukan Kurawa; seueur Pasukan Kurawa/Astina nu tiwas. Atuh rada malundur ayeuna mah Pasukan Kurawa teh, teu ngambreg teuing.Keur kitu Arjuna kaluar, kitu deui Bhimasena, bari nyepeng gada; teras muru ka Pasukan Kurawa.Atuh sapada harita puluhan prajurit Astina gemprah diamuk Bhimasena. Arjuna mentang2keun jamparing.ratusan prajurit binasa. Pasukan Kurawa barang ningal Arjuna, langsung barirat, bari pating corowok jeung baturna:"Mundur ! mundur Aladriya Batur ! Tuh tempo Arjuna geus nyaring euy ! tinangtu urang sakabeh bakal cilaka ! Gancang lumpat salagi masih bisa mah !" Pasukan Kurawa nu ayeuna nyerang, nyata Pasukan Pelopor, atawa Pasukan Garis Depan tea, maranehna teu nyangka Arjuna bakal gugah ti na kulemna; ti na tadi siangna sakitu lamina peperangan/tarung. Nu matak ti tadi warani pisan, tapi barang ningal Dananjaya, maranehna asa kabur pangacian; lantaran geus loba conto euweuh nu manggapulia ku Arjuna mah. Sieunna para Prajurit Astina lir ningal malakal maut atanapi Bhatara Yama. Keur kitu burudul teh Pasukan Utama Bala Kurawa/Astina. nu dipimpin ku Resi Drona; nu teras naros bari sesentak:"Eh prajurit ! Ku naon sampeyan barirat ?!" "Adduuuh ampun paralun ................ neda pangampura................Maha Senapati. Itu Bhatara Yama tos lungsur deui !" Drona rada bingung, teras nyentak dei:"Naon !? Dedengean teh Bhatara Yama turun!?" Para prajurit ngawalon bari reang:"Hehehehe sumuhun dawuh senapati. Itu Arjuna ngamuk !Drona amarah mani tipopolotot:"Hey sakabeh Para Prajurit, di dieu aya Kaula, tong gimir ku Arjuna; sok maraju ! Keun Kula nu nyanghareupan Arjuna mah. Para Prajurit saur manuk:"Rampeeessss.................rampeeessssss.................. HANCA
