Bah Amin, Nitenan seratan dihandap, "Saterasna ti katebihan keneh Kresna nyorowok ka Para Pasukan Kurawa" ----------> Sigana Karna sanes Kresna nya Bah?
Jejeknong ________________________________ From: Abbas Amin <[email protected]> To: kisunda <[email protected]>; urangsunda <[email protected]> Cc: Nurkadi <[email protected]>; Ii Sumirat <[email protected]>; Sam Soemadipradja <[email protected]>; Aldo Desatura ™ <[email protected]> Sent: Wed, June 1, 2011 2:07:17 PM Subject: [kisunda] Bharata Yudha 48 Suyudhana enggal ngabageakeun Karna; ieu dua Raja sobat dalit teh silih rangkul; tos kitu kakara Karna matur:"Dulur Kula Prabu Anom Duryodhana, Tadi Kaula ningal si Gatotkacha anak Bhimasena keur ngamuk; naha diantep wae ku Resi Drona !?" Suyudhana:"Tah nya eta pisan, nu matak smpeyan diangkir ka dieu teh. Sabab Resi Drona geus angkat tangan, ngarasa teu sanggup cenah ngalawan Gatotkacha !" Karna:"Eeee ladalah ! Sampeyan teh Maha Senapati Kurawa/Astina. Teu pantes sampeyan ngomong saperti kitu !" Drona:" Ke heula anan Karna, Ulah sok wara nuduh atawa nyindiran Kaula. Si Gtotkacha teh mun beurang mah, teu gagah teu sing; biasa we. Tapi lamun perang peuting, kasaktianana naek 10X lipet; lain bantrak2keun; Tah Kula nyaho, sampeyan Karna boga 4 Siluman Petingan nu sok ngabantu lamun sampeyan perang waktu naluk2eun raja2 laleutik, nepi ka Indraprasta jadi gede pisan; kapan sampeyan ari perang sok unggul wae! Kitu lain !?" Karna:"Ah sabenerna mah Kula teu perlu ngagunakeun 4 Siluman. Kula sorangan ge masih sanggup nalukeun nagara2 eta teh; ieu mah ngarah gancang we atuh." Drona:"Euh kitu !? tah ku sabab kitu, sampeyan hiji2na Pahlawan nu bisa nandingan Gatotkacha jeung Pasukanana. Kula Senapati Afung, ayeuna marentah ka sampeyan kudu ngalawan Gatotkacha; mun bisa mah paehan sakalian !" Karna:" He he he masing sampeyan lain Senapati Agung ge, tetep Kaula bakal maju; sabab Kaula memang hayang ngabela sobat Kula Prabu Anom Suyudhana !" Karna enggal wae sila Yoga, teras ngawatek ajian nu dipasihan ku Bhatara Surya; enggalna wae aya haseup hideung ngelun harita keneh payuneun Karna; teras eta haseup hideung teh ngabagi jadi 4\ saterasna jleg wae 4 Siluman nu jangkung gede ting jungkiring; laju nyembah ka Karna. Enggal Karna marentah ka eta 4 Siluman:"Eh Lembusana' Kala Srenggi; Kala Murka; lan Kala Wening; tuh tenjo aya Pasukan Siluman keur ngabinasa Pasukan Astina; jung kaituhlayanan ! Kula bakal nuturkeun ti kajauhan di na kareta !" Saterasna ti katebihan keneh Kresna nyorowok ka Para Pasukan Kurawa; supaya enggal mundur sapungkurun kareta Karna; atuh burudul sesa Pasukan Kurawa murudul lumpat ka satukangeun Karna; ari Para Prajurit Pringgandhani dipegatan ku 4 Siluman nu sarakti; atuh harita ting parecleng ting jarerit Pasukan Pringgandhani, loba nu binasa sapada harita. Pasukan Kurawa nu saralamet aya satukangeun kareta Karna, ayeuna mah awas ningali Gatotkacha sareng Pasukanana; kabeh Pasukan Kurawa/Astina ting birigidig ningal jirim nu sakitu garilana. HANCA
