Tadi di warung kejo, rarat-reset neangan piring, teu manggih. Da ceuk pikiran teh, nu ngaranna piring, naon wae bahanna, rek dina kaleng, seng, plastik, keramik, jeung sajabana, pasti wanguna buleud. Mun teu buleud, pasti lain piring.
Ret ka juru, aya nu dempak, pasagi opat, numpuk. Batur nu rek dalahar pating giriwil ngajingjing nu dempak tea. Beu, ieu meureun piring na teh. Sihoreng desain piring ge nya geus teu kawengku ku kailaharan, jiga aturan puisi. Geuning kiwari mah kaci we rek rupa wangun naon oge, rek juru tilu, pasagi opat, kuma karep. Nu penting mah bisa dieusina kejo. Hehehe
