PBKS - Urang Sunda Munggah Haji 1 Ku Roni Suarsa *Pangalaman Haji*
** ** Anjog ka awal taun nu kadua sabada cuti ka lembur, kuring ditawaran ku atasan, naha deuk hajian moal ceunah, lakadalah, apan ieu salah sarebu udagan teh pangna kuring kumelendang ka arab teh sasat deuk niat hajian. Atuh puguh we disapukan daria naker. Teu kacatur kumaha ngurus-ngurus susuratana, bral weh kuring hajian, harita awal taun 2003 mun teu salah mah. **** ** ** Sapapanjang lalampahan ngalaksanakeun rukun haji, teu loba nu aheng caritakeuneun, nu puguh mah pasesedek rada ripuh, komo palebah maledog tihang dina raraga jumroh, teu sirikna nandonkeun nyawa antara sadar jeung henteu, pabeulit jeung rombongan ti afrika nu awakna jangkung badang, teuing naon nu aya dina pipikiran maranehna, dina palebah maledog teh bener bener mereun nu dibayangkeun diharepeun maranehna nyaeta setan, atuh jamaah lian kaasup kuring ge dianggap setan mereun ku maranehna, da kuring teu dideleu saeutik-eutik acan, ngutud we siga kareta api nu teu bisa ereun, ah dasar, ngan ka ayeunakeun mah kusabab loba kajadian siga kitu, pamarentah Saudi ngarombak wangun daerah jumroh, make jeung aya lift sagala, jadi ngeunaheun jeung nu cilaka kurban jalma nu teu boga cedo (siga carita diluhur) bisa ngurangan.**** ** ** Saeutik mereun tah carita kuring sorangan nu rada teu asup kana panalar, harita tanggal 9 Djulhijjah, poenan sakabeh jamaah cicing (wukuf) di padang Arofah, salila sapoe jeput sakabeh jamaah kumpul didinya, kusabab kuring sabalad-balad mah ngilu ka rombongan Arab, atuh sabatae sagala rupa teh serba arab, boh dina dahar, boh dina pagundeman, nya palebah wukuf ge kitu, baturmah sasama urang arab diayakeun khutbah, nya kusabab kuring teu ngarti basa manehna, kuring sabalad-balad antukna laku sakacabakna, maca qur’an, sare’, jeung rupa-rupa nu teu puguh alang ujurna, nya dina satengahing cicing, kuring neneda ka Gusti Nu Maha Suci. Ngadu’a saaya-aya, salah sahijina, kuring ngadu’a sangkan dimudahkeun sagala urusan dina naon oge, kuring ngarasa yakin pisan, komo apan ceuk sakaol mah, du’a na di padang Arafah mah sok langsung ditedunan, eta aya dina hadits na oge’ pan.**** ** ** Saanggeus beres di Arofah, kuring jeung sakumna jamaah sadunya, sore’-sore’ langsung ngabring ka Mudzalifah, deuk ngadong meuting, kitu apan dina rukun haji na oge, palebah dieu, teu menak teu cacah, teu raja teu budak, mondok ngan dipayungan ku langit Allah Ta’ala, disimbutan ku pakean nu napel na awak, mun tiris nya katirisan oge mun panas nya kitu deui pinasti kapanasan (dina salila waktu peuting).**** ** ** Rebun rebun keneh kabeh langsung nuju ka Mina deui deuk maledog tihang dina raraga jumroh tea, tah palebah dieu nu rada aheng, kuring kukumpul batu sagede kaleci sarawu jeung sakacepengna, ceuk angkanan loba lah sigana leuwih ti hiji, tilu tihangeun dikali tujuh batu berarti kudu ngepeul 21 batu jumlahna, dina kepeulan teh ceuk itunganmah bisa leuwih.**** Laju weh kuring maledogan tihang, nu kahiji, kadua jeung nu panungtung (jumroh aqabah, wustha, ‘ula), nu aneh teh, eta batu nu dikepeul ku kuring bet lobana bisa 21 siki !!**** Can pati sadar, tapi saanggeusna karek inget, naha pedah kuring ngadu’a di Arofah kamari yen ieu hartina dina ijabah sagala kamudahan?**** ** ** Dilaju sarengsena maledog (jumroh) teh ka masidil harom deuk thowaf, palebah dieu deui-deui si kuring ngarasa aheng, kuring ngabogaan niat deuk nyium hajar aswad, na atuh geuning sababara kali dina sajumlah tujuh kuriling teh kuring make bisa nyium eta hajar aswad nu padahal batur mah paeh poso deuk bisa ngadekeutan teh, Allahu Akbar.**** Saterusna kuring deuk nguji deui (heeuh asa helok) dina poenan kadua jeung katilu dina jumroh, kuring ngarawu batu leutik sa kakepeulna, subhanallah, eta batu bet jumlahna 21 deui jeung 21 siki deui, asa aheng kacida, tetela Allah mah Maha Wenang.
