Sampurasun... Tadi subuh abdi maos buku sajarah Nabi versi novel nu diserat ku Abdurrahman Syarqawi. Judulna "Muhammad, Sang Teladan" (Bandung: Penerbit Irsyad Baitussalam, 2007). Dicarioskeun yen Abdul Muthalib teh kantos nadzar dipayuneun patung-patung di Ka'bah. Yen mungaduh putra sapuluh rek dupencet hiji. Dikersakeun Anjeuna gaduh putra sapuluh. Sareng nya diundi dipayuneun Hubal--mun teu lepat mah--ku anak panah. Lagrakna teh ka Sayyid Abdullah. Anjeuna reuwas tur teu tega mun anak kudu dikurbankeun. Badami we sareng rerencanganna nu sanes. Dugi ka Yathsrib mun lepat mah milari patarosan ti ahli agama perkawis eta nadzar tea; nu bade ngurbankeun Sayid Abdullah. Pondokna carita kurban Sayid Abdullah teh digentos janten 100 onta.
Numutkeun simkuring, jigana eta riwayat teh jigana aya pangaruh israiliyat atanapi tos disimpangkeun tinu bener. Asana teh tu kahartos ku akal, yen Abdul Muthalib nu katelah ngagem agami hanif, agama na Nabi Ibrahim as, man enya kudu nyembah ka berhala sareng nadzar ka Hubal. Mun teu lepat mah, Muhammad Husain Haikal oge dina bagen awal buku nyebatkeun carita umum samodel Syarqawi. Cing didieu sugan aya nu tos mendakan sumber nu langkung eces.
