Mun nyarita garihalna ngenaan tahun masehi, naha urang muslim nyahoeun kana asal muasal jeung ngaran bulan di tiap bulanna tahun masehi ieu? mun nyahoeun asa piraku nyah eta ngarayakeun taun baru meni sataker kebek melaan henteu sare, melaan ngantri dina macetna jalan, melaan meli petasan ratusan rebu, komo budak ngora anu atah adol jor-joran meli cai weureu sampe ka teler, komo sampe aya anu paeh kacilakaan, pastina unsur mudarot lewih gede batan manfaat dina acara taun baru. Anu hirup pas-pasan tuturut munding melaan taun baru "duit beak, anu penting happy sataun sakali, isukan kumaha engke". Lain uing ngagenggreuhkeun kana cara taun baruan, asa kumaha nyah, jiga isukan maranehanana bakal meunang kasenang hirup. Padahal hirup hayang sukses pan kudu disiar jeung usaha, moal aya carita jelema ngajedog wae di imah bisa hirup hayang benghar. Kuduna mah taun baru boh masehi atawa hijriah teh pikeun noong diri (intropeksi). Naon bae di taun anu kaliwat anu geus dilampah, mun goreng tinggalkeun jeung hadean sangkan alu, anu bagus tingkatkeun, mun loba dosa tarobat. Sakumaha Nabi Saw. : "Saha jalma anu poe ieu leuwih alus ti poe kamari, mangka manehna kaasup jalma anu untung, jeung saha jalma anu poe ieu sarua jeung poe kamari, mangka manehn kaasup jelema anu rugi, sedengkeun saha jalma anu poe ieu leuwih goreng ti poe kamari mangka manehna kaasup jalma anu panglaknatna" (H.R. Dailami). Pesen eta hadits di luhur teges jeung eces. Yen parobahan sikap, tindak tanduk jeung parbuatan hal anu penting di tiap-tiap manusa tina aktivitas hirupna dituntut pikeun terus-terusan ningkatekeun diri ti poe ka poe. Nya kuduna mah eta taun baru teh taun pikeun mawas diri, tafakur ngareungkeun naon bae anu geus dilakonan, sangkan taun anu baris dihareupan ieu leuwih alus, sukses tina karir, sukses tina rumah tangga, sukses tina pendidikan jeung sukses boga pamajikan deui, bener teu????
