Pasti langkung rame upama aya cersil, jaman Ki Nurustunjung keur nanjung. Sigana si Ua Abbas ngahaja nyimpen cersil ki Nurustunjung, ngaheulakeun ki Jalma.
Baktos, mrachmatrawyani ________________________________ From: Abbas Amin <[email protected]> To: kisunda <[email protected]>; urangsunda <[email protected]> Sent: Tuesday, January 3, 2012 8:08 PM Subject: [Urang Sunda] Cersil Sunda ka 39 Memang eta tongkat katewak tapi Ki Darga terus nyorongkeun tapak leungeunna ngajuju dada Jalma; rada kaget oge Jalma, mun terus ngarebut tongkat Haur Koneng, pasti dadana kakeunaan, mangkaning kaciri eta tapak teh rada semu beureum tanda yen ngagem elmu baraja nu matak bahaya oge; nya atuh Jalma ngaleupaskeun tongkat terus luncat katukang rada jauh. Eta nu garelut teh teu kanyahoaan; geus aya puluhan jurusna lantaran kabehanana karesit jeung garagah, jadi teu karasa gelutna geus rada lila oge. Ayeuna Jalma apal, yen Ki Darga salian ti boga Elmu tongkat, oge boga Elmu Tapak Baraja ; jadi kudu ati2 pisan nyanghareupanana; pantesan atuh si Darga jadi Pamipin Maung Hideung, kitu pikiran Jalma. Ayeuna Anggota2 Pasukan Maung Hideung nu nyesa, teu waranieun deui ngadeukeutan tempat nu loba tangkal kai, kitu deui ngadeukeutan nu tarung, lantaran sieun kabarerang, maranehna malah lalajo we ti kajauhan, teu inget deui ka na tugas maranehna. Ari Urang Pasir Buncit ngintip bari deg2an lantaran nempo hebatna ieu nu tarung; loba oge nu keleyengan lieur nempo nu campuh tarung, sabab panon maranehna teu bisa deui milu nuturkeun sakabeh gerakan nu tarung; Ki Jara oge rada lieur nempo nu tarung sakitu carepetna; manehna ngabirigidig oge, emh mun aing sakali ge geus ngajongkeng tah ku Ki Darga teh. Ayeuna nu ngepung tinggal duaan deui , nya eta Ki Darga jeung Ki Wira; Ki Seta keur ngudag tongkatna nu dibalangkeun ku Jalma; atuh Ki Gondo masih ngarasakeun puyeng, sabab kacabok tarik pisan . Ki Darga ku sabab boga Aji Tapak Braja, masih ngarasa yakin bisa ngalawanan Jalma, tapi ari Ki Wira mah kayakinan bakal meunang turun pisan, jeung manehna geus ngarasa cape pisan, sabab umur geus kolot, tarung nu sakitu lilana. Jalma saenyana geus ngarasa cape oge, lantaran kakara ayeuna manehna enya2 tarung, da basa jeung para begal Pasir Buncit mah satengah ngaheureuyan; tapi Jalma nyaho yen lawan2na leuwih cape deui ti batan manehna. Jalma ayeuna ngaluarkeun senjata nu seukeut kabeh tea, pok nyarita:”Ki Darga, naha andika masih hayang neruskeun ieu pertempuran ? Tuh tempo Ki Wira geus capeeun pisan. Kuring masih boga senjata nu can dikaluarkeun; naha sampeyan bakal sanggup narimana !?” HANCA
