Jalma tenang we, da pasti ieu para pengacow nu ngaduruk imah Pok Mineh teh; keun rek ditewak hiji supaya bisa menta katerangan nu jelas; kitu pikiran Jalma. Ari ngareret ka Ricky manehna memang rada kaget , tapi kaciri manehna teu gugup komo sieun mah. Malah terus nyentak :”Eh kamu orang mau ngapain hah !? Apa mo ngrampok disiang ari bolong !?” Nu hiji nyentak:”Eh Kumpeni; luh jangan ikut campur kita mau nangkep ni bocah udik yang sombong; minggir luh!” Richard:”Hehehe, hey lu pada; tua2 bangkotan mo ngroyok seorang anak muda ? Apa lu pada nggak malu hah ?!” Nu saurang nyentak:”Eh kita jangan banyak cingcong, kita habisin dua2nya sekalian !” “Eh lu udah gak mo makan nasi lagi !? berani nglawan Kumpeni ! ?” cek nu sedjenna. “Abis gimana nni Blande brani2 belain si Udik !?” Salah sahiji nu ngepung ngadeukeutan Richard, maksudna supaya Richard mundur; tapi karek ge ngaragamang duk jetot ! Aduh ! Langsung keuna tonjokan Ricky; nepi ka ngajongkeng terus KO. “Weh kurang ajar ni Kumpeni ! ayoh gak usah takut kita keroyok saja; urusan belakang ! “ Jalma kaget oge nempo Ricky wanian pisan; jeung enya boksenna alus pisan, sakali ninggang hiji nu rek jahat ngajongkeng. Eta nu sapuluh urang ( da hiji geus ngajungkel ); tilu ngepung Ricky , tujuh ngepung Jalma. Jalma memang ayeuna mah niat rek ngalawan eta para pangacow kaamanan bari rek ngompes hiji dua ieu gorombolan, supaya bisa nyaho dimana tempat atawa markasna ieu pengacow teh; jeungna deui manehna ge kudu ngajaga kasalametan sobatna si Ricky; jadi di na ngaluarkeun elmuna Jalma teu asa2 deui; jebet2 we kaditu kadieu; satiap nu dijelebot, pasti mamarasna ! atuh eta kumpulan gorombolan teh harita keneh ting jarongkeng; sakabehna reuwaseun pisan; teu sangka ieu “anak mude bau kencur teh” sakieu jagona. Langsung we kalabur geus kitu mah, tapi Jalma nyekel hiji pengacow, teu dileupaskeun, nya terus dikompes harita keneh, supaya ngaku; jeung nunjukkeun tempat atawa markas kelabang item. Tapi najan dikukumaha keukeuh teu daek ngaku ; nya ku Jalma dileupaskeun bari ngomong ku basa Walanda ka Richard:”Rick gancang balik ! Uing rek nuturkeun ieu penjahat; da pasti manehna kabur ka tempat markasna.” HANCA
