Nyi Emeh mah leuwih klop lamun dipasangkeunana jeung Sisodin........pas pisan
________________________________ From: Abbas Amin <[email protected]> To: kisunda <[email protected]>; urangsunda <[email protected]> Sent: Wednesday, February 8, 2012 1:10 PM Subject: [kisunda] Cersil Sunda ka71 Jalma:”Leres pisan Ma Emeh; aeh Ibu.........” Nyi Emeh:”Rek nyebut ema, rek nyebut Ibu oge, teu aya halangan; sarua wae. Ibu ka maneh teh geus ngarasa asa ka anak sorangan.” Jalma:”Sami abdi oge Ibu; abdi teh ngaraos asa ngobrol sareng pun biang we.” Nyi Emeh:”Ari ibu Rama Ujang jumeneng keneh ?” Sajongjongan mah Jalma ngahuleng, lantaran hese ngajelaskeunana. Nyi Emeh sigana surti pok we nyarita:”Sigana beurat nya ujang ngajawab eta pertanyaan teh ? Keun we nu penting mah Ujang geus ngaku ka ibu teh Indung Ujang; atuh Ibu ge ngarasa Ujang teh anak Ibu. Jadi eta ge geus leuwih ti cukup, Hehehe. Ibu bungah pisan boga anak saperti maneh, Jalma.” “Alhamdulillah Ibu; nya kuring ge bungah boga indung saperti Ibu.” Sanggeus kitu, Nyi Emeh nyarita yen manehna rek nempo para palayan, bisi aya kabutuh atawa aya nu rek ditanyakeun; nya Nyi Emeh kaluar ti kamar Jalma; ari Jalma dug we sare; da ngarasa cape geus ti perjalanan jauh. Episode ka 32 – Nganteur Nyi Emeh ka Leuwiseeng Na hiji poe Nyi Emeh nyarita ka Jalma hayang nempo lembur, ditanya ku Jalma dimana cenah lembur teh ? Leuwiseeng cenah; beuki yakin we Jalma yen enya Nyi Emeh teh indungna. Cenah ayeuna mah Nyi Emeh bisa mopohokeun kanyerian hatena lantaran aya “Jalma”; Jalma geus teg deui wae, tapi ah keun we ayeuna mah da geus puguh Nyi Emeh na ge ngaku pisan ka Jalma, yen Jalma teh anakna. Nya Jalma jangji rek nganteur Nyi Emeh ka Leuwiseeng. Terus we Nyi Emeh bebeja ka Tuan Hendrik rek balik ka lembur cenah, lantaran geus lila ditinggalkeun; Hendrik di na waktu ayeuna narima Nyi Emeh teh lain babu tapi bagean ti na kulawarga badag Hendrik, ngarasa rada beurat oge; cenah naha Emeh ngarasa cape digawe, atawa nyeri hate ku manehna. Nyi Emeh mani ceurik2 sasadu yen manehna teu pisan2 nyeri hate ka Tuan Hendrik, nu aya mah manehna teh kacida nganuhunkeunana tina manehna geus dijait ti na kasangsaran , jadi hirup senang. Ngan wae masing kalah kumaha oge, cenah Nyi Emeh teh urang Leuwiseeng, tah ayeuna ku sabab geus lila ninggalkeun lembur, asa sono ka lembur. Nya atuh Hendrik ge teu nahan deui ngan cenah tunggu Bella lamun Vakansi; lantaran pasti manehna bakal leungiteun; lantaran Bella eta nu nemonan baheula Nyi Emeh waktu katalangsara di jalan waktu Nyi Emeh kakaburan ti Leuwiseeng. HANCA
