Teu wudu ku gotong royong jeung bari sumanget mah, 2 bulan Mushalla geus ngadeg; Jalma bungah pisan. Ayeuna mah Jalma sering pisan ka Mushalla; nya di dinya Jalma bisa leuwih salse ngajar shalat, puasa jeung nu sejenna ka Masyarakat . Selang2 ti na ngajar Islam; manehna diajar Basa Inggris jeung maca Eropean History. Manehna jadi nyaho yen saenyana Bangsa Walanda memang ti dituna jago perang. Nu ngelehkeun Armada Spanyol nu cenah moal aya nu ngeleehkeun; eleh ku Angkatan laut Inggris nu intina tentara Bangsa Belanda; malah Raja Walanda Willem Van Oranye ngarangkep jadi Raja Inggris. Inti Pasukan Prussia nyata 90% Bangsa Walanda. Pantes atuh di ieu Tanah Jawa , kabeh karajaan eleh ku Pasukan Walanda. Ari Nyi Epon mani sumanget pisan, nganteuran kadaharan jeung cai keur nu digarawe; saenyana geus tilu kali Nyi Epon dilamar ku pamuda2 di dinya; saencan Jalma ka dinya; tapi ari di tanya ku bapana Nyi Epon nolak wae, pajarkeun can hayang laki rabi cenah. Astahiam ge apal yen Epon geus kabeungkeut hatena ku Jalma; paadahal astahiam apal yen Jalma teu aya hate ka Nyi Epon; tapi eh keukeuh we Nyi Epon embungeun; malah aya pamuda nu ngomong yen nungguan Jalma mah teu guna2 lantaran ari Jalma teh Pendekar; ari Pendekar tea; sok tara tangtu iraha balikna; jadi tong diarep arep teuing. Tapi ih eta omongan teh teu didenge ieuh. Padahal geus aya sapuluhna babaturan Nyi Epon nu sapantar jeung sahandapeunana karawin; tapi Nyi Epon mah mugen wae. Geus di togmolan oge ku bapana cenah Jalma mah teu aya hate ka Nyi Epon teh; eh malah siga nu rada ambek; nepi ka dua poe embung patanya jeung bapana. Nya bapana taak, ti dinya mah diantep we kuma dinya cenah. Tah ari ayeuna Ma Emeh geus aya di Leuwiseeng; malah jeung Jalma oge aya deuih; terus we Nyi Epon soson2 pisan; ngajina ge kasebut pang bisana disartaan ku alus sora; atuh kapake pisan lamun aya maca ayat suci Al Qur_an teh nya dibikeun ka manehna. Nyi Epon teh, di na waktu ayeuna mah pangsibukna; da ngabantu Nyi Emeh terus; atuh ka masjid terus; ampir euweuh pisan rinehna. Lila2 Ma Emeh kataji ku ieu Nyi Epon teh; terus wae manehna ngobrol na hiji waktu mah jeung Nyi Epon; atuh bungah kacida Nyi Epon teh; mani sumuh2 deui ka Nyi Emeh. Atuh Nyi Emeh beuki kataji ku Nyi Epon teh; lantaran perjuangan jeung usahana enya2 hayang meunangkeun Jalma teh. Nyi Emeh terus nitah Nyi Epon ngadongengkeun sacerewelena waktu Nyi Epon diculik tea; derekdek we Nyi Epon ngadongengkeun lalakon pribadina; terus ditambahan yen lamun wae Nyi Epon teu laksana kawin jeung Kang Santika ( Jalma ); maning keneh ngaligeuh we saumur hirup. Nyi Emeh gogodeg, ku kawani Nyi Epon ngabukakeun eusi hatena ka manehna geus nguji pisan; yen enyaan Nyi Epon teh hayangeunana dipikanyaah ku Jalma. Kumaha yeuh ? Cek Nyi Emeh na hatena. Nyi emeh nempo tindak tanduk Jalma sapopoe; asa euweuh tanda2 “aya sir ka Nyi Epon” kumaha yeuh ? Tapi karunya Nyi Epon; tapi da piraku kudu nitah Jalma ngawin anu teu dipikaresep mah ? aing teh nyaah ka anak ( Jalma ); tapi naha Jalma geus aya kikindeuwanana ? Lamun tacan mah, meureun ka Nyi Epon ge asa pantes; da kapan Nyi Epon ge manis; tapi kacirina enyaan nyaah pisan ka anak aing ? Mun tea mah jadi, meureun ieu Nyi Epon bakal usaha satekah polah keur nyenangkeun Jalma . Tapi naha Jalma ngarasa bagja ku dikitukeun ? Can tangtu. HANCA
