Kakaren ti KIBS II desember anu kalangkung. Teu ngahaja pendak sareng Pa Wim van Zanten anu ngadadarkeun perkawis rekaman lagu Cianjuran kenging juragan Snouck. Snouck ngarekam lagu-lagu Cianjuran, sateuacanna dibenum janten penasihat pamarentah kolonial Walanda dina widang agama Islam. Rekaman munggaran lagu Cianjuran dilaksanakeun waktos Snouck aya di Mekah ti salah sahiji “informan”. Di Universitas Leiden aya sababaraha rekaman lagu Cianjuran Koleksi Snouck. Pa Wim ngaharepkeun aya urang Sunda anu nalungtik perkara rekaman lagu-lagu Cianjuran ieu ka Leiden. Bahan lagu-lagu Cianjuran anu aya di universitas Leiden, paling heunteu, tiasa ngahasilkeun dua doktor dina widang kasenian. Duka tah aya nu minat atanapi heunteu.
Ari ceuk kuring mah, salah sahiji “keberhasilan” KIBS II upama aya urang Sunda anu “ngajawab” tantangan Pa Wim. Paling heunteu, panata Calagra KIBS II masihan fasilitas pikeun peminat anu bade nalungtik perkara ieu. Waktos ngobrol, Pa Wim masihan alamat email, tapi hilap deui dimana disimpenna. Pami aya panitia anu tiasa masihan alamat Pa Wim, hatur nuhun pisan. Baktos, mracahmatrawyani
