Episode ka 35 – Nyi Epon jadi murid Kiai Salam Salian ti hayang guguru ngaji, Nyi Epon teh tada teuing hayangna jadi Pendekar Silat; lantaran manehna geus kapangurahan pisan ku Jalma nu nyantri jeung jago Silat. Ah aing ge ulah eleh ku Kang Jalma. Kitu piliran Nyi Epon. Bakat ku keyeng ahirna Nyi Epon apal yen Guru Silat di dinya teh Kyayi Salam; nya na hiji poe mah Nyi Epon ngadep ka Kyayi Salam menta supaya daek ngajar Silat ka manehna. Kaget oge Kyayi Salam; lantaran geus taunan manehna jadi guru Silat, can ngajaran ngajar ka awewe; rata2 lalaki wungkul. “Ke heula Nyi naon sababna Nyai make hayang diajar Silat ?” Kyayi Salam nalek ka Nyi Epon. Nyi Epon:”Kyayi nu dipihormat; ari diajar Silat naha awewe teu meunang ?” Nyi Epon males nanya. “Eu...... lain kitu, tapi naha keur naon awewe diajar Silat ?” “Naha Kyayi teu uninga waktos abdi ditawan ku para begal ? Upami teu aya Kang Jalma mah, tangtos abdi jadi boneka nu dimaenkeun ku para begal ? Tah mun abdi tiasa mah panginten tiasa ngabela diri, sanes ? teu dihina hina teuing sapertos kitu ? Paling ge dipaehan ?” Nyi Epon mani nyorocos majukeun argunentasina. Sajongjongan mah Kyayi Salam ngahuleng, ti na teu kapikir ieu murid pasantren bisa ngomong kitu. Awewe deuih. “Nya atuh ari memang nyai rek guguru ka bapa mah sok bae; ngan latihanana ulah ngahiji jeung lalaki; lalaki teh tiap malem senen jeung Kemis; tah atuh nyai mah ; Salasa Rebo; kumaha ?” “Nuhun atuh Ki; ari soal latihan mah kuma Kyayi atuh. Jadi ari Jalma mah balik deui jeung Nyi Emeh ka Leuwwiseeng, ari Nyi Epon mah terus dipasantren; salian ti ngaji manehna tekun pisan ngalatih Cimande. Lain ngan ukur Salasa Rebo; unggal peuting manehna terus tekun latihan. Saenyana Nyi Epon geus robah jadi awewe ambisius. Naon sababna ? Sabab CINTA. Cinta bisa ngarobah manusa ti na sieun jadi wani; jeung sabalikna deui. Ngaji terus beurang; atuh ibadah shalat teu tinggal; ngan manehna rada sering nundutan; lantaran sok latihan peuting teuing; malah kalan2 sok ngintip lalaki nu keur latihan Silat. Patekadan Nyi Epon gede pisan, nepi ka kamajuanana oge nyongcolang pisan; nepi ka Kiai Salam ge heraneun , jeung ngarasa yen ngajar Silat Nyi Epon teu salah. Ayeuna mah ti na heran jeung rada hambar panarimaan Kiai Salam, jadi robah ngahargaan jeung nyaah ka Nyi Epon; malah terus dipapatahan supaya salian ti latihan pencak silat; oge kudu latihan nu tekun di na ngeusi tanaga jerona. Sabab teu sambarang jelema bisa ditingkatkeun ku latihan eta; mun kamajuanana teu kaciri; jadi Nyi Epon mah geus boga syarat pikeun narima sakabeh kabisa Kiai Salam. HANCA
