Hatur nuhun bah AA Geus sosonggeteun yeuh, lieuk deui lieuk deui... :D Sent from BelekBek®
-----Original Message----- From: Abbas Amin <[email protected]> Sender: [email protected] Date: Sun, 4 Mar 2012 23:18:48 To: kisunda<[email protected]>; urangsunda<[email protected]> Reply-To: [email protected] Subject: [Urang Sunda] Cersil Sunda ka 82 Na hiji waktu Kiai Salam ngahaja nitah Nyi Epon diberego peuting kaluar cenah ditempat nu rada jauh ti dinya engke kaluar; lamun aya nu ngahalang tah coba tarung cenah. Dina waktu nu sarua Kyayi Salam nitah 4 Murid Pasantren nu milu ngaguru penca ka Kiai Salam. Eta nu opat dititah indit ka sisi leweung nu deukeut ka dinya; maranehna teu nyaho rek naon tapi terus we maranehna ka dinya; barang ngadeukeutan eta leuweung; ti nu poek nu loba kakaian luncat hiji “sosok” nu make berego pakean hideung2. “Hey eureun ! Rek kaman ki silah ? “ Cek Ki Jaini salah sahiji murid Ki Salam. Lain ngajawab eta sosok teh ujug2 gaplok wae nyerang; mani nyeri reuwas jeung teu ngarti Ki Jaini kacabok; atuh nu tiluan batur Ki Jaini terus wae maju megatan eta “sosok”; tapi eta sosok malah jadi ngamuk; saha wae nu ngadeukeutan tangtu ditinggang; teu kadenge sorana; da eta sosok teh ngabetem wae. Eta sosok teh make berego hideung; pakean sarwa hideung; badanna kaciri langsing; ngaharib harib ka awewe. Laju nu opatan ngoroyok eta si nu diberego; tapi opatanana oge kadesek, najan ngahurup ge. Maranehna heran naha ieu si berego hideung teh elmuna sarua pisan jeung maranehna; ngan wae leuwih kesit jeung leuwih antep. Keur kitu aya nu susuit jiga nu ngageroan; si berego gancang luncat ka leuweung ; les we teu kaciri deui. Murid2 Kiai Salam baralik, terus bebeja yen manehna nemonan penjahat nu elmuna kacida saruana. Kiai Salam repeh we teu loba omong; ngan nitah maranehna baralik asup deui ka kobong. Malem salasa Kiai Salam nyarita ka Nyi Epon; yen Nyi Epon geus lulus; tinggal ningkatkeun we cenah; da elmuna geus dibikeun kabeh ka Nyi Epon; jadi teu kudu kadieu deui cenah. Nya atuh ti harita mah Nyi Epon latihan we sorangan; pangpangna ngalatih tanaga jero. Na hiji peuting, biasa keur ngalatih diri; manehna ngadenge aya nu nyikikik. Reuwas jeung rey we bulu pundukna maruringkak; ih aya naon yeuh ? Naha ieu kunti tea kituh ? Seurina pikasieuneun pisan ? Tapi lain ge Nyi Epon mun sieun ku ukur nu seuri mah; nya manehna ngadepong ka nu poek; nempoan bisi eta nu nyoara tan katingal teh aya di deukeut tempat eta. Tapi weleh teu kapanggih. Ahirna leos wae Nyi Epon ka kobongna. Ari nu sejen mah jam 8 ge geus talibra sarare; ari Nyi Epon mah; ku sabab biasa latihan tea; nya sarena pang peutingna wae. Peuting isukna waktu keur latihan ; aya nu ngusap ka na pipina; barang ngalieuk kaciri aya nu ngolebat; tapi teu kaciri jirimna; rey deui bulu punduk Nyi Epon maruringkak; ieu teh jurig, atawa manusa ? Kitu pikiran Nyi Epon. Terus babacaan; sanggeus tenang deui der deui we latihan. “Hahaha ngagilek kagigir , mundur salengkah lain maju, bodo !” ayeuna mah jelas sora manusa; mani reuwas Nyi Epon ngadenge sora jelema, bari jiga nu mapatahan. Teu nyaho kumaha Nyi Epon nurutkeun eta papatah; enya we asa ngeunah jeung leuwih mantep lengkahna; terus Nyi Epon neunggeul ka hareup bari ngagiwar leungeun nu kenca ngalayang ka luhur. Ngong deui sora :”Salah ! kuduna luncat heula, kakara ngagiwar kakenca; terus nonjok bari nalipak.” “Eh ieu teh saha jurig ? cek na hatena.” Tapi terus we Nyi Epon ngajalankeun naon nu disebutkeun ku eta sora; karasa aya tanaga asup ti na handapeun bujal kana dada terus nyalur ka na leungeun. “Euleuh enyaan hebat ieu jelema tanpa jirim teh.” Cek hate Nyi Epon, terus we Nyi Epon deku dat nyembah pok ngomong:”Eh sampeyan Jelema sakti; mugi kaluar nembongan ka kuring; kuring hayang guguru ka sampeyan.” HANCA
